Ibintu byahinduye isura ku makipe yo mu Bwongereza muri Europa League [REBA EUROPA LEAGUE KURI STARTIMES]
Amakipe yo muri Premier League arimo Arsenal na Manchester United agiye guhura na Benfica na Real Sociedad muri 1/32 cya UEFA Europa League. Tottenham Hotspur izesurana na Wolfsburger AC yo muri Autriche mu mukino uzabera i Budapest, mu gihe Leicester City izasura Slavia Prague.
Iyo bigeze muri ruhago, Benfica na Arsenal bafatwa nk’amakipe akomeye none kuwa Kane bagiye kwesurana muri 1/32 cya Europa League.
Aya makipe yabashije gusoma ku cyanga cy’intsinzi ku mugabane w’I Burayi aho Arsenal yatwaye igikombe cya Fairs Cup [cyasimbuwe na Europa League na Cup Winners’ Cup muri 1994.
Iyi kipe imaze gutsindirwa ku mikino ya nyuma y’amarushanwa y’I Burayi inshuro 6 aho iheruka ari ku mukino wa nyuma wa Europa League wa 2019 yatsinzwemo na ibitego 4-mu murwa mukuru wa Azerbaijan wa Baku.
Ikipe ya Benfica irusha inshuro 2 ikipe ya Arsenal mu gutsindirwa ku mukino wa nyuma nubwo yo yatwaye ibikombe 2 bya European Cup yaje guhinduka nyuma UEFA Champions League.Benfica yatwaye ibi bikombe muri 1961 na 1962.
Guhera mu mwaka wa 1963,Benfica yatangiye urugendo rwo gutsindirwa ku mukino wa nyuma kuko mu mikino ya nyuma 8 yayitsinzwe yose harimo iyo muri Europa League (2013 na 2014).
Abafana b’iyi kipe bavuze ko uku gutsindwa guterwa n’umuvumo w’uwari umutoza wabo Béla Guttmann yavumye iyi kipe nyuma y’aho abayobozi b’iyi kipe banze kumwongera amafaranga ngo akomeze akazi kandi yari amaze gutwara ziriya Champions League ebyiri.
Uyu mugabo amaze gusuzugurwa yahise atangaza ati “Guhera ubu kugeza imyaka 100 ishize,ntabwo Benfica izongera gutwara igikombe cy’iburayi.”
Mu nshuro 8 yagerageje nta n’imwe yatwaye igikombe nyuma y’amagambo y’uyu mugabo.
Inkuru ibabaje ku bafana ba Benfica nuko umukino wabo wa mbere mu rugo uzabera kuri stade ya Stadio Olimpico i Rome mu gihe uwo kwishyura Arsenal izawakirira mu Bugereki.Iyi mukino yombi n’indi myinshi yimuwe kubera ingaruka za Coronavirus.
Ikipe ya Arsenal iheruka kunyagira ibitego 4-2 Leeds United muri Premier League ku cyumweru ibifashijwemo na Pierre Emerick Aubameyang.
Nubwo uyu kapiteni atakinnye cyane muri iyi mikino y’uyu mwaka,ariko ashobora kugirirwa icyizere na Mikel Arteta ku mukino wa Benfica.
Uretse Arsenal,ikipe ya Manchester United izakinira i Turin na Real Sociedad mu mukino ubanza wa 1/32 cya Europa League nyuma yo kunganya 1-1 na West Bromwich Albion imerewe nabi muri Premier League.
Umutoza wa United, Ole Gunnar Solskjær,yahakanye ibihuha byavugaga ko agiye gushyira imbaraga ze zose muri Premier League ntahe agaciro Europa League.
Yagize ati “Ntabwo ariko bimeze.Ntabwo waha agaciro imikino imwe gusa.Yego nibwo tuzahindura abakinnyi n’ikipe izahinduka.Uba ugomba guhinduranya abakinnyi iyo ukina kuwa Kane no ku Cyumweru kandi ntabwo bishoboka ko wakinisha buri mukino ikipe y’abakinnyi 11 imwe gusa badahinduka kubera ibihe turimo.
Ibyo wabikora ukina rimwe mu cyumweru.Tuzafata umwanzuro ariko hari amahirwe ko mu mikino y’I Burayi,abandi bakinnyi bazabona amahirwe nibidfasha kugenda mu nzira imwe nziza.”
Uyu mutoza yavuze ko bafite amahirwe menshi kuko ngo umukino wo kwishyura bazawakirira I Manchester.
Ati “Nibyo koko mu gukinira hanze no mu rugo ni byiza,dukoze neza twazabibonamo amahirwe kurusha Sociedad yo izakinira umukino yakiriye I Turin.
Andi makipe ahagarariye Ubwongereza nayo azakinira imikino ibanza hanze aho Tottenham Hotspur izakina na Wolfsburger AC i Budapest, mu gihe Leicester City izerekeza i Prague guhangana na Slavia Prague.
Abakunzi ba ruhago muri Afurika barahishiwe kuko imikino yose ya 1/32 cya Europa League izatambuka Live ku mashene ya StarTimes.
Kizigenza muri Afurika mu kugurisha ifatabuguzi ndetse no gucuruza TV zigezweho za HD,Startimes,ifite uburenganzira bwo kwerekana iyi mikino ikomeye ku isi.
By Peter Auf der Heyde
