Kigali

“Muhumure, mufite igihugu kibakunda, cyiteguye kubarinda no kubarengera” Senateri Rutaremara

Kwibuka   Yanditswe na: 1 May 2017 Yasuwe: 1139

Senateri Tito Rutaremara yatanze ubumwa bw’ ihumure ku barokotse jenoside yakorewe abatutsi agaragaza ko Abanyarwanda bafite igihugu kibakunda kandi cyiteguye kubarinda no kubarengera.

Ubu butumwa yabutanze tariki 27/04/2017; ubwo abanyeshuri bafatanyije n’abayobozi ba UNILAK-Kigali Campus hamwe n’abashyitsi batandukanye bifatanyije n’abanyarwanda kwibuka abazize Jenoside yakorewe Abatutsi muri Mata 1994.

Senateri Tito Rutaremara yagarutse ku mateka y’urwango rwacengejwe igihe kirekