Abapolisi 4 bafashwe amashusho bari gukubita bikomeye umugore uhagarariye abaturage ku rwego rw’ubutegetsi bw’umurwa mukuru wa Nairobi banenzwe na benshi
Polisi yoherejwe ku nteko y’intara ya Nairobi gutatanya abashingamategeko bayo bariho bagerageza kweguza ubakuriye, mu gikorwa cyarimo akaduruvayo nk’uko ibinyamakuru byaho bibivuga.
Habayeho guhangana hagati y’aba n’abapolisi, nyuma aba bapolisi bane bafotowe bakubita Patricia Mutheu uri mu bahagarariye abaturage muri iyo nteko ya Nairobi.
Urwego rureberera polisi ya Kenya rwatangaje ko "rwavuganye na bamwe mu bantu bari aho ibi byabereye".
Ntiharamenyekana ibyabanjirije gukubita uyu mugore, ababikoze ntibarumvwa.
Gukubita uyu mugore cyanenzwe n’abantu benshi muri Kenya ku mbuga nkoranyambaga, bamagana urugomo rw’abapolisi ku baturage.
Itangazo rya ruriya rwego rureberera polisi rivuga ko "iperereza ry’ibanze riri kureba uruhare rwa bariya bapolisi bari boherejwe kuri iyi nyubako ya leta".
Amnesty International ishami rya Kenya, ryasabye ko aba bapolisi bakubise uwo mugore bakurikiranwa.
Madamu Patricia Mutheu yumvikanye abwira ibitangazamakuru muri Kenya ko yababajwe no gukubitwa n’abapolisi barimo umukuru wabo, bamusanze aho akorera kandi atabarwanyije.