Pasiteri n’abadiyakoni barwanye na nyiri amazu bapfa amafaranga y’ubukode
Umugabo witwa Naagaka Embuu, yahuye n’uruva gusenya ubwo yakubitwaga n’abakristu bari baje gusenga bamuzizako yaje kwishyuza amafaranga y’amezi atanu bari bamurimo.
Ibi byabereye mugihugu cya Nigeria, murusengero rwitwa Grace and truth arena Church ruherereye Asaba Delta State.
Nyiri amazu yahamijeko, abasengera muri uru rusengero bamaze igihe cy’amezi atanu batamwishyura, bavugako bahuye n’ibibazo by’ikiza cya coronavirus.
Mucyumweru gishize, uyu mugabo yari yabwiye abasengera muri uru rusengero ko bamuha inzu ye niba badashaka kumuha amafaranga, baje gukomeza kwinangira nuko araza ashyiraho ingufuri, murwego rwo kugirango bazinjire bamuhaye amafaranga ye bamurimo.
Kucyumweru abasengera muri uru rusengero ngo basanzeho ingufuri, barayikata ubundi bakora amateraniro nkuko byari bisanzwe, mugihe amateraniro yari ageze hagati, nyiri amazu yaje kuhagera, nuko Pasiteri amubonye asohokana n’abadiyakoni badukira nyiri amazu baramukubita bidasanzwe, kuburyo ubuyobozi aribwo bwaje kubakiza.
Pasiteri uyobora uru rusengero yabwiye abayobozi bari baje kubakiza ko yabwiye uyu nyiri amazu ariko akanga kumva.
Yagize ati “Uyu mugabo twaramubwiye ngo atwihanganire ariko yanze kutwumva, nawe arabizi ubu kubera corona amaturo ntabwo akiboneka nkambere, ari nayo mpamvu twabuze ubwishyu….”
Comments
gatabazi 26 August 2020
Birababaje kubona muli iki gihe ushatse wese yiyita "umukozi w’Imana",nyamara agamije inda ye nkuko Abaroma 16:18 havuga.Biha amazina y’ibyubahiro ya Apotre,Bishop,Reverand,Pastor,etc...Nyamara Yesu yabujije abakristu nyakuri kwiha ama Titles.Ahubwo bose abasaba kumwigana,bakajya mu nzira bakabwiriza ubwami bw’Imana ku buntu,badasaba amafaranga.Pastors bose bahembwa ku kwezi.Nyamara Abigishwa ba Yesu,nta na rimwe basabaga icyacumi.Urugero,nubwo Pawulo yirirwaga abwiriza mu nzira no mu ngo z’abantu,yabifatanyaga no kuboha amahema akayagurisha.Ubwo nibwo bukristu nyakuri.Ibindi nukwishakira imibereho.