Mama Paccy yakoze ubukwe bw’agatangaza n’umukunzi we Emmanuel [ AMAFOTO]

Iyobokamana   Yanditswe na: Muhire Jason 12 August 2018 Yasuwe: 3740

Kuri uyu wa Gatandatu tariki 11/08/2018 ni bwo umuhanzikazi Mama Paccy yasabwe aranakobwa mu muhango wabereye ku Kimironko mu mujyi wa Kigali.

Bambuzimpamvu Anastasie (Mama Paccy) ndetse n’umukunzi we Hitayezu Emmanuel basezeranye imbere y’amategeko ya Leta mu muhango wabaye tariki 20 Nyakanga 2018, kuri uyu wa Gatandatu bakurikijeho umuhango wo gusaba no gukwa wayobowe na Mc Philos.Ubukwe bw’aba bombi bwitabiriwe n’abantu benshi ndetse twaranzwe n’udushya dutandukanye.

Saa Saba z’amanywa zuzuye (13h:00) ni bwo umugeni (Mama Paccy) yasohotse mu nzu yinjira ahabereye umuhango wo gusaba no gukwa. Mama Kenzo (umugore wa nyakwigendera Patrick Kanyamibwa) n’umunyamakuru Clarisse Uwineza uzwi cyane nka Clara Uwineza ukora kuri Radiyo Rwanda, ni bamwe mu bari bambariye Mama Paccy. Mama Paccy n’umukunzi we bakoze ubukwe nyuma y’imyaka ine bamaze bakundana ndetse bakaba bamaze imyaka 10 baziranye.

Nyuma yo gusaba no gukwa, Mama Paccy n’umukunzi we berekeje ku Gisozi basezerana imbere y’Imana mu muhango wabereye mu rusengero rwa Bethesda Holy church. Abahanzi b’ibyamamare mu Rwanda mu muziki wa Gospel; Aline Gahongayire na Theo Bosebabireba n’umunyamakuru Clarisse Uwineza wa RBA ni bamwe mu bari bambariye abageni. Umuhango wo gusezerana imbere y’Imana watangiye kuva Saa kumi n’indi minota z’umugoroba.

Mama Paccy n’umukunzi we Hitayezu Emmanuel basezeranye imbere y’Imana bambikana impeta y’urudashira, babihamya imbere y’imbaga yitabiriye ubukwe bwabo. Aho basezeranijwe na Pasiteri Muhire Gerard ukuriye Harvest Christian church-Paruwase Sarefati . aho nyuma abageni bagiye kwifotoza. Ndetse abatumiwe bose bajya kwiyakira (Reception) mu muhango wabereye mu busitani bwa Croix Rouge ku Kacyiru, uyoborwa n’umusore witwa Muhire Nzubaha wagaragaje cyane ko afite impano mu kuyobora ubukwe.

Tumwe mu dushya twagaragaye muri kino gitaramo harimo nko kuba Mama Paccy yatunguye umukunzi we amuririmbira indirimbo nshya yamuhimbiye. Ni indirimbo itari yajya hanze ikaba irimo imitoma myinshi. Abahanzi baririmbiye abageni ni; Thacien Titus, Theo Bosebabireba waririmbye ’Kubita utababarira’ n’izindi zinyuranye, Aphrodis Byosebirashoboka, abana ba Mama Paccy n’amakorali anyuranye. Abageni bahawe impano nyinshi cyane kandi zinyuranye by’akarusho bagabirwa inka zitari nke. Ubukwe bwasojwe nijoro hafi Saa Tanu.

Twakwibutsa Anastasie afite abana bane, abahungu batatu n’umukobwa umwe, ari bo’ Pascalline, Pacifique, Pascal na Patrick. Ashimishwa cyane no kuba abo bana be nabo ari abahanzi bakaba baririmba mu rurimi rw’icyongereza mu gihe we atigeze abona amahirwe yo kwiga. Mu muziki azwi mu ndirimbo zinyuranye zirimo: Amashimwe, Ibya Yesu, Turi Abanyamugisha, Iratabara irimo ubuhamya bw’ibyo Imana yamukoreye n’izindi.

REBA AMAFOTO Y’UBUKWE:








Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bishop Rugagi ati ’Isi yose yaramenye byararangiye!’

Bihop Rugagi Innocent uyobora Redeemed Gospel Church yatangaje ko kugeza...
12 November 2018 Yasuwe: 2130 2

Pasiteri Christine ati ’Abarokore iyo bateretana babwirana nk’ay’abagombozi’[AMAFO

Pasiteri Christine Mwihoreze wo mu itorero Patmos of Faith yasabye...
2 November 2018 Yasuwe: 2467 2

Reba ubuhamya buteye agahinda bwa Mukansanga Pasiteri yarazaga amajoro...

Mukansanga ni umukobwa ufite imyaka 27 y’amavuko , apima metero imwe na 80 ,...
1 November 2018 Yasuwe: 4556 0

Umuhanuzi Bosco Nsabimana yatewe mu rugo rwe n’abajura badasanzwe mu gihe...

Kuri iki cyumweru tariki 28 Ukwakira 2018, abajura bataramenyekana bateye...
1 November 2018 Yasuwe: 2653 2

Musenyeri Kizito yifuje ko Guverinoma yamufasha gukusanya icya cumi...

Musenyeri Dr Cyprian Kizito Lwanga uyobora Kiliziya Gatolika mu Mujyi wa...
30 October 2018 Yasuwe: 1980 1

Umuntu wabeshyeye Apôtre Gitwaza ashobora gufungwa amezi 6

Uwafashe ubutumwa bwa Gitwaza akabukuramo agace gato kanyuranye n’ubwatanzwe...
29 October 2018 Yasuwe: 2308 2