Umuhanzi uzwi nka Sammy ukunzwe n’abatari bake mu ndirimbo zo kuramya no guhimbaza Imana yatawe muri yombi kubera imiti avuga ko ivura Sida

Iyobokamana   Yanditswe na: Martin Munezero 25 June 2019 Yasuwe: 2226

Mu gihugu cya Ghana, umuhanzi uzwi ku izina rya Brother Sammy ukunzwe n’abatari bake mu ndirimbo zo kuramya no guhimbaza Imana,yatawe muri yombi ashinjwa kwamamaza imiti itemewe avuga ko ivura SIDA.

Uyu muhanzi – ubundi izina rye ry’ukuri rikaba ari Samuel Opoku – azwi na bose kandi arakunzwe cyane mu mujyi wa kabiri w’iki gihugu wa Kumasi, amashusho ye yamamaza iyo miti ikaba yarebwe inshuro zibarirwa mu bihumbi.

Urwego rushinzwe iby’imiti muri Ghana rwamaganye ibi bikorwa bye runategeka ko uyu mugabo uri mu kigero cy’imyaka 40 y’amavuko ahita atabwa muri yombi.

Ku mbuga nkoranyambaga, uyu mugabo ashyiraho amashusho agaragaza amazi yemeza ko ari amazi “matagatifu” akiza virus ya HIV itera indwara ya SIDA, akiza kanseri n’izindi ndwara zikomeye.

Uyu mugabo muri ayo mashusho avuga ko amaze kuvura abantu barenga 50 akoresheje ayo mazi, amazi avuga ko afite ku bwinshi kuko buri munsi ategura amacupa 50.

Urwego rushinzwe ibiribwa n’imiti rwamaganye ibi yita imiti, ruvuga ko bitemewe kandi bitanemewe kugurishwa nk’uko umuvuguzi w’uru rwego James Lartey abivuga.

Bwana Lartey avuga ko badashobora kwemera ko umuntu akomeza kwamamaza abeshya abantu ko avura SIDA, kanseri, igisukari (diabète) n’izindi ndwara.

Polisi yatangiye iperereza ku byaha uyu muririmbyi aregwa. “Imiti” ye nayo yafatiriwe.

Abavuzi benshi bakoresha ibyatsi muri Ghana, bakunze kuvuga ko bavura SIDA ariko nta n’umwe muri bo wemewe n’abategetsi.

Urwego rushinzwe ibiribwa n’imiti muri Ghana ruvuga ahubwo ko abafata bene iyo “miti” barushaho kumererwa nabi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubutumwa Madamu Jeanette Kagame yatanze mu masengesho ngarukakwezi yo...

Madame Jeannette Kagame yashimiye abitabiriye amasengesho ngarukakwezi yo...
11 August 2019 Yasuwe: 1536 1

Sano Olivier wariye Uwera Carine akayabo k’amafaranga arenga Miliyoni 30...

Umuhanzi uririmba indirimbo zo kuramya no guhimbaza Imana,Sano Olivier,...
11 August 2019 Yasuwe: 8645 5

Aho ibirori byo kwizihiza umunsi mukuru w’Ilayidi byari kuzabera...

Ubuyobozi bukuru bw’Umuryango w’Abayisilamu mu Rwanda (RMC), bwamenyesheje...
10 August 2019 Yasuwe: 1604 0

Aba-Bishops bakomerekeje umutima wa Gitwaza basabye imbabazi

Umwaka wa 2016 na 2017 ni imyaka yabaye mibi cyene kuri Zion Temple dore ko...
9 August 2019 Yasuwe: 3465 3

Pasiteri Sultan yavuze ku bamushinja kuba intandaro yo gutandukana...

Muri iki gitondo nibwo twabagejejeho inkuru y’ Umuhanzi w’indirimbo zo...
3 August 2019 Yasuwe: 6094 2

Nyuma yo kumara igihe kinini mu bihano avugwaho ubusambanyi,Theo...

Ni nyuma y’igihe kigera ku mezi 19, Uwiringiyimana Theo benshi bita...
3 August 2019 Yasuwe: 3722 1