Lionel Messi yigaranzuye Cristiano Ronaldo mu bakinnyi binjije menshi kurusha abandi muri 2019 [URUTONDE]
Uru rutinde rwakozwe hagendewe ku mishahara,uduhimbazamusyi,amafaranga yo kwamamaza,n’ibindi bitandukanye.
Lionel Messi akomeje kwigaranzura Cristiano Ronaldo mu bintu bitandukanye kuko nyuma yo gutwara igihembo cy’umukinnyi mwiza wa FIFA na Ballon d’or ya 6,akomeje no kumujya imbere mu bindi bitandukanye.
France Football yashyize hanze urutonde rw’abakinnyi 10 binjije akayabo ku isi barimo umwe gusa wo muri Premier League ariwe Raheem Sterling wa Manchester City.
Messi yinjije akayabo ka miliyoni 120 z’amapawundi mu mwaka ushize arusha Cristiano Ronaldo miliyoni 11 zose.
Aba bakinnyi nibo babashije no kurenza miliyoni 100 z’amapawundi kuko ababakurikiye bari inyuma gato.
Abakurikiyeho ni Neymar Jr,Gareth Bale, Antoine Griezmann,n’abandi.
Icyakora muri Kamena uyu mwaka,Cristiano Ronaldo yatanze Messi guca agahigo ko kuba umukinnyi wa mbere ku isi mu mupira w’amaguru watunze akayabo ka miliyari y’amadolari aturutse mu mishahara ye,ubucuruzi no kwamamaza.
Cristiano Ronaldo w’imyaka 35 yatanze uyu mugenzi we bahora bahanganye Lionel Messi kuzuza miliyari y’amadolari bituma aba umukinnyi wa 4 mu mikino yose iri ku isi utunze.
Ronaldo yageze ikirenge mu cya Floyd Mayweather wahoze akina iteramakofe,Tiger Woods ukina Golf na Micheal Jordan wahoze akina Basketball.
Urutonde rw’abakinnyi 10 binjije akayabo kenshi kurusha abandi muri ruhago muri 2019