Reba LA LIGA kuri Startimes:FC Barcelona igiye guhura n’akazi gakomeye muri iki cyumweru

INKURU ZAMAMAZA   Yanditswe na: Dusingizimana Remy 15 December 2020 Yasuwe: 3535

Ikipe ya FC Barcelona ifite abakunzi benshi ariko ikaba itari kubakora ku mutima muri iyi minsi,ifite imikino 2 ikomeye irimo uw’ikirarane itakinnye kubera ko yatangiye LA LIGA ikererewe biturutse ku kiruhuko yahawe nyuma yo gusoza amarushanwa y’iburayi itinze.


Kuva mu 2008 yagiye isoza LA LIGA iri mu myanya ibiri ya mbere muri ndetse yatwaye iyi Shampiyona inshuro umunani muri 12 kuva icyo gihe.

Uyu mwaka biragaragara ko ishobora kwica aka gahigo keza yari ifite igihe cyose itagaruka mu bihe byiza kuko kugeza ubu,ifite amanota 17 ku mwanya wa munani, irushwa icyenda na Atlético Madrid ndetse na Real Sociedad za mbere.

Nubwo Atlético Madrid iheruka gutsindwa na mukeba Real Madrid muri LA LIGA,irayoboye ndetse iratanga icyizere mu kibuga.

Kugeza aho shampiyona igeze,FC Barcelona yabaye akazuyazi kuko ntiyakonje cyangwa ngo ishyuhe.Rimwe yitwara neza igatsinda imikino ikomeye,ubundi igatenguha abakunzi bayo.

Mu mikino 10 iheruka gukina,yatsinzwemo 4 ndetse inatsindwa mu buryo bugayitse na Juventus ibitego 3-0 muri Champions League.

Nyuma y’imikino ibiri ya Shampiyona, FC Barcelone yayoboye urutonde rwa shampiyona nyuma yo kubona intsinzi ebyiri,ikinjiza ibitego birindwi, yo itinjizwa, ariko nyuma y’aho ibintu byarahindutse kuko ubu ikeneye amanota kugira ngo ikomeze guhiga amakipe ari imbere.

Muri iki cyumweru, ifite imikino ibiri y’ingenzi, aho izahura na Real Sociedad ku wa Gatatu ndetse na Valencia ku wa Gatandatu. Iyi mikino yombi izabera i Camp Nou ndetse abafana ba FC Barcelona biteze ko niyitsinda izagaruka mu ruhando rwo guhiga igikombe.

Umutoza wayo, Ronald Koeman, yavuze ko ikipe ye iri gukina imikinire myiza.Ati “Turi ikipe yaremye uburyo bwinshi kurusha izindi muri shampiyona kandi ibyo biterwa n’uburyo bw’imikinire. Dufite abakinnyi nka Messi, Pedri [Pedro González López] na Griezmann. Bakeneye umwanya wo gukiniramo n’ubwisanzure mu kibuga. Muri ubu buryo bw’imikinire yacu, dukora ku buryo bibona cyane.”

“Turi mu bihe bikomeye nk’ikipe, atari gusa muri siporo. Hari ibindi bintu byinshi.Turashaka ibisubizo mu nzira zose.Ndabona abakinnyi bafite inyota kandi bashaka kuzamura urwego.Bazi neza aho dushaka kwerekeza.Ntabwo byahinduka mu minsi ibiri, urakomeza ugakora.”

FC Barcelona ntabwo izoroherwa n’iyi mikino 2 iri imbere.

Real Sociedad ni imwe mu makipe ahagaze neza magingo aya ndetse yayoboye shampiyona igihe kinini muri uyu mwaka w’imikino,mu gihe Valencia ari inyabigwi kuko yegukanye shampiyona inshuro esheshatu.

Umutoza Javi Gracia, afite ikipe irimo abakinnyi bato kurusha abandi muri La Liga aho ifite babiri ikinisha bihoraho nk’Umunya-Koreya y’Epfo ukina hagati, Kang-in Lee, na Yunus Musah uca ku ruhande rw’iburyo wujuje imyaka 18 mu mpera z’ukwezi gushize.

Yavukiye i New York, ku babyeyi bafite inkomoko muri Ghana. Musah yabaye mu Butaliyani imyaka 10 mbere yo kujya mu Ikipe y’abato ya Arsenal. Yagiye muri Valencia muri 2019, atangira kuyikinira muri Nzeri afite imyaka 17.

Amaze gukinira Valencia imikino yose ya La Liga uretse umwe gusa ndetse afatwa nk’umwe mu bakinnyi bagezweho cyane muri ruhago ku isi.

Nubwo yakiniye u Bwongereza mu makipe y’abato, yahisemo gukinira Leta Zunze Ubumwe za Amerika ndetse yahamagawe inshuro ebyiri mu kwezi gushize, abanzamo ku mikino ya gicuti ya Wales na Panama.

Abakunzi b’umupira w’amaguru muri Afurika bazabasha gukurikira iyi mikino yombi ya FC Barcelone iri kuba ku mashene ya StarTimes nk’ikigo kiyoboye ibindi mu ikoranabuganga ryo gusakaza amashusho ya televiziyo agezweho [HD] muri Afurika ndetse gifite uburenganzira bwo kwerekana Shampiyona ya La Liga.

By Peter Auf der Heyde

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mutarama,Ukwezi kw’imikino ya rurangiza kuri StarTimes

Ukwezi kwa Mutarama 2021 gufite umwihariko w’imikino myinshi kandi ikomeye...
7 January 2021 Yasuwe: 3073 0

Trusella, iguriro mpuzamahanga ryiyemeje guhindura isura y’ubucuruzi...

Uko ibihe biha ibindi, ni uko umuvuduko w’iterambere ry’isi ugenda wiyongera....
7 January 2021 Yasuwe: 3223 0

January means football on StarTimes

This January, StarTimes is all about football. The year 2021 is beginning...
6 January 2021 Yasuwe: 2771 0

SKOL,isoko y’imyidagaduro ku Banyarwanda

Uruganda rwenga ibinyobwa bisembuye n’ibidasembuye rwa SKOL ruzwiho guha...
30 December 2020 Yasuwe: 3584 0

Startimes igiye gutangira kwerekana filimi yo muri Kenya nziza...

Sosiyete ya StarTimes iramenyesha abakiliya bayo ko igiye gutangira...
29 December 2020 Yasuwe: 3334 0

SKOL iri kwizihiza isabukuru y’imyaka 10 imaze idabagiza Abanyarwanda

Uruganda rwenga inzoga rwa SKOL Brewery Ltd (SBL) ruri kwizihiza imyaka 10...
29 December 2020 Yasuwe: 3479 0