Print

Brazil: Umugabo n’umugore bambara nk’abagiye mu kwezi mu rwego rwo kwirinda COVID-19 baciye ibintu [AMAFOTO]

Yanditwe na: Dusingizimana Remy 14 July 2020 Yasuwe: 2574

Brazil ubu ni igihugu cya kabiri ku isi iki cyorezo kimaze kwicamo abantu benshi, gusa bakomeje gukora ibishoboka mu kurwanya no kwirinda coronavirus.

Uyu mugore n’umugabo we, bo bafashe ingamba zirenzeho mu kwirinda ko iki cyorezo kibageraho.

Tercio Galdino w’imyaka 66 akunze kurwara ibihaha, bisobanuye ko yaba ari mu kaga gakomeye aramutse yanduye iyi virus.

Bityo we n’umugore we Aliceia Lima bambara imyenda idasanzwe iyo basohotse hanze y’urugo rwabo muri Rio de Janeiro.

Tercio yaguze imyenda ariko ubwe niwe wikoreye ingofero (casque) imeze neza nk’iy’abagenda n’ibyogajuru bagiye mu isanzure.

Uretse kubaha ubwirinzi bwo ku rwego rwa kiganga, iyi myambaro ituma uyu mugore n’umugabo we banishimira cyane iby’isanzure basanzwe bakunda.

Muri Brazil, abantu barenga miliyoni 1,8 banduye covid-19 mu gihe abarenga 72,000 imaze kubica nk’uko bitangazwa na kaminuza ya Johns hopkins.


BBC