Print

Uganda: Umuntu wa mbere yahitanywe n’icyorezo cya COVID-19

Yanditwe na: Dusingizimana Remy 23 July 2020 Yasuwe: 1333

Ushinzwe serivisi z’ubuzima muri Uganda, Henry Mwebesa yagize ati “uwafuye n’umugore w’imyaka 34 wari utuye mu karere ka Namisindwa wagaragzaga ibimenyetso bya covid-19 nk’umuriro,inkorora,kubabara umutwe no kunanirwa guhumeka.

Uwapfuye yajyanwe ku bitaro bya Wasungui HC II kuwa Gatatu,tariki ya 15 Nyakanga 2020,atangira kuvurwa umusonga ukabije.Kuwa 20 Nyakanga,yoherejwe ku bitaro bya Joy Hospice biherereye mu karere ka mbale aho yahawe akato.

Muri ako kato yarushijeho kuremba ndetse ananirwa guhumeka,arakorora cyane ndetse anaribwa umutwe.ku bw’amahirwe make yapfuye kuwa Kabiri tariki ya 21 Nyakanga 2020 saa munani.Yashyinguwe uyu munsi mu buryo bwabugenewe.”

Uyu mugore wahitanywe na Covid-19 muri Uganda ngo yari asanzwe ari umufasha w’abaganga.Minisiteri y’Ubuzima muri Uganda yavuze ko abantu mirongo itatu bashobora kuba baregeranye n’uwo mugore bashyizwe mu kato ndetse ngo n’abandi bamugeze hafi bari gushakishwa kugira ngo basuzumwe.

Uganda yiyongereye kuri Botswana na Burundi bamaze gupfusha umuntu umwe azize Covid-19. Eritrea na Seychelles nibyo bihugu bitaragaragaramo umuntu wahitanywe na Covis-19 muri Afurika.

Abamaze kwandura Covid-19 muri Uganda ni 1,079,Abakirwaye ni 108 mu gihe abakize ari 971.Hamaze gupfa umuntu umwe.