Print

Cristiano Ronaldo na Lionel Messi batanze umusanzu ukomeye mu gufasha isi kurwanya Coronavirus

Aba bakinnyi b’ibyamamare ku isi bifatanyije na bagenzi babo gufasha isi mu rugamba rutoroshye rwo guhangana n’icyorezo cya COVID-19 kimaze guhitana abantu basaga ibihumbi 15 hirya no hino ku isi.

Lionel Messi Ukinira FC Barcelona yatanze akayabo ka miliyoni imwe y’amayero [ €1m (£920,000)] mu rwego rwo gutera inkunga ivuriro ryita ku barwayi ba Coronavirus ndetse riri gukora ubushakashatsi kuri iki cyorezo.

Ku rundi ruhande mugenzi we Cristiano Ronaldo ari kumwe n’umushakira amakipe Jorge Mendes batanze miliyoni 1 y’amayero mu gufasha ibitaro byo muri Portugal nabyo byita ku barwayi ba Coronavirus.

Abandi bitanze barimo umutoza Pep Guardiola watanze miliyoni y’amayero mu rwego rwo gufasha abantu barwaye Coronavirus.