Kenya: Umubare w’abarwaye Covid 19 wiyongereye cyane bituma irusha u Rwanda rwari urwa mbere muri EAC
Mutahi Kagwe yavuze ko muri abo 22 basanzwemo iki cyorezo uyu munsi, 21 muri bo basanzwe barashyizwe mu kato. Uyu niwo mubare munini w’abantu benshi basanzwemo Covid-19 ku munsi umwe muri aka karere k’ibiyaga binini.
Leta ya Kenya yatangaje kandi ko abantu babiri bashya bakize iyi ndwara.
Mu bakize harimo umugore witwa Brenda, wabwiye abanyamakuru ko yari yagiye muri Leta Zunze Ubumwe za Amerika mu Ukuboza umwaka ushize, ariko akaba yaratangiye kwikeka ko yaba yaranduye Coronavirus amaze kugaruka muri Kenya avuye i Londres mu ntangiriro z’ukwa gatatu.
Uyu mugore hamwe na mugenzi we Brian baganiriye na Perezida Uhuru Kenyatta mu kiganiro n’abanyamakuru bakoresheje uburyo bw’indegakure[video call] ikiganiro cyabo gica no ku mbuga nkoranyambaga
Brenda ati: "Nafashwe n’inkorora mu gihe kingana n’iminsi 3 yose maze kugaruka mu gihugu".
Avuga ko yahise anyarukira ku kigo leta yateganyirije kwakira abanduye Coronavirus mu murwa mukuru Nairobi kugira ngo yivuze.
Brenda yabwiye abanya Kenya, ati: "Covid-19 ni indwara ishobora kuvurwa igakira".
Na mugenzi we Brian avuga ko yanduye Coronavirus nyuma y’aho abonaniye na Brenda, avuga ko na we yakize.