P-Professor watangije kuramya no guhimbaza Imana muri Hip Hop mu itorero rya ADEPR yashenguye imitima ya benshi ubwo bamusezeragaho bwa nyuma[AMAFOTO]

Iyobokamana   Yanditswe na: Martin Munezero 3 December 2018 Yasuwe: 2357

Mu gitondo cyo kuri uyu wa mbere tariki 03 Ukuboza, abahanzi, abashumba inshuti ndetse n’abanyamuryango b’umuhanzi nyakwigendera Gakunzi Jonathan babyukiye mu muhango wo gusezera kuri uyu muhanzi witabye Imana ku mugoroba wo ku wa 26 Ugushyingo 2018.

Umuraperi Gakunzi Jonathan [P Professor] ni we watangije urugendo rwo kuramya no guhimbaza Imana mu njyana ya Hip Hop mu itorero rya ADEPR.

Uretse kuba yari umuhanzi ku giti cye, yari n’umuririmbyi wa Korali Amahoro. Asize ibihangano yakoze birimo “Imbere yawe”, “Amarira’’, ‘‘Umusirikare”, “Inzira inyerera” n’izindi. Ndetse asize umushinga wo kumurika Album ye uzashyirwa mu bikorwa n’umuryango we.

Umuhango wo kumusezeraho watangiriye aho yari atuye i Gikondo mu Mujyi wa Kigali.
Pasiteri Muremangingo Rene wo muri ADEPR Remera wayoboye uyu muhango wo gusezera kuri nyakwigendera, yavuze ko umuhanzi P. Professor yarinze ashiramo umwuka agitekereza ku murimo wo kwagura ubwami bw’Imana. Avuga ko bikwiye guha isomo abasore bakiriho na bo bagakunda umurimo w’Imana.

Pasiteri Muremangingo Rene wo muri ADEPR Remera wayoboye uyu muhango wo gusezera kuri nyakwigendera, yavuze ko umuhanzi P. Professor yarinze ashiramo umwuka agitekereza ku murimo wo kwagura ubwami bw’Imana. Avuga ko bikwiye guha isomo abasore bakiriho na bo bagakunda umurimo w’Imana.

Yagize ati: “Muri iyi minsi nagerageje kumusura i Kanombe mbona umurimo umuriho. Nkabona umubiri ntawo,…ariko yabaga atekereza ku giterane. Musore uri hano birakwiye ko ukorera Imana. Birakwiriye ko nawe uzavugwa amagambo nkayangaya. Uyu mwanya turayatiza Jonathan ngo nawe avuge ati ‘narangije intambara nziza….Ahasigaye mbikiwe ikamba mu Ijuru’. Jonathan Hari aho yaragereje ariko nawe utarakira Yesu umwanya ni uyu ngo uze dufatanye kuvuga inkuru nziza y’agakiza.”

Umuhango wo gusezera kuri nyakwigendera witabiriwe n’abaraperi bagenzi be barimo MD, WILLY KARUTA, STAR FOR JESUS, PASTOR GASHA ,PRINCE ALFA, The Pink, Karyango Bright, Abaririmbyi ba korali zitandukanye za Adepr, Abapasiteri, n’abavandimwe ba Nyakwigendera.

Nyuma yo kumusezeraho mu rugo i Gikondo, imihango yo kumusezeraho irakomereza mu rusengero rwa ADEPR Remera aho yasengeraga.

Nyuma nyakwigendera araza gushyingurwa mu irimbi rya Rusororo mu karere ka Gasabo.

SAA 10:55, imihango yo gusezera kuri nyakwigendera P. Professor ikomereje mu rusengero rwa ADEPR Remera.

Korali Amahoro P. Professor yaririmbagamo ni yo yaririmbye mu rusengero.

REBA AMAFOTO:

















SRC:Ibyishimo

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ibintu wakora mu kugaragariza uwo mwashakanye ko umukunda nyabyo (Igice cya...

Muri Bibiliya, mu gitabo cy’Imigani mu gice cya 18 ku murongo wa 22,...
19 March 2019 Yasuwe: 3382 1

"Gukora ikintu mu gihe cyacyo ni umuyoboro w’ubutsinzi": Rev./Ev. Eustache...

Uyu munsi nabateguriye inyigisho ifite umutwe ugira uti:" Ukwiriye kwitoza...
18 March 2019 Yasuwe: 703 0

Ikigo gishinzwe gushyingura abitabye Imana muri Afurika y’Epfo kigiye...

Ikigo gishinzwe gushyingura abitabye Imana muri Afurika y’Epfo cyatangaje ko...
27 February 2019 Yasuwe: 5368 0

Bamwe mu bo bafungiye insengero i Kigali bari kuvumba iz’abandi

Zimwe mu nsengero zafunzwe kubera kutuzuza ibisabwa ba nyirazo batangiye...
26 February 2019 Yasuwe: 980 0

Pasiteri Magaya yatawe muri yombi azira ubutubuzi burimo n’imiti ivura...

Walter Magaya w’imyaka 35 watawe muri yombi yiyitaga Umukozi w’Imana, ubu...
6 February 2019 Yasuwe: 2216 3

Jeannette Kagame ari bugeze ijambo mu barimo Donald Trump mu masengesho yo...

Jeannette Kagame, Umufasha wa Perezida w’ u Rwanda ari mu ruzinduko rw’...
5 February 2019 Yasuwe: 2005 0