Print

Nyarugenge: Ubuyobozi bwafunze resitora 2 zahindutse utubari

Yanditwe na: Martin Munezero 19 August 2020 Yasuwe: 4412

Muri iki gikorwa hagaragaye Restaurant ebyiri zatangaga inzoga kuburyo wabonaga hari hahindutse akabari, ibi kandi bikaba byari insubiracyaha kuko baherukaga gucibwa amande kubera kutubahiriza amabwiriza yo kwirinda COVID-19.

Umuyobozi nshingwabikorwa w’akarere ka Nyarugenge yabwiye hanga dukesha iyi nkuruko tuzafungurwa ari uko covid-19 irangiye. Yagize ati:

Izi resitora zatanganga inzoga kuburyo amabwiriza yo kurwanya covid-19 atubahirizwa, iyo wahageraga wasangaga abantu bicaye begeranye, bakuyemo udupfukamunwa bamwe basinze barimo gukoranaho mu gihe amabwiriza yo kurwanya covid-19 abibuza. Iyi mikorere ishobora gutuma igihugu gisubira muri guma mu rugo.


Minisitiri w’Ubutabera akaba n’Intumwa Nkuru ya Leta y’u Rwanda, Busingye Johnston, yahishuye ko kuba benshi mu Banyarwanda baranze kumvira amabwiriza yo kwirinda ikwirakwira rya Covid-19 bigiye gutuma Guma mu rugo mu gihugu cyose igaruka.

Mu butumwa yatanze kuri Twitter ye mu gitondo cyo kuri uyu wa Kabiri tariki 18 Kanama 2020,Minisitiri Busingye yahishuye ko nyuma yo kwigisha no gufata ingamba zo kwirinda ikwirakwira rya Coronavirus abantu ntibabyemve,hagiye gukurikiraho Guma mu rugo yuzuye.

Ubutumwa bwa Busingye bugira buti “Mwaramutse #RwOT ? #Covid19Watch. Kwirinda Covid-19 byaravuzwe, birigishwa, bisubirwamo, ingamba turazibwirwa. Aho kumva ngo twubahirize ibyo dusabwa bamwe bakirara.None guma mu rugo totale turayikozaho imitwe y’intoki, tuyikururiye. Twirinde,Twirinde ! Akazi keza, God Bless.”

Mu mujyi wa Kigali niho iki cyorezo gikomeje guca ibintu kuko abantu asaga 287 bamaze kwandura iki cyorezo mu minsi 3 gusa biganjemo ababonetse mu isoko ryo kwa Mutangana i Nyabugogo no mu isoko rikuru ry’umujyi wa Kigali.Aya masoko yahise afungwa.

Ku mugoroba wo ku wa Mbere tariki 17, Minisiteri y’Ubuzima yatangaje ko mu Mujyi wa Kigali habonetse abarwayi bashya 87 banduye Coronavirus, bituma umubare w’abamaze kwandura uba 2540.