Ikipe ya Chelsea yatandukanye n’uwari Umutoza wayo,Mauricio Pochettino nyuma y’umwaka umwe yari amaze ayitoza.

Sponsored Ad

Nyuma yo kutitwara neza muri shampiyona,Pochettino yamenyeshejwe ko atakiri umutoza wa Chelsea n’ubuyobozi bw’iyi kipe buzwiho kwirukana cyane.

Biravugwa ko Pochettino yirukanwe nyuma y’uko abayobozi bashinzwe siporo muri Chelsea Paul Winstanley na Laurence Stewart, bateranye kuri uyu wa Kabiri bagasuzuma umusaruro we.

Aba bombi ngo bemeje ko umusaruro w’uyu munya Argentina mu mwaka w’imikino 2023/24 wari mubi birangira bemeje ko asezererwa.

Chelsea irateganya gusimbuza Pochettino umutoza ukiri muto aho havugwa ko ishobora guha akazi uwa Stuttgart,Sebastian Hoeness,uwa Girona witwa Michel,uwa Ipswich witwa Kieran McKenna n’uwa Leicester witwa Enzo Maresca.

Abungiriza ba Poch barimo Jesus Perez, Miguel d’Agostino, Toni Jimenez na Sebastiano Pochettino nabo birukanwe.

Amakuru aravuga ko uyu Pochettino ashobora kwerekeza muri Man United ramutse yirukanye Ten Hag.

Imibare ya Pochettino muri Chelsea:

Imikino yakinnye: 51
Intsinzi : 27
Kunganya 10
Gutsindwa 14
Yarangije ku mwanya wa 6 muri PremierLeague
Yatsindiwe ku mukino wa nyuma wa Carabao na Liverpool igitego 1-0
Yasezerewe muri ½ cya FA Cup na Man City.