Print

Uganda yemeje abandi bantu 5 basanzwemo icyorezo cya Coronavirus

Yanditwe na: Martin Munezero 25 March 2020 Yasuwe: 1474

Muri aba bantu batanu bashyaa, batatu ni Abagande mu gihe babiri ari Abenegihugu b’Abashinwa bari mu Bashinwa 6 bahunze akato bari babashyizemo muri Uganda bakajya mu Karere ka Zombo aho bakuwe. Minisiteri rero yavuze ko bishobora guteza akaga abashinwa bakagezwa mu nkiko.

Ati: “Kuva uyu munsi, ku ya 25 Werurwe 2020, hari abantu 5 bemejwe ko banduye COVID-19 bituma umubare rusange w’abantu banduye COVID-19 mu gihugu ugera kuri 14.” Dr. Mwebesa wo muri Minisiteri y’Ubuzima niko yavuze.

Minisiteri yavuze kandi ko guhera ku ya 25 Werurwe 2020, abantu 1431 bari bafite ibyago byinshi byo kuba baba bari baranduye COVID-19 bari barashyizwe mu kato ko ubu bafite ukwishyira ukizana kwabo kuko barangije iminsi 14 bakurikiranwa none bakaba bafite umudendezo wo kwinjira mu baturage.

Indwara ya Coronavirus 2019 yatangiriye i Wuhan mu Bushinwa mu Kuboza 2019 kugeza ubu imaze gukwirakwira mu bihugu n’uturere birenga 160,yanduye abantu barenga 400.000,yica 18.000 mu gihe 110.000 bakize. Uganda kimwe n’ibindi bihugu nk’u Rwanda birimo gukora cyane kugirango babone icyorezo cyirukanwa mu gihugu.