Print

Umukinnyi Peter Whittingham wanyuze benshi muri Premier League 2013-2014 yapfuye

Yanditwe na: Dusingizimana Remy 19 March 2020 Yasuwe: 3684

Peter Whittingham yibukwa na benshi mu ikipe ya Cardiff yakinnye Premier League mu mwaka w’imikino wa 2013-2014 aho yari umwe mu bakinnyi bo hagati.

Kuwa 07 Werurwe 2020 nibwo uyu mukinnyi Peter Whittingham yahuye n’uruva gusenya avuye kureba uyu mukino wa Rugby,anyerera ku ngazi yitura hasi ahita ajyanwa kwa muganga aho yageze amerewe nabi cyane biba ngombwa ko ahabwa imashini imufasha kubaho yazimye kuri uyu wa kane nyuma y’iminsi 12.

Whittingham yatangiriye umupira muri Aston Villa muri 2002,awusezerera muri Blackburn muri 2018 amaze gukina imikino 500 ndetse yanatsinze ibitego 98.Whittingham asize umugore utwite n’umwana umwe w’umuhungu.

Peter Whittingham wakiniye mu kibuga hagati amakipe arimo Cardiff, Aston Villa na Blackburn yapfuye afite imyaka 35.Yanakiniye Ubwongereza bw’abatarengeje imyaka 21.

Whittingham, yakiniye Cardiff imikino 400 hagati ya 2007 na 2017 ayifasha gutwara igikombe cya Championship muri 2013 ndetse ayifasha kugera ku mukino wa nyumwa wa FA Cup muri 2008 na League Cup muri 2012.