Menya impamvu nyamukuru muri Restoration Church bavuga ko Apôtre Masasu ari Papa umufasha we bakamwita Mama

Iyobokamana   Yanditswe na: Martin Munezero 29 July 2019 Yasuwe: 4157

Apôtre Ndagijimana Joshua Masasu uyobora Evangelical Restoration church yasobanuye ko kwitwa Dady (Papa) w’abakirisito ayoboye ndetse umufasha we bakamwita Mammy (mama) bibahesha ubushobozi bukomeye bwo kubakuraho imivumo bavumwe n’ababyeyi babo bo mu buryo bw’umubiri.

Abakirisito bo mu itorero rya Evangelical Restoration bavuga ko Masasu n’umufasha we ari ababyeyi babo. Masasu bamwita “Daddy/papa” umufasha we bakamwita “Mammy/Mama”.

Ibi hari ababifata ukundi kuko batiyumvisha uburyo umugabo ukuze yifata akita undi mugabo umubyeyi we kandi azi neza ko atamubyaye. Umugore akita undi mugore mugenzi we ko ari mama we kandi azi neza ko atari we wamubyaye.

Mu gusobanura neza imvano y’aya mazina, Apôtre Masasu we yasobanuye ko kwitwa ababyeyi b’abakirisito bayoboye bibahesha ububasha bwo kugira icyo bahindura ku buzima bwabo ku buryo bashobora no kubakuraho imivumo bashyizweho n’ababyeyi bababyaye.

Masasu yagize ati: “Impamvu twitwa Dady, ntabwo ari amazina y’icyubahiro (title), ni ugusubira muri wa mwanya wa kibyeyi uduhesha gushyira mu bikorwa icyo wabuze mu isi. Masasu rwose kuba Apostle nkaba na perezida wa Restoration Church ni title ikomeye cyane, ariko impamvu nitwa Dady ni ukugira ngo ngire ubushobozi bwo kugusubiriza ibyo wabuze iwanyu kuri so na nyoko nicaye muri ya ntebe ya kibyeyi.”

Yakomeje agira ati: “Nta kindi binzamuraho rwose, ntabwo mbaruta mu myaka, sinabaruta mu bwenge, ese ubundi umuntu yabyara ab’ubwanwa n’imvi?…ariko iyo tubyise itorero ry’umuryango tukongeraho n’iki kintu cya Dady na Mammy twicaye hariya, icya mbere birabubakira kuko ahangaha nta mwuka wo gusenya uhari, na dayimoni utubona hariya twicaranye aravuga ngo hariya nta kibanza nahabona, tuba twafunze gutandukana kw’abashakanye.”

Masasu yasobanuye ko iyo abakirisito bamubonye bakamufata nka papa wabo, ngo bituma bamuha ububasha bwo kugira ibyo ahindura ku buzima bwabo harimo no kubakuraho imivumo bavumwe n’ababyeyi bababyaye.

Ati: “Umuvumo umupapa w’isi yagushyizeho mu mafuti ye no kutamenya Imana, mpabwa ubushobozi bwo kuwugukuraho atari nka apostle ahubwo nka papa wawe kuko uri mu rugo. Ni icyo!”

Mu gusobanura neza uburyo ashobora kugira icyo ahindura ku buzima bw’umuntu umwita “Dady”, Masasu yagize ati: “Haramutse hari umuntu hano ufite murumuna we umurusha amikoro akaba atagira ijambo, murumuna we akubahwa kumurusha atari uko amurusha ubwenge ahubwo hari ikintu cyabiteye, uyu munsi ibyo nshobora kubihindura.”

Ibi Masasu abisobanura atya mu gihe benshi batabivugaho rumwe bavuga ko ari ubuyobe kwita umushumba wawe umubyeyi atarakubyaye nyamara abandi bakavuga ko hari abashumba babakorera inshingano ziruta n’izababyeyi babo.

