Amavubi yateguriwe irushanwa rito ryo kuyafasha kwitegura neza CHAN 2020
FERWAFA na MINISPORTS nibo bateguye iri rushanwa mu rwego rwo gufasha ikipe y’igihugu Amavubi kwitegura neza iyi mikino ya CHAN iztangira kuya 16 Mutarama 2020, ibi bikaba bikozwe nyuma yaho ikipe ya Mashami Vincent yari imaze umwaka wose nta mukino wa gicuti bakinnye ndetse no kuba shampiyona yarahagaze abakinnyi badaheruka guhatana.
Iri rushanwa rikaba rizatangira tariki ya 7 Mutarama kugeza 11 Mutarama 2021 , Namibia ndetse na Congo Brazza bose bakaba baramaze kwemeza ko bazitabira iri rushanwa rito rizabera mu Rwanda , kuri Stade Amahoro.Amavubi azerekeza muri Cameroon tariki ya 13-01-2020.
Namibia na Congo Brazza zose zizitabira CHAN2020 ,aho Namibia iri mu itsinda rya D aho bari kumwe na Guinnea, Tanzania na Zambia,mu gihe Congo iri kumwe na RDC,Libya na Niger mu itsinda B.
Tariki ya 18 Mutarama 2021 ni bwo u Rwanda ruzakina umukino wa mbere na Uganda saa 20:00’ ku kibuga cyitwa "Stade de la Reunification Bepanda, ruzongera kugaruka mu kibuga tariki ya 22 Mutarama 2021 rukina na Maroc na bwo saa 17:00’ kuri Bepanda ni mu gihe umukino usoza itsinda Amavubi azacakirana na Togo tariki ya 26 Mutarama 2021 saa mbili ahitwa Limbe.
Iyi CHAN 2020 yakomwe mu nkokora na Covid-19 yagombaga kubera muri Ethiopia, ariko iki gihugu gituwe n’abarenga miliyoni 90 kinanirwa gutegura neza, CAF ihitamo kwihera amahirwe igihugu cya Cameroon kizanakira CAN ya 2021.
Uretse Togo yabonye itike bwa mbere,ibindi bihugu byose byigeze kwitabira iri rushanwa riheruka kwegukanwa na Maroc mu mwaka wa 2018.
Igihugu cya RDC kimaze gutwara CHAN inshuro 2 mu gihe Uganda iri mu bihugu bimaze kuyitabira inshuro nyinshi [5].
