Robert Lewandowski yatowe nk’umukinnyi wa mbere ku isi muri 2020,Klopp aratungurana mu batoza
Uyu munsi nibwo hatanzwe ibihembo by’abahize abandi mu mupira w’amaguru yaba mu bagabo n’abagore [The Best FIFA Football Awards] byabayemo gutungurana gato.
Mu bagabo nta cyatunguranye kuko Robert Lewandowski yatsinze ibitego 15 ndetse anatanga imipira 6 yavuyemo ibitego muri UEFA Champions League begukanye batsinze PSG igitego 1-0. Mu mwaka wose yatsinze ibitego 55 mu mikino yose yakinnye.
Uretse ibi yakoze ku giti cye Lewandowski yanatwaye ibikombe 5 muri uyu mwaka ari kumwe n’iyi kipe ya Bayern Munich bimugira umukinnyi udasanzwe wa 2020 kurusha Cristiano Ronaldo na Lionel Messi.
Igihembo cyatunguranye n’icy’umutoza w’umwaka wabaye Jurgen Klopp wahesheje Liverpool shampiyona y’Ubwongereza nyuma y’imyaka 30 itayitwara gusa yatsinze Hansi Flick wahesheje Bayern Munich ibikombe 5 birimo Bundesliga na UEFA Champions League muri 2020.
Abatsindiye ibihembo
Umukinnyi w’umugore witwaye neza ku isi/The Best FIFA Women’s Player
Lucy Bronze (Lyon/ Manchester City)
Umukinnyi w’Umugabo witwaye neza ku isi/The Best FIFA Men’s Player:
Robert Lewandowski (Bayern Munich)
Umunyezamu witwaye neza ku isi mu bagore/The Best FIFA Women’s Goalkeeper:
Sarah Bouhaddi (Lyon)
Umunyezamu witwaye neza ku isi mu bagabo/The Best FIFA Men’s Goalkeeper:
Manuel Neuer (Germany/ Bayern Munich)
Umutoza witwaye neza mu bagore/The Best FIFA Women’s Coach:
Sarina Wiegman (Holland)
Umutoza witwaye neza mu bagabo/The Best FIFA Men’s Coach:
Jurgen Klopp (Liverpool)
Igitego cyiza/FIFA Puskas Award:
Son Heung-min – Tottenham Hotspur v Burnley FC [Premier League - England] (7 Ukuboza 7, 2019).
Ikipe y’umwaka mu bagabo: Alisson; Alexander-Arnold, Van Dijk, Ramos, Davies; Kimmich, De Bruyne, Thiago; Messi, Lewandowski, Ronaldo.
Ikipe y’umwaka mu bagore: Endler; Bronze, Renard, Bright; Heath, Boquete, Bonansea, Rapinoe; Cascarino, Miedema, Harder.
