Bishop Rugagi yatangije Television yise ’TV7 Miracle Channel’

Iyobokamana   Yanditswe na: Iyamuremye Janvier 18 September 2017 Yasuwe: 2481

Television y’Itorero Abacunguwe mu Rwanda riyobowe na Bishop Rugagi Innocent, yari maze igihe itegerejwe n’abantu benshi ubu yamaze gutangira gukora iragaragara mu bice bitandukanye by’Urwanda.

Bishop yagize icyo atangaza kuri iyi Television: ” Ni ukuri ndanezerewe ko Imana ari iyo kwizerwa, irinda ijambo ryayo kugeza risohoye. Iyi Television Imana yayimbwiye kera ndetse icyo gihe twari mu bihe biruhije cyane kuko mu nzu twasengeragamo bari badutaye hanze kuko twari twabuze amafaranga y’ubukode. Ariko Imana igiye kumbwira impa amasezerano menshi harimo na Television izaba ikomeye.

Icyo gihe n’ukuri ntibyanyoroheye kubyumva kuko numvaga ari nk’inzozi kuko numvaga uwatwihera amafaranga tukishyura ibukode kuko numvaga ibya television ari birebire cyane bitari kurwego rwacu. Ariko burya Imana iyo ivuze iba yavuze.
Ihishurirwa ndetse no kwiyemeza gutangiza umushinga wa Telivision twawutangiye mu kwa kabiri kw’uyu mwaka turimo ubwo twari dutangiye amasengesho y’iminsi 120. None ubu Television yaratangiye. Imana yo mu ijuru ihabwe icyubahiro.”

Bishop Rugagi yatangaje ibiganiro bizajya bitambuka kuri TV7 Miracle Channel:
Television yacu nk’uko izina ribivuga, ni umuyoboro w’ibitangaza. Ni umuyoboro wo kwumva ubutumwa bwiza ndetse n’ibindi by’umumaro yaba mu muco wa gikristu ndetse n’umuco Nyarwanda muri rusange. Ntabwo uzahabona byabindi abantu bareba bakarara bashigagurika ninjoro, ntabwo urubyiruko rwacu bazahigira kwambara ubusa. Hoya azaba ari hahandi uzajya ureba ukwumva koko uguwe neza.

Aha niho TV7 ikorera.

TV7 ni urubuga abantu benshi bazabohokera ndetse n’abataramenya ubutumwa bwiza bukabageraho. Hazaba hari ibiganiro byinshi kandi byiza cyane, biteguiye neza, birimo inyigisho zuzuye, zidufasha kubaho neza mu Isi ndetse nanyuma y’ubuzima bwo ku isi tukazataha ijuru.”

“Hari amatelevision narinsanzwe nkorana nayo, mu buryo bwo gutambutsa ubutumwa no kubugeza ku bantu bose, ariko ubu tugiye kujya dukorera kuri TV7, amwe twamaze kuyasezerera, amasezerano twari dufitanye yarashojwe, dusigaranye indi imwe ariko nayo vuba aha, mu cyumweru gitaha turaba tubasezeye.

Turashima Imana ko ntakibazo twagiranye nabo ndetse tukaba dusezeranyeho amahoro. Ubu abari basaznwe batureba kuri ayo matelevision atandukanye n’ukujya tubana nabo kuri TV7.”

Aha ni kuri reception ya TV7. Ukihinjira bakwakirana ubwuzu.

TV7 Miracle Channel ikorera munyubako nshya ya MIC( Muhima Investment Company), iri impande y’inyubako ya Chic, muri etage ya 4, Igaragara kuri Decoderi ya StarTimes ku 115, kandi n’ubuntu niyo waba udafite abonema.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble mukamana

    Dufite ikibazo mu majyepfo ntitubasha kuyireba mudufashe

    October 2017
  • chat_bubble Claudette M.

    Imana yacu ni iyo kwiringirwa! Ni inyakuri. Isohoza amasezerano yayo. Amen

    September 2017

Inzindi nkuru

Pasiteri Hakizimana wakubitiye Nyirabukwe mu rusengero agiye gutuzwa muri...

Pasiteri Hakizimana Steven uherutse gutandukana na Kwizera Marie Claire...
3 December 2018 Yasuwe: 3839 3

P-Professor watangije kuramya no guhimbaza Imana muri Hip Hop mu itorero...

Mu gitondo cyo kuri uyu wa mbere tariki 03 Ukuboza, abahanzi, abashumba...
3 December 2018 Yasuwe: 2049 0

Ubu buhamya bwa Pasiteri Mugisha winjiza akayabo k’amafaranga kubera korora...

Pasiteri Henry Mugisha arashishikariza abanyafurika cyane cyane urubyiruko...
28 November 2018 Yasuwe: 2660 1

Bishop Rugagi ashobora kuva mu Rwanda kubera abakirisitu babuze amafaranga...

Bishop Innocent Rugagi uyobora Itorero Redeemed Gospel Church yaciye...
27 November 2018 Yasuwe: 2748 1

Roza Muhando yirukanwemo amadayimoni yari yaratererejwe

Umuhanzikazi Roza Muhando wari warasaritswe n’ibikorwa bidahwitse yasengewe...
22 November 2018 Yasuwe: 4450 0

Patient Bizimana wasabwe gukora ubukwe bitarenze uyu mwaka imyiteguro igeze...

Patient yavuze ko atitaye ku gitutu cy’abantu bamusaba gukora ubukwe, ko...
17 November 2018 Yasuwe: 1138 0