Apôtre Dr Paul Gitwaza yabatirije abakirisitu muri Yorodani Yesu yabatirijwemo Namani akayikirizwamo ibibembe[AMAFOTO]

Iyobokamana   Yanditswe na: Martin Munezero 13 June 2018 Yasuwe: 2776

Umushumba mukuru w’itorero rya Zion Temple, Apôtre Dr Paul Gitwaza umaze iminsi ari mu ruzinduko rwa gihanuzi mu gihugu cya Isiraheli hamwe n’itsinda bajyanye, bageze kuri Yorodani Yesu yabatirijwemo abatiza abo bari kumwe avuga ko ari amahirwe adasanzwe kubatirizwa aho Yesu yabatirijwe.

Apôtre Dr Paul Gitwaza yasobanuye ko iyo Yorodani ifite amateka ya gikirisito akomeye kuko ari ho Imana yagaragarije gukomera kwayo ubwo yakoreraga igitangaza Abisiraheli bayigezeho babuze uko bambuka maze igakamya iyo nyanja bakambukira ahumutse bakajya mu gihugu cy’isezerano nyuma y’imyaka 40 bari bamaze bazerera mu butayu bashaka uko bagera i Kanaani.

Iyi yorodani yegeranye n’aho Yohani Umubatiza wabatije Yesu yabaga, Aho ni na ho Yesu yasanze Yohani Umubatiza ngo amubatize. (Matayo 3:13-17).

Apôtre Gitwaza yavuze ko icyatumye Yesu yemera kubatizwa n’umwana w’umuntu kandi ari Imana, ari uko yashakaga gusohoza gukiranuka ari na ko yatanganga urugero rw’inzira nyayo umunyabyaha akwiriye kunyuramo yihana dore ko na Yesu yari ari mu ishusho y’umuntu kandi yikoreye ibyaha by’abari mu isi.

Ati: “Aha mubona ni ho abisiraheli bambukiye binjira mu masezerano, ubundi iyo tuza kubishobora umuntu wese yakavuye iwabo akaza kubatirizwa aha, ariko kuko tutabishobora tubatirizwa iwacu ariko umuntu ubonye aya mahirwe yo kugera aha ntagomba kuyitesha, aho Imana yabatirijwe hari akarusho, muri Yorodani ni ho ibibembe bya Namani byaviriyeho, aha ni ho hari amazi Imana yahisemo.Uyu munsi rero ni iby’ingenzi kongera kubatizwa.”

Gitwaza yasobanuye ko umubatizo wa Yesu ugaragaza ubutatu butagatifu kuko Imana Mwana yari iri mu mazi, Umwuka wera uza mu ishusho y’inuma maze kandi ijwi ry’Imana rivugira mu ijuru riti: “Ng’uyu umwana wanjye nkunda nkamwishimira.”

Yabwiye abo bari kumwe ko mu gihe ari bube arimo kubabatiza, na bo ubwo butatu butagatifu buri bubamanukireho.

Ati: “Ijwi ry’Imana ryari aha, Umwuka w’Imana yari aha, na Yesu yari aha, nawe igihe uri bube ubatirizwa, Imana Data, Umwana n’Umwuka w’Imana barakumanukiraho.”

Isiraheli ni igihugu kibitse amateka menshi ya gikirisito kuko ari ho Yesu yavukiye, akahakurira akahapfira, akahahambwa ndetse akaza kuhazukira, ubu ni na ho hari imva ye.

Amateka abantu basoma muri Bibiliya amenshi aracyagaragara muri Isiraheli muri iki gihe nubwo hashize imyaka myinshi, ni yo mpamvu, Apôtre Gitwaza ajya ategura ingendo nk’izi kugirango afashe abantu gusobanukirwa neza ibyo basoma mu mpapuro za Bibiliya babiboneshe amaso yabo.

Src:Ibyishimo

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Mazina

    Ubonye ibi wagirango Gitwaza niwe mukozi w’imana kurusha abandi.Nyamara bimuhesha agafaranga gatubutse ahabwa n’abayoboke be bajyana muli ISRAEL.Bigatuma abana be bajya kwiga muli Amerika,umugore we akajya kubyarirayo kugirango abone American Citizenship.Kujya kubatirizwa muli Yorodani,sibyo bigira umuntu Umukristu mwiza.Ntabwo aricyo gihindura umuntu.Ntaho bitaniye na kwa kundi Abaslamu bajya I MAKA,bakavuga ko ari Abaslamu ntangarugero.Nubwo Bin Laden yagiye I MAKA inshuro nyinshi,ntibyamubujije gushing AL QAEDA yica abantu ibihumbi n’ibihumbi.Umukristu nyakuri,yiga neza Bible ikamuhindura umuntu mwiza.Hanyuma akigana YESU,nawe agakora umurimo wo kubwiriza YESU yasize asabye abakristu nyakuri bose (Yohana 14:12).Ntabwo yabasabye kujya kubatirizwa muli Yorodani.Biriya ni ukwifotoza gusa.Ntabwo bihindura umuntu.Bible ibyita "ishusho yo kwera" (godly appearance) nkuko 2 Timote 3:5 havuga.

    June 2018

Inzindi nkuru

Jeannette Kagame ari bugeze ijambo mu barimo Donald Trump mu masengesho yo...

Jeannette Kagame, Umufasha wa Perezida w’ u Rwanda ari mu ruzinduko rw’...
5 February 2019 Yasuwe: 1569 0

Amafoto Yaciye Ibintu:Apotre Masasu yasomanye n’umufasha we mu rusengero...

Nsengimana Vincent de Paul Umuyobozi wa Power of change Ministries avuga ko...
4 February 2019 Yasuwe: 8137 3

Umuhanzikazi mu ndirimbo zo kuramya no guhimbaza Imana yageneye ubutumwa...

Umuhanzikazi Assumpta Muganwa uririmba indirimbo zo kuramya no guhimbaza...
12 January 2019 Yasuwe: 2550 1

Polisi yataye muri yombi uyu Mupasiteri n’umufasha we bazira kugurisha...

Pasiteri TITO Wats wo mu gihugu cya Zimbabwe yatawe muri yombi hamwe...
29 December 2018 Yasuwe: 7057 1

NTIBISANZWE:Amaze imyaka 18 yose yaribye Ubupadiri none yavumbuwe

Kiliziya gatolika mu Gihugu cya Espagne ivuga ko yirukanye umupadiri wo mu...
26 December 2018 Yasuwe: 5358 1

Nawe ushobora kwibaza impamvu abakirisitu b’iki gihe bizihiza Noheli ariko...

Umunsi ukurikira Noheli, (Boxing Day) ni umunsi ufatwa nk’ikiruhuko mu...
26 December 2018 Yasuwe: 1007 1