Robert Lewandowski yatanze akayabo mu rwego rwo gufasha isi kurwanya icyorezo cya Coronavirus
Abakinnyi bagenzi be Leon Goretzka na Joshua Kimmich bakinana muri Bayern, na bo bashinze ikigega bise "We Kick Corona", cyangwa "Dutere Ishoti Corona", ugenekereje mu Kinyarwanda, ikigega cyo kurwanya coronavirus aho na bo batanze miliyoni imwe y’ama-euro.
Leroy Sane ukina ku ruhande mu ikipe ya Manchester City na we yatanze imfashanyo y’amafaranga yo kurwanya coronavirus.
Umuryango wa Lewandowski wabwiye ikinyamakuru Bild cyo mu Budage uti: "Tuzi neza ibihe bikomeye biriho ubu".
"Uyu munsi twese turi gukina hamwe mu ikipe imwe. Reka dukomere muri uru rugamba. Niba hari umuntu dushoboye gufasha, reka tumufashe".
"Uko ibintu bimeze kuri ubu biragira ingaruka kuri buri wese muri twe, rero turasaba gukurikiza amabwiriza atangwa n’inzobere..."
Ikigega "We Kick Corona" cya bagenzi be kimaze gukusanya arenga miliyoni 2.5 z’ama-euro, kandi imiryango ifasha n’ibigo byita ku mbabare bishobora kwandika bisaba inkunga muri icyo kigega binyuze ku rubuga rwa internet rwacyo.
Kimmich yagize ati: "Buri wese ashobora gufasha, haba mu mikoro macye no mu mikoro menshi".
"Nidushyira hamwe kuri ubu, tugashyira mu gaciro...kandi tugafashanya, nibwo dushobora kwikura muri aya makuba".
Inkuru ya BBC