Abantu 27 bakize Covid-19 mu Rwanda mu gihe abandi 03 bayanduye
Umubare w’abamaze kwandura COVID-19 mu Rwanda ugera kuri 5,134 mu gihe, mu gihe abamaze kuyikira ari 4 878. Abakirwaye ni 221 naho abapfuye akaba ari 35.
Iri tangazo rya Minisiteri y’Ubuzima rigaragaza ko aba barwayi babiri bavuye mu Karere ka Burera na Nyagatare.
Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.
Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.
Perezida w’Impuzamashyirahamwe y’Umupira w’Amaguru muri Afurika (CAF), Dr Ahmad Ahmad, yanduye icyorezo cya Coronavirus.
Dr Ahmad yabitangaje kuri uyu wa Gatanu nk’uko bigaragara mu itangazo rigenewe abanyamakuru ryatanzwe n’Impuzamashyirahamwe ya ruhago abereye umuyobozi.
CAF yatangaje ko Ahmad Ahmad yahisemo gupimwa COVID-19 nyuma yo kugira ibicurane ubwo yageraga mu Misiri ku wa Gatatu, basanga yaranduye, kuri ubu agomba kwishyira mu kato mu gihe cy’iminsi 14.
Amakuru yo kwandura kwa Dr Ahmad yagiye hanze nyuma y’iminsi itatu gusa na Perezida wa FIFA, Gianni Infantino, yanduye iki cyorezo cyibasiye Isi.
Ahmad yaheruka muri Maroc, aho yitabiriye umukino wa nyuma wa CAF Confederation Cup wahuje RS Berkane na Pyramids FC. Yatanze imidali n’igikombe ku ikipe ya Berkane.
CAF irateganya kumenyesha abantu bose baheruka guhura n’umuyobozi wayo gukurikiza inama z’ubuvuzi, kugira ngo bamenye niba ari bazima.
Dr Ahmad uzasoza manda ye y’imyaka ine mu mwaka utaha, aherutse gutangaza ko aziyamamaza ku nshuro ya kabiri mu matora azaba ku wa 12 Werurwe 2021, i Rabat muri Maroc.
