addresiya
Kigali
startimes

Bimwe mu byaranze tariki 17 Mata 1994, umunsi Uwari Perefe wa Butare n’ umuryango we biciweho

Kwibuka   Yanditswe na: 17 April 2017 Yasuwe: 2296


Hamwe mu hantu hagiye habera ubwicanyi bukomeye muri Jenoside yakorewe Abatutsi mu duce dutandukanye tw’u Rwanda ku itariki ya 17 Mata 1994 n’uko ingabo za RPA inkotanyi zagiye zirokora Abatutsi

Bwana Jean-Baptiste Habyarimana, wari perefe wa Butare, warwanyije umugambi wo gutsemba abatutsi, yarishwe n’umuryango we.

Kuva tariki ya 17-18/04/1994, Abatutsi bari bahungiye kuri Paruwasi Simbi, abari bahungiye mu cy’ishuri ES.St.J.Bosco no ku kibuga cy’umupira cya Maraba, hose ho muri Komini Maraba ubu akaba ari mu Karere ka Huye, barishwe bose.

Abatutsi bari bahungiye muri CARAES Ndera, barishwe.
Abatutsi b’i Munyaga barishwe bose, abayobozi bababeshye ngo icumu ryunamuwe nibave mu bwihisho.

Abatutsi bose bari baturiye ikiyaga cya Muhazi, ku mwaro wa Kabara, barishwe bajugunywa mu kiyaga cya Muhazi.

Abatutsi bari bahungiye ku biro bya Komini Mubuga, ubu ni mu karere ka Nyaruguru, barishwe bose.

Abatutsi bari bahungiye ku musozi wa Mwulire n’i Sovu (muri Rwamagana) barishwe bose.

Abatutsi bagera 12,000 bari bahungiye kuri Stade Gatwaro ku Kibuye barishwe, maze Interahamwe n’abaturage b’abahutu bacukura ibyobo rusange babajugunyamo.

Uwari Perefe wa Kibuye, Dr. Kayishema Clement, yishe umututsi wa mbere agirango yereke urugero Interahamwe. Uyu Kayishema Clement akaba yarakatiwe igifungo cya burundu n’urukiko mpuzamahanga mpanabyaha rwashyiriweho u Rwanda, aza gupfira mu gihugu cya Mali mu mwaka wa 2016.

Abatutsi bagera ku 11,000 bari bahungiye mu kiliziya ya Kibuye no muri Home St Jean, bishwe n’Interahamwe ziyobowe na Izakari na Mbaraga. Abageragezaga guhunga, interahamwe zarabicaga zikabajugunya mu kiyaga cya Kivu. Kuri uwo munsi, harokotse abatutsi 25 gusa.

Hishwe Abatutsi bari bahungiye kuri Komini Mubuga muri Perefegitura ya Gikongoro, ubu ni mu Karere ka Nyaruguru.

Hishwe Abatutsi b’i Mwezi muri Karengera (Nyamasheke) bicirwa ku cyahoze ari Komine Karengera

Hishwe abatutsi b’ i Butare muri Gihombo (Cyangugu) bicirwa ku cyahoze ari Komine Rwamatamu

Hishwe Abatutsi b’i Save muri Ruharambuga bicirwa ahitwa i Nyamuhunga

Hishwe Abatutsi b’i Buvungira muri Bushekeri bicirwa ku ruganda rwa Gisakura

Src: CNLG

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

CNLG yatangaje impinduka nshya zakozwe mu mihango yo gutangiza no gusoza...

Komisiyo y’Igihugu yo Kurwanya Jenoside, CNLG, yatangaje ko igikorwa cyo...
3 April 2020 Yasuwe: 1376 0

CNLG yatangaje impinduka mu bikorwa byo kwibuka ku nshuro ya 26 Jenoside...

Kubera icyorezo cya COVID 19 gihangayikishije isi, Komisiyo y’igihugu yo...
29 March 2020 Yasuwe: 1862 0

Indirimbo “Dusohoze ikivi” yahuriweho na The Ben, Masamba, Mecky, Tonzi,...

Indirimbo “Dusohoze ikivi” yahuriyeho n’abahanzi The Ben, Masamba, Mecky,...
27 April 2019 Yasuwe: 871 0

Kirehe: Gisimba yariye imitima y’ abatutsi ashyira amaraso yabo mu muvure...

Umugabo witwa Gisimba wo mu karere Kirehe avugwaho kuba muri Jenoside...
20 May 2018 Yasuwe: 4484 0

Ikipe ya Rayon Sports iribuka abazize Jenoside yakorewe abatutsi

Nkuko iyi kipe ya Rayon Sports isanzwe ibikora kuri iki cyumweru taliki ya...
2 July 2017 Yasuwe: 667 0

Byinshi ukwiye kumenya ku gikombe cya FIFA Confederations Cup gitangira...

Mu gihe dusigaje amezi 12 kugira ngo twihere ijisho igikombe cy’isi kizabera...
16 June 2017 Yasuwe: 1404 0