Print

Cardi B yasabye urukiko kumutandukanya n’umugabo we bamaze imyaka 3 babana[AMAFOTO]

Yanditwe na: Martin Munezero 16 September 2020 Yasuwe: 4312

Cardi B, amazina ye nyayo ni Belcalis Marlenis Almánzar, w’imyaka 27, umaze kwamamara cyane kubera uko akora muzika ye, yatanze inyandiko zisaba gatanya mu rukiko rwo muri leta ya Georgia.

Biteganyijwe ko iburanisha ry’ibanze rizaba tariki 04 z’ukwezi kwa 11 nk’uko bivugwa n’ibiro ntaramakuru Reuters.We n’umugabo we bashyingiranywe mu 2017, bafitanye umwana w’umukobwa witwa Kulture wavutse mu 2018.

Gusa umubano wabo wajemo kidobya kubera ibivugwa byo gucana inyuma. Mu 2018, Cardi B yavuze ko batandukanye, ariko nyuma baje gusubirana.

Gusaba gatanya bije mu gihe Cardi B ari ku gasongero mu kwamamara, aho indirimbo “WAP” yakoranye na Megan Thee Stallion imaze ibyumweru bitatu iri mbere kuri Billboard Hot 100.