Coronavirus yageze mu Rwanda ....yasanganwe Umuhinde bwa mbere
Uyu Muhinde akigera mu Rwanda ntabwo yagaragaje ibimenyetso,ariko yijyanye kwipimisha kuri uyu wa Gatanu tariki 13 Werurwe 2020 asanganwa Coronavirus.
Nyuma yo gusanga yaranduye arimo gukurikiranwa n’abaganga kandi yashyizwe mu kato.
Minisiteri y’ubuzima ivuga ko uyu murwayi ari kuvurwa, ameze neza, kandi yatandukanyijwe n’abandi barwayi".
Yongeyeho ko hamaze gushakishwa "abo yaba yarahuye nabo kugira ngo niba hari uwanduye avurwe, kandi indwara ntikwirakwizwe".
MINISANTE ivuga ko Abanyarwanda bagomba kurushaho kwirinda bakaraba intoki, birinda gukoranaho cyane kandi bamenyesha inzego z’ubuzima igihe babonye ibimenyetso bidasanzwe.
Icyorezo cya Coronavirus cyemejwe nk’icyugarije Isi, aho kimaze gukwirakwira mu bihugu birenga 123.Abarenga 125 000 bamaze kucyandura hirya no hino ku Isi.Kimaze guhitana abasaga 5000.
Zimwe mu ngamba zo kwirinda CoronaVirus:
Gukaraba intoki kenshi n’amazi meza n’isabune;
Kwirinda gukorana mu biganza;
Kwirinda kujya ahateraniye abantu benshi;
Kwirinda gukororera/kwitsamurira iruhande rw’abandi;
Kwirinda gukorera ingendo zitari ngombwa
Guhamagara kuri 114 igihe ubonye umuntu ugaragaza ibimenyetso birimo inkorora,kwitsamura n’umuriro mwinshi.
