Cesc Fabregas wakiniye Chelsea na Arsenal yavuze ikipe yifuza ko yatwara FA Cup 2020
Cesc Fabregas yavuze ko yifuza cyane ko Arsenal ariyo yatwara igikombe cya FA Cup itsinze Chelsea FC nayo yakiniye cyane ko aya makipe yombi azesurana kuri uyu wa Gatandatu I Wembley.
Fabregas yakiniye Arsenal kuva 2003 kugeza 2011 ariko yongeye kugaragaza ko iyi kipe yabereye kapiteni imuhora ku mutima ariyo mpamvu yabwiye ikinyamakuru Daily Telegraph ko yifuza ko yatwara iki gikombe.
Yagize ati “Arsenal niyo ikeneye iki gikombe cyane.Buri mwaka ikipe ya Chelsea itwara igikombe n’ukuvuga ko izi ari inyamaswa zitandukanye.
Ku bijyanye n’ibikombe, Arsenal irabikeneye kugira ngo yongere igire icyizere mu mwaka utaha w’imikino ndetse ibone itike yo gukina imikino y’I Burayi. Chelsea iri muri Champions League ariko Arsenal nta kintu na kimwe ifite ubu.”
Fabregas yatwaye igikombe kimwe mu myaka yamaze muri Arsenal ariko muri Chelsea yabashije gutwara ibikombe bine.
Frank Lampard na Mikel Arteta bari gutangira ubutoza ariyo mpamvu buri wese yifuza gutwara igikombe cye cya mbere.
Fabregas yatwaye FA Cup ya 2004 ari muri Arsenal ndetse muri 2018 yatwaye iki gikombe ari kumwe na Chelsea.Aya makipe yaherukaga guhurira ku mukino wa nyuma wa FA Cup wa 2017 wahiriye Arsenal kuko yatwaye igikombe itsinze ibitego 2-1.
Fabregas arifuza ko Arsenal itwara FA Cup