startimes

Startimes yashyize igorora abakiriya bayo bakunda ruhago ibereka ½ cya FA Cup cyahuje ibihangange

INKURU ZAMAMAZA   Yanditswe na: Dusingizimana Remy 16 July 2020 Yasuwe: 684

Startimes igorora abakiriya bayo bakunda ruhago kuko izabereka imikino ya ½ cy’igikombe cy’Ubwongereza FA Cup kizahuriramo ibihangange muri iyi weekend nka Arsenal,Manchester United,Chelsea na Manchester City.


Sponsored Ad


Abafatabuguzi ba Classic, Smart, Unique, Super, and Max bouquet nibo bahishiwe ibi birori biteganyijwe mu mpera z’iki cyumweru ku kibuga cya Wembley.

Muri iyi weekend ya tariki ya 18 na 19 Nyakanga 2020, mu Bwongereza bazakina 1/2 cya Emirates FA Cup aho bazakinira muri Wembley Stadium

Arsenal nyuma yo gutungurana igatsinda Liverpool muri shampiyona izesurana na Manchester City morale iri hejuru kuwa Gatandatu saa 20:45 kuri World Football iba kuri shene ya 254.

Ku cyumweru tariki ya 19 Nyakanga, Manchester United izacakirana na Chelsea saa 19:00 kuri World Football.

Niba ufite ifatabuguzi rya StarTimes gura Classic Bouquet ibihumbi 8,000 FRW ku kwezi, 2700 FRW ku cyumweru cyangwa ugure Smart Bouquet ku mafaranga 8500 FRW ku kwezi cyangwa 2850 FRW ku cyumweru wirebere iyi mikino itegerejwe n’abakunzi b’umupira w’amaguru ku isi.

Kuva mu mwaka w’imikino 2007/8, imikino ya ½ ya FA Cup yashyizwe ku kibuga cya Wembley kugira ngo amakipe 2 abashije gukomeza azesurane ku mukino wa nyuma nawo ubera Wembley.

Nubwo ikigugu Liverpool cyaviriyemo mu cyiciro cya 5,ibindi bihangange bifite mateka akarishye mu mupira w’amaguru w’Ubwongereza nka Manchester City, Manchester United, Arsenal na Chelsea byageze muri ½ aho bigomba kuvamo uwegukana iki gikombe cy’amateka.

Arsenal izesurana na Manchester City kuwa Gatandatu nubwo amahirwe menshi ari guhabwa abanyamujyi [Citizens].Kuva imikino yasubukurwa,Arsenal imaze gutsinda imikino 3 muri 7 yakinnye hanyuma inatsindwa indi 3 irimo n’uwo yatsinzwe ibitego 3-0 na Manchester City ku kibuga cya Etihad.

Ikipe ya Pep Guardiola ikomeje gukora ibitangaza kuva imikino yagaruka kuko yatsinze ibitego 5-0 amakipe nka Newcastle, Brighton na Burnley hanyuma inanyagira itababariye Liverpool yatwaye shampiyona ibitego 4-0.

Pep Guardiola yavuze ko nubwo batakaje igikombe cya shampiyona baracyafite amahirwe yo kwitwara neza muri uyu mwaka w’imikino.Ati “Turacyafite ibindi byumweru bikomeye imbere ariko kugera ku mukino wa nyuma I Wembley bizaba bihebuje.

Umukeba wa City ariwe Manchester United nawe ahagaze neza cyane kuko nawe ari guhangana bikomeye kugira ngo arangize shampiyona mu myanya 4 ya mbere.

Abakinnyi bayo bakomeye bamaze gutsinda ibitego 4 mu mikino 5 iheruka barimo Bruno Fernandes (5), Anthony Martial (4) and Mason Greenwood (4).

Ku Cyumweru United izacakirana na Chelsea ikiri akazuyazi kuva shampiyona yagaruka.Yatsinze Manchester City ibitego 2-1 ariko itsindwa 3-0 na Sheffield United mu minsi ishize.

Abatoza 2 Ole Gunnar Solskjær na Frank Lampard bagikina bagaragaye inshuro 8 ku mukino wa nyuma wa FA Cup batsindwa 1.

Solskjær yatsindiwe ku mukino wa nyuma wa 2007,ubwo yakiniraga United bahuye na Chelsea.Icyo gihe Lampard yabaye umukinnyi witwaye neza kurusha abandi mu mukino.

Umukinnyi Ross Barkley w’Umwongereza watsinze igitego cyabafashije gutsinda Leicester bakagera muri ½ yatangaje ko kuba Frank Lampard yaratwaye ibikombe 4 bya FA Cup bizabafasha kwegukana iki gikombe.

Ati “Byari intego z’ikipe n’umutoza kuva yagaruka mu ikipe.Yashakaga gutsinda buri mukino no gutwara ibikombe.Chelsea n’ikipe ikomeye,dutwara ibikombe buri mwaka kandi buri wese yiteguye uyu mukino wa FA Cup.”

Nubwo gutwara FA Cup bihesha ikipe kwerekeza muri Europa League ariko buri ruhande muri izi mpande 4 rufite byinshi byo guhatanira.

Buri mukunzi w’umupira w’amaguru muri Africa afite amahirwe menshi yo kureba amakipe 2 azagera ku mukino wa nyuma abifashijwemo na Startimes ifite uburenganzira bwo kwerekana iyi mikino.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Press Release – It is children’s festival on StarTimes

As we enter into August, digital TV operator StarTimes prepared a feast of...
4 August 2020 Yasuwe: 90 0

Abarangije amashuri yisumbuye muri 2019 bashyiriweho amahirwe yabafasha...

Ikigo cyitwa Best World Link Group gifasha abanyeshuri bo mu Rwanda no muri...
3 August 2020 Yasuwe: 2115 1

Watch Emirates FA Cup on StarTimes - FA Cup final: Pressure on...

By Peter Auf der Heyde Going into Saturday’ FA Cup final, all the pressure...
27 July 2020 Yasuwe: 454 0

Startimes yongeye guha abakunzi b’imikino ibyishimo ibereka umukino wa nyuma...

Abafatabuguzi ba Startimes bongeye gushyirwa igorora kuko Kuwa Gatandatu...
27 July 2020 Yasuwe: 693 1

Startimes yashyize igorora abakiriya bayo bakunda ruhago ibereka ½ cya FA...

Startimes igorora abakiriya bayo bakunda ruhago kuko izabereka imikino ya...
16 July 2020 Yasuwe: 684 0

Watch Emirates FA Cup on StarTimes - Top clubs chasing a Wembley...

By Peter Auf der Heyde This weekend football fans will enjoy the Semi...
16 July 2020 Yasuwe: 218 0