Aho ibirori byo kwizihiza umunsi mukuru w’Ilayidi byari kuzabera himuwe

Iyobokamana   Yanditswe na: Martin Munezero 10 August 2019 Yasuwe: 1711

Ubuyobozi bukuru bw’Umuryango w’Abayisilamu mu Rwanda (RMC), bwamenyesheje bayisilamu bose ko ibirori byo kwizihiza umunsi mukuru wa Eid-el-Adhha uteganyijwe ku cyumweru, bitazabera kuri Stade ya Kigali nk’uko byari bisanzwe.

Uyu munsi mukuru uteganyijwe ku wa 11 Kanama 2019, uzabera Centre Culturel Islamique Nyamirambo ahazwi nko kwa Kadhafi, kubera ko Stade ya Kigali izaba iri mu myiteguro yo kwakira umukino wa Al-Hilal na Rayon Sport mu irushanwa rya CAF Champions League.

Amabwiriza y’Impuzamashyirahamwe y’umupira w’amaguru muri Afurika, CAF, avuga ko Stade itagira ikindi kintu kiberamo mbere y’amasaha 48 ngo yakire umukino.

RMC yagize iti “Ubuyobozi bw’Umuryango wa RMC buboneyeho umwanya wo gutangariza Abayisilamu bose ko ibirori byo kwizihiza uwo munsi mukuru wa Eid-el-Adhuha ku rwego rw’igihugu bizabera kuri Centre Culturel Islamique Nyamirambo, bikazatangira guhera saa kumi n’ebyiri (6h00) za mu gitondo.”

Minisiteri y’abakozi ba Leta n’Umurimo iheruka gutangaza bitewe nuko Eid Al-Adha izahuza n’impera z’icyumweru, ku wa Mbere tariki ya 12 Kanama 2019 uzaba Umunsi w’Ikiruhuko.

Uyu munsi wizihizwa mu gihe abayisilamu benshi baba barimo gusoza umutambagiro mutagatifu i Mecca. Abayisilamu 84 baheruka kurira indege bava mu Rwanda bagana muri uwo murwa mutagatifu, mu rugendo nyobokamana.

Eid Al-Adha ni umunsi wa kabiri ari nawo ukomeye muri ibiri yemerwa nk’ikiruhuko mu Idini ya Islam, nyuma ya Eid al-Fitr. Mu kwibuka igitambo cya Aburahamu, itungo ritangwaho igitambo bibarwa ko riba rikwiye gusangirwa hagati y’abatanga igitambo, abakene ndetse n’inshuti.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umusore yishwe urupfu rw’agashinyaguro azira ko yavuye mu idini ya Islam...

Umusore wo mu gihugu cya Misiri yishwe urw’agashinyaguro n’abo mu muryango we...
14 October 2019 Yasuwe: 2534 1

Rev. Rutayisire yavuze uburyo akiba mu biryogo yabyukaga kare kugira ngo...

Umushumba w’Itorero Angilikani muri Paruwasi ya Remera, Pasiteri Dr. Antoine...
10 October 2019 Yasuwe: 3104 2

Umuhoza w’imyaka 19 yatunguranye avuga uburyo yamaze igihe ikuzimu amena...

Umuhoza Belise, ni umukobwa ukiri muto. Yavuze byinshi ku buzima bwe birimo...
5 October 2019 Yasuwe: 11981 3

Mama Charlene yavuze uburyo Imana yamubwiye ko hari abayikorera bakajya no...

Umuvugabutumwa Mukeshimana Emertha uzwi cyane nka Mama Charlene...
2 October 2019 Yasuwe: 2255 0

Apôtre Masasu yatereye umugore we imitoma mu bakirisitu amugabira...

Umuyobozi wa Evangelical Restoration Church mu Rwanda, Apôtre Ndagijimana...
1 October 2019 Yasuwe: 3870 2

Uwo werekana ataravuka uramuzi wa gicucu we!Niyo mpamvu mubyara utubandi...

Umuyobozi Mukuru w’Itorero Zion Temple and Celebration ku Isi, Apotre Dr...
1 October 2019 Yasuwe: 12120 4