Bishop Rugagi yatanze imodoka ye ayiha umu Bishop wo muri Congo (Amafoto)

Iyobokamana   Yanditswe na: Iyamuremye Janvier 23 August 2017 Yasuwe: 3285

Ni kenshi Bishop Rugagi Innocent akenda kugaragara yahaye abantu batandukanye, ibintu bitewe n’ibyifuzo yabasanganye cyangwa n’ibibazo runaka, aho akunda kugaragara yambitse abatari bafite imyenda yo kwambara, agaha ibishoro abatari babifite, agatwerera bifatika abafite ubukwe, no mu munsi ishize yahaye umusore warugiye kurushinga intebe ubwo yari yarabuze ubushobozi,..

Kuri iyi nshuro noneho, yahaye Bishop Karebu imodoka ngo kuko yamubwiye ko yayikunze. Kuri uyu wa kane tariki 17/08/2017 nibwo bishop Karebu yakiriye impano ye yari yaremerewe na bishop RUGAGI Innocent,

Ubwo yaherukaga kuza kwifatanya n’Itorero Abacunguwe mu masengesho y’iminsi 120, Bishop KAREBU wo mu gihugu cy’abaturanyi cya Congo Kinshasa yakunze imodoka Bishop RUGAGI yagendagamo ikaba ari ijipe MONTERO V6 iri mu bwoko bwa MITSUBISISHI.

Akimara kubimenya Bishop RUGAGI yabajije mugenzi we niba koko yarakunze imodoka ye nuko KAREBU nawe abyemera adashidikanya maze ahita atungurwa n’ijambo rivuye mu kanwa ka Bishop RUGAGI rigira riti:”N’ubwo ariyo nari mfite yonyine ariko kuko wayikunze ndayiguhaye!!”

Uwo mukozi w’Imana byaramutunguye cyane, kuko Bishop Rugagi Yari amuhaye imodoka yagenderagamo. Ariko kuko yari agiye gukomereza ivuga butumwa mu gihugu cya Kenya ntiyabashije guhita atwara impano y’igitangaza cye ari nako imirimo igenda imubana myinshi ntibimukundire kugaruka vuba ariko noneho rero iminsi iba myinshi igahimwa n’umwe ubwo kuri uyu wa kane ahasaga isaa mbiri z’ijoro nibyo Bishop RUGAGI Innocent yashyikirije Bishop KAREBU ibyangombwa by’imodoka n’urufunguzo rwayo imbere y’iteraniro n’imbere y’abaje baherekeje Bishop KAREBU.

Bishop Rugagi yagize ati:”Biragora gutanga icyo ukunda kdi aricyo ufite gusa ariko kuko namenye ko gutanga guhesha umugisha kuruta guhabwa niyemeje gutanga icy’igikundiro mfite kandi iyo utanze icyo ukunda ufite, Imana yo mu ijuru igushumbusha icyo ukunda kurushaho.”

Twabibutsa ko Bishop yatanze iyi modoka yarafite yagendagamo,nyuma y’igihe gito Imana imushumbusha indi nziza cyane ariyo ubu agendamo.

Bishop Rugagi nawe yatunguwe no kumva ko umwana Bishop Karebu aherutse kwibaruka yamwise amazina ye yombi ahita ashima Imana yamushoboje guhigura uwo muhigo.

REBA AMAFOTO:

- Bishop ati: Akira igitangaza cyawe.

- Aha Bishop Rugagi yarari kumusomera ibyanditswe kuri carte jaune, undi nawe umunezero wamurenze.

- Aha yarari kumwongorera akuzuye umutima.

- Aha amaze kwakira carte jaune y’imodoka ye, avuga ko Imana ari nziza.

- Aha bamukingurira imodoka ye ngo yinjire.

- Bishop ari kumwetrekera mbere y’uko ayi mushyikiriza.

- Undi nawe ati: Nayishyikiriye. Ibyishimo byamurenze.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble kuro

    muratubeshya yayitanze agité indi yizeye heerra

    August 2017
  • chat_bubble alexis

    Imana ikongerere imigisha yayo

    August 2017

Inzindi nkuru

Urusengero rwa Bishop Rugagi n’urw’inkuru Nziza zafunzwe kubera...

Ku mugoroba wo kuri uyu wa mbere tariki ya 12 Gashyantare,2018 nibwo...
13 February 2018 Yasuwe: 1634 1

Pasiteri Mpyisi, Musenyeri Rukamba na Islam bavuze ku mperuka ya muntu...

Bibiliya na Korowani bigaragaza neza ko isi izarangira hakabaho imperuka...
29 January 2018 Yasuwe: 2471 0

ADEPR yakumiriye ku igaburo ryera Tom Rwagasana na bagenzi be

Nyuma yuko itorero rya ADEPR ryambuye inshingano za gishumba abahoze ari...
11 January 2018 Yasuwe: 636 1

ADEPR nta mukirisitu yabujije kwambara ‘Bikini’

Umuvugizi w’itorero rya ADEPR Rev. Karuranga Ephraïm yatangaje ko nta...
11 January 2018 Yasuwe: 722 0

Theo Bosebabireba yahagaritswe na ADEPR ashinjwa kwiyandarika

Umuririmbyi mu ndirimbo zo kuramya no guhimbaza Imana, Theogene...
9 January 2018 Yasuwe: 884 0

Benshi banyweye inzoga ngo nahiritswe, Imana ingarura ku buyobozi-Nkurunziza

Avuga mu rurimi rw’ikirundi,amashyi y’urufashya, anyuzamo agakubita...
26 December 2017 Yasuwe: 660 1