Print

Amacumbi y’abakozi b’uruganda rwa Prime Cement Ltd i Musanze yibasiwe n’inkongi y’umuriro

Amakuru yatangajwe n’inzego z’ibanze zo mu Kagari ka Birira mu Murenge wa Kimonyi mu Karere ka Musanze, avuga ko mu ruganda rushya rwa Sima “Prime Cement Ltd” ruherereye muri uwo murenge, ejo mu ma saa kumi z’igicamunsi, habaye inkongi y’umuriro yafashe inzu zabagamo amacumbi y’abatekinisiye.

Bivugwa ko icyateye iyo nkongi y’umuriro ngo byaba ari imiterere y’amashanyarazi (installation) itari imeze neza, hahiramo ibiryamirwa (matelas) n’ibindi bikoresho binyuranye byo mu nzu.

Polisi yahise itabara izimya iyo nkongi, hakaba hataramenyekana agaciro n’ingano y’ibyangiritse.