skol
Kigali
startimes

Dukomeze kwigisha abakiri bato agaciro k’ubumuntu-Madamu Jeannette Kagame

Kwibuka   Yanditswe na: 20 June 2020 Yasuwe: 649

Kuri uyu wa Gatandatu tariki ya 20 Kamena 2020, ubwo hibukwaga imiryango yazimye muri Jenoside yakorewe Abatutsi mu 1994,Madamu Jeannette Kagame yasabye ko abakiri bato barushaho kwigishwa umuco w’ubumuntu kumenya agaciro k’undi no guhora duharanira ko impinduka nziza.


Nyakubahwa Madamu Jeannette Kagame yavuze ko kuba hari imiryango yazimye muri Jenoside yakorewe Abatutsi, ari ikimenyetso cy’uko hari umugambi koko wo kurimbura abafite icyo bahuriyeho

Yagize ati "Mu gihe twibuka imiryango yazimye muri jenoside yakorewe abatutsi mu 1994, tuzirakane ko iki ari ikimenyetso ntakuka cy’uko jenoside ari umugambi ugamije kurimbura burundu abantu bafite icyo bahuriyeho.

Dukomeze kwigisha abato babyiruka umuco w’Ubumuntu, kumenya agaciro k’undi , kwanga ikibi no guhora duharanira impinduka nziza kuko twabonye ko bishoboka."

Imibare y’agateganyo igaragaza ko imiryango yazimye muri Jenoside yakorewe Abatutsi ari 15.593, yari igizwe n’abantu 68.871.

Myinshi muri iyo miryango ni iyo muri Karongi ahazimye imiryango 2839 yari igizwe n’abantu 13371, na Nyamagabe ahazimye imiryango 1535 yari igizwe n’abantu 5790. Akandi karere kagaragayemo imiryango myinshi yazimye ni aka Ruhango, hazimye imiryango 1136 yari igizwe n’abantu 5245.

Umunyamabanga Nshingwabikorwa wa Komisiyo y’Igihugu yo kurwanya Jenoside, Dr Jean Damascene Bizimana, yabwiye IGIHE ko hari impamvu zikomeye zituma imiryango myinshi yazimye ari iyo mu majyepfo y’uburengerazuba bw’igihugu.

Ati “Iya mbere ni tumwe mu turere twari dufite umubare munini w’Abatutsi, icya kabiri ni uko Jenoside yahamaze igihe kinini cyane, ingabo za FPR zahageze zitinze bitewe n’uko abazungu baje muri Operation Turquoise y’Abafaransa, noneho abajenosideri babona umwanya wo gukomeza kwica muri izo perefegitura Abarafansa bari barimo.”

Izo zari perefegitura za Gikongoro (Nyamagabe y’ubu), Kibuye (Karongi) na Cyangugu. Ni n’ahantu ngo ingengabitekerezo ya Jenoside yigishijwe kuva kera kandi mu buryo buremereye, kubera imbaraga ishyaka rya Parmehutu ryahashyize.

Mu 1959 na 1963 ngo nizo perefegitura zishwemo Abatutsi benshi, cyane cyane muri Gikongoro hishwe abarenga ibihumbi 25 mu byumweru bibiri.

IMIBARE Y’AGATEGANYO Y’IMIRYANGO YAZIMYE IMAZE KUMENYEKANA

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibyaranze tariki 11 Mata 1994: Ingabo za Loni zatereranye Abatutsi bari...

Ku itariki ya 11 Mata 1994 muri Jenoside yakorewe Abatutsi, ubwicanyi...
11 April 2020 Yasuwe: 377 0

CNLG yatangaje impinduka nshya zakozwe mu mihango yo gutangiza no gusoza...

Komisiyo y’Igihugu yo Kurwanya Jenoside, CNLG, yatangaje ko igikorwa cyo...
3 April 2020 Yasuwe: 1416 0

CNLG yatangaje impinduka mu bikorwa byo kwibuka ku nshuro ya 26 Jenoside...

Kubera icyorezo cya COVID 19 gihangayikishije isi, Komisiyo y’igihugu yo...
29 March 2020 Yasuwe: 1874 0

Indirimbo “Dusohoze ikivi” yahuriweho na The Ben, Masamba, Mecky, Tonzi,...

Indirimbo “Dusohoze ikivi” yahuriyeho n’abahanzi The Ben, Masamba, Mecky,...
27 April 2019 Yasuwe: 884 0

Kirehe: Gisimba yariye imitima y’ abatutsi ashyira amaraso yabo mu muvure...

Umugabo witwa Gisimba wo mu karere Kirehe avugwaho kuba muri Jenoside...
20 May 2018 Yasuwe: 4505 0

Ikipe ya Rayon Sports iribuka abazize Jenoside yakorewe abatutsi

Nkuko iyi kipe ya Rayon Sports isanzwe ibikora kuri iki cyumweru taliki ya...
2 July 2017 Yasuwe: 675 0