Startimes izerekana imikino ya ½ cya UEFA Europa League
Ku ikubitiro,Manchester United izakina na Seville ku cyumweru tariki 16 Kanama 2020 saa 21:00 ku kibuga cya The RheinEnergieStadion, cyo mu Budage gikinirwaho n’ikipe ya FC Koln [Cologne].
Mu mikino 4 ya 1/2 ikipe ya Manchester United iheruka gukina mu marushanwa ya UEFA yose yarayitsinze irimo umukino wa 2007/2008,2008/2009 na 2010/2011 muri UEFA Champions League ndetse muri 2016/2017 yarabikoze muri Europa League.
Iyi ni inshuro ya 3 aya makipe yombi agiye guhurira mu mikino ya UEFA kuko muri 2017/2018 bahuriye muri 1/16 cya Champions League,Sevilla FC itsindira Man Utd ku kibuga cyayo 2-1 nubwo mu mukino ubanza bari banganyije 0-0.
Sevilla FC n’ikipe mbi cyane muri Europa League kuko mu nshuro 3 iheruka kugera muri 1/2 cy’iri rushanwa yarazitsinze inatwara n’igikombe.aho ni muri 2013/2014,2014/2015 na 2015/2016.Umutoza Ole afite intsinzi 49 mu mikino 89 aho natsinda uyu mukino azaba atsinze imikino 50.United imaze gukora agahigo ko guhabwa penaliti 21 muri uyu mwaka w’imikino.
Man Utd niyo mahirwe isigaje yo kwegukana igikombe muri uyu mwaka ngo ihe ibyishimo abafana bayo. Ese Bruno Fernandez na Pogba bazabasha kwivana imbere y’aba basore ba Seville?
Kuwa mbere tariki 17 Kanama 2020, Inter Milan izakina na Shaktar Donesk saa 21:00. Abasore ba Inter bayowe na Lukaku uri mu bihe bye byiza na Martinez bashaka kuzakina finale uyu mwaka.
Inter Milan igeze muri 1/2 cy’irangiza mu mikino ya UEFA bwa mbere kuva 2009/2010 ubwo yanatwaraga UEFA Champions League ibifashijwemo na Mourinho.
Aya makipe yombi amaze guhurira rimwe mu mikino ya UEFA aho muri 2005/2006 bahuriye mu majonjora yo kwerekeza mu matsinda ya Champions League,Inter itsinda Shakhtar Donetsk ibitego 3-1 mu mikino yombi.
Shakhtar iri gushaka uko yagera ku mukino wa nyuma wa Europa League ku nshuro ya 2 kuko muri 2008/2009 yatsinze Dynamo Kiev muri 1/2 hanyuma itwara igikombe igitsinze Werder Bremen kuri final. Ninde uzagera ku mukino wa nyuma hagati y’aya makipe ?.Reka tubitege amaso
Iyi mikino yose izanyura kuri World Football DTT 254, DTH 245.
Gura abonema ya Classic Bouquet ku 8,000rwf/Ukwezi 2,700rwf/kucyumweru, cyangwa 800rwf/kumunsi uzanogerwe niy’imikino ya Europa League kuri Startimes.