Src@IBYISHIMO

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Kwizera Rogers

    Abo bashumba bitonde batazaba ibigirwamana kuko usanga abakristo babo bavuga Daddy na Mammy kuruta uko bavuga Yesu!! aho kuvuga ngo ndashima Imana bo bivugira ngo "ndashima Daddy na Mammy" nuko bitangira !!! abantu bakumva ntacyo bitwaye bikarangira bihindutse ikigirwamana.

    3 weeks ago
  • chat_bubble Kwizera Rogers

    Aba bashumba bazitonde batazaba ibigirwamana kuko inshuro abakirisito babo babashimagiza ziruta izo bashima Yesu baba baje kuramya. Ndashima Dady na Mamy wampaye umwanya wo gutanga ubuhamya. Dady na Mamy!!!

    3 weeks ago
  • chat_bubble gasagara

    Ibi ni ugukunda ibyisi no gushaka ibyubahiro kandi Yesu yarabitubujije.Ntaho bitaniye nuko bitaga Dady ba Presidents Mobutu,Idi Amin,Bokasa,etc...Abagore babo bakitwa Mamy.Abakristu bariho ku gihe cya Yesu na nyuma yaho gato gusa.Naho aba baba bishakira icyacumi n’ibyubahiro gusa.Bibabaza Imana cyane.Uyu MASASU afite V8 yakuye mu mafaranga bamutura.

    3 weeks ago
  • chat_bubble hitimana

    Ibi nta kindi bigamije uretse Idolatry,nukuvuga ko babafata nk’Ibigirwa-mana kandi Imana ibitubuza.
    Mwibuke ko Yesu yasize adusabye kudaha abantu ama Titles (titres).Apotre MASASU bamwita Apotre.Naho Madamu we bakamwita Pastor.Abandi bakitwa Reverand,Bishop (Musenyeri,bisobanura "umwami wange"),Pope,etc...Abakuru b’amadini bihaye aya ma Titles,kugirango abantu babatinye,babone uko babarya amafaranga.Bitandukanye cyane nuko Yesu n’Abigishwa be babagaho.Nta numwe washakaga ibyubahiro.Nta numwe wasabaga Icyacumi.Icyacumi cyari kigenewe gusa Abalewi,kubera ko Imana itari yarabahe amasambu.Byisomere muli Kubara/Numbers 18:24.Abakristu nyakuri,Yesu yababujije aya ma Titles.Abasaba "gukorera Imana ku buntu".Byisomere muli Matayo 10:8.Ahangaha umuntu yashima cyane abayehova batiha Titles kandi ntibasabe icyacumi.

    3 weeks ago

Inzindi nkuru

Ubutumwa Madamu Jeanette Kagame yatanze mu masengesho ngarukakwezi yo...

Madame Jeannette Kagame yashimiye abitabiriye amasengesho ngarukakwezi yo...
11 August 2019 Yasuwe: 1554 1

Sano Olivier wariye Uwera Carine akayabo k’amafaranga arenga Miliyoni 30...

Umuhanzi uririmba indirimbo zo kuramya no guhimbaza Imana,Sano Olivier,...
11 August 2019 Yasuwe: 8705 5

Aho ibirori byo kwizihiza umunsi mukuru w’Ilayidi byari kuzabera...

Ubuyobozi bukuru bw’Umuryango w’Abayisilamu mu Rwanda (RMC), bwamenyesheje...
10 August 2019 Yasuwe: 1625 0

Aba-Bishops bakomerekeje umutima wa Gitwaza basabye imbabazi

Umwaka wa 2016 na 2017 ni imyaka yabaye mibi cyene kuri Zion Temple dore ko...
9 August 2019 Yasuwe: 3482 3

Pasiteri Sultan yavuze ku bamushinja kuba intandaro yo gutandukana...

Muri iki gitondo nibwo twabagejejeho inkuru y’ Umuhanzi w’indirimbo zo...
3 August 2019 Yasuwe: 6139 2

Nyuma yo kumara igihe kinini mu bihano avugwaho ubusambanyi,Theo...

Ni nyuma y’igihe kigera ku mezi 19, Uwiringiyimana Theo benshi bita...
3 August 2019 Yasuwe: 3744 1