ADEPR yo muri Uganda yitandukanyije na ADEPR yo mu Rwanda kubera ko inzego z’umutekano zishimuta abayobozi babo bakabakorera iyicarubozo

Iyobokamana   Yanditswe na: Martin Munezero 19 May 2019 Yasuwe: 3335

Abayobozi b’Itorero rya ADEPR muri Uganda bashingiye ku nama bagiriwe n’ubuyobozi bwa Uganda, ADEPR Ururembo rwa Uganda bandikiye ubuyobozi bwa ADEPR yo mu Rwanda babumenyeshako bahisemo kwigenga no guhindura izina nyuma y’uko inzego z’umutekano zishimuta abayobozi babo bakanakorerwa iyicarubozo.

Komite Nyobozi y’Itorero rya ADEPR Ururembo rwa Uganda igizwe n’Abapasiteri yandikiye Umuvugizi w’Itorero rya ADEPR mu Rwanda bamumenyesha ko basanze kwigenga ari byo bibabareye.

Muri iyi baruwa yanditswe tariki ya 13 Gicurasi 2019, aba bapasiteri bavuga ko icyemezo cyo kwitandukanya na ADEPR bagifashe nyuma y’umwiherero wabaye tariki ya 26 Mata 2019.

ADEPR/Uganda babwiye ubuyobozi bukuru bwa ADEPR/Rwanda ko ibibazo biri muri iri torero bijyanye n’umutekano muke kuko abayobozi babo bakomeje gushimutwa n’inzego zishinzwe umutekano muri Uganda bagakorerwa iyicarubozo.

Bakomeza bavuga ko abayobozi b’Itorero rya ADEPR mu Rwanda ntacyo bakoze ku bibazo babamenyesheje bagahitamo nk’ Itorero gukurikiza inama bagiriwe n’ubuyobozi bwa Uganda.

ADEPR Uganda, ubuyobozi bwayo bwafashe icyemezo cyo guhindura izina ry’iri dini baryita PCIU (Pentecostal Church International of Uganda) batora n’ubuyobozi bushya.

Ururembo rwa ADEPR Uganda rwashinzwe mu 2015, bituma Itorero rya ADEPR rigira indembo esheshatu zigizwe n’abayoboke basaga miliyoni ebyiri.

Umwuka mubi uri mu itorero ADPR/Uganda uje mu gihe umubano w’u Rwanda na Uganda utifashe neza ahobamwe mu bayobozi b’iri torero muri Uganda bamaze iminsi batabwa muri yombi, aho bamwe bashinjwa ku za maneko.

REBA IBARUWA BANDITSE:



Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble gatare

    AMADINI y’iki gihe aransetsa.Yose aba yishakira "umugati" gusa yitwaje Bible.Niba koko yari amadini akorera Imana,ADEPR-UGANDA yari gufunga imiryango,ikagaruka mu Rwanda,nk’abantu batotezwa.
    Iteka amadini ajya ku ruhande rwa Leta arimo,kugirango nayo yibonere Umugati.Niyo mpamvu amadini yivanga cyane muli Politike kandi Yesu yarabibujije abakristu nyakuri.Ngaho namwe munyumvire.Mu gihe Leta y’u Rwanda isaba Abanyarwanda kuva muli Uganda kubera umutekano,ADEPR-Uganda yo irashaka kwifatanya na Leta ya Uganda.Kubera kwishakira Umugati.Ikibabaje nuko biyita abakozi b’Imana,mu gihe muli Abaroma 16:18,Bible ibita abakozi b’inda zabo.Umuntu wese muzabona yigisha agusha ku ifaranga (icyacumi),ntabwo aba akorera Imana.Nta na rimwe Yesu n’Abigishwa be basabaga Icyacumi.Cyari kigenewe gusa ubwoko bw’Abalewi.Yesu yasabye abakristu nyakuri gukorera Imana ku buntu nkuko Matayo 10:8 havuga.

    3 weeks ago
  • chat_bubble GGG

    Ariko jye ndabona ibi bimeze nko kubohoza. None se ibibazo bya ADPER Uganda bijyanye no guhohotera abayoboke babo, ADPER Rwanda yari kubikoraho iki? Kuki se batitabaje Ambassade ko ndeba banayigeneye kopi? Kuki se bahinduye izina barangiza bakigarurira ibyari ibya ADEPR? Bashatse umutungu wabo bwite n’abayoboke babo bwite? Guhindura izina no kwigenga bizabuza ko bitwa intasi? Kereka niba batazagaruka mu Rwanda.

    4 weeks ago

Inzindi nkuru

“SLOW DOWN! SLOW DOWN! IMIKORERE Y’ IMANA ITANDUKANYE N’ IMIKORERE Y’...

Umukozi w’Imana, Rev./Ev. Eustache Nibintije, Umunyeshuri wa Patriots Bible...
11 June 2019 Yasuwe: 585 1

“Ubaka neza inzu yo kwizera kwawe”: Rev./Ev. Eustache Nibintije

Umukozi w’Imana, Rev./Ev. Eustache Nibintije, Umunyeshuri wa Patriots Bible...
10 June 2019 Yasuwe: 422 1

Itangazo: Hari impinduka ku bashaka kwiga ishuli rya bibiliya muri...

Ubuyobozi bwa NEM burabamenyeshako hari impinduka zabaye mu mikorere bitewe...
10 June 2019 Yasuwe: 503 1

Nibintije Evangelical Ministries International yatanze amahirwe ku bashaka...

Nibintije Evangelical Ministries International yashyizeho ishuli rifasha...
5 June 2019 Yasuwe: 537 2

Umushumba wa Kiliziya Gatolika ku Isi Papa Francis yemeye impinduka...

Umushumba wa Kiliziya Gatolika ku Isi , Papa Francis yemeje impinduka nto...
5 June 2019 Yasuwe: 1661 3

“Soma k’ urupapuro ry’ubuzima bwawe rukurikira niho ibisubizo by’ ubuzima...

Umukozi w’Imana, Rev./Ev. Eustache Nibintije, Umunyeshuri wa Patriots Bible...
30 May 2019 Yasuwe: 662 1