Mashami Vincent yatangaje abakinnyi 11 babanza mu kibuga imbere ya Cape Verde
Umutoza Mashami yahisemo gukoresha abakinnyi 11 yari yabanjemo i Praia ku wa Kane w’icyumweru gishize, mu mukino warangiye ari ubusa ku busa.
Amavubi amaze imikino 3 atarabona amanota 3 ndetse nta gitego na kimwe arinjiza kandi akoresha ba rutahizamu barimo Kagere Meddie na Jacques Tuyisenge.
Aba ba rutahizamu bombi ntibigeze batera mu izamu mu mukino ugeruka ariyo mpamvu umutoza Mashami yitabaje Sugira ngo aze kumufasha mu busatirizi gusa ntiyamugiriye icyizere.
Amavubi arakina na Cape Verde saa Cyenda kuri Stade ya Kigali i Nyamirambo mu mukino w’umunsi wa kane wo mu itsinda F ryo gushaka itike ya CAN 2021 izabera muri Cameroun mu 2022.
Mu mikino 3 amaze gukina,afite inota rimwe kuko yatsinzwe na Mozambique ibitego 2-0 ndetse na Cameroun igitego 1-0 mu mikino ibiri ibanza yabaye mu Ugushyingo 2019 hanyuma ikanganya na Cape Verde kuwa Kane 0-0.
Kuva Mashami Vincent yaba umutoza mukuru w’Amavubi muri Kanama 2018, Amavubi amaze kwakira imikino 8 atsindamo umukino umwe, anganya imikino 5 atsindwa 2 gusa mu mikino yo gushaka itike y’igikombe cya Afurika, Mashami Vincent ntarabona intsinzi n’imwe ku butaka bw’u Rwanda no hanze.
Uko urutonde ruhagaze mu itsinda F:
1.Cameron 10pts
2.Mozambique 4pts
3.Cape Verde 3pts
4.Rwanda 1pt
Abakinnyi 11 Mashami yagiriye icyizere:
Kwizera Olivier
Omborenga Fitina
Imanishimwe Emmanuel
Manzi Thierry
Rwatubyaye Abdul
Ally Niyonzima
Yannick Mukunzi
Djihad Bizimana
Haruna Niyonzima (C)
Meddie Kagere
Tuyisenge Jacques