APR FC yamuritse imyenda izambara muri uyu mwaka mushya w’imikino yakozwe n’uruganda rukomeye ku isi
Ni ibikoresho byiganjemo imyambaro ikipe izajya yambara haba mu myitozo, mu mikino itandukanye, hanze y’ikibuga, no mu ngendo izajya ikora. Harimo n’ibindi bikoresho bigezweho by’ikoranabuhanga bizajya bifasha ikipe kunoza imyitozo yayo ya buri munsi.
Ibi bikoresho byose bikaba byarakozwe n’uruganda rwa Kappa rufite icyicaro mu gihugu cy’Ubutaliyani ndetse ruzwiho kwambika amakipe atandukanye akomeye ku isi.
Ikipe y’ingabo z’igihugu yari isanzwe yambara imyenda yakozwe n’inganda zitandukanye nka Adidas, Errea na Macron.
Kubera guhurirana n’urugendo ikipe igiyemo mu gihugu cya Kenya gukina umukino wo kwishyura w’ijonjora rya mbere rya CAF Champions league na Gor Mahia, turisegura ko mu gihe cya vuba ku mugaragaro abakunzi b’ ikipe n’itangazamakuru bazerekwa ibi bikoresho na nomero abakinnyi bazajya bambara.
Abayobozi ba APR F.C barashimira byimazeyo Ubuyobozi bukuru bw’ Ingabo z’ Igihugu budahwema gushyigikira iyi Ikipe nayo irasezeranya ibyishimo n’intsinzi iteka.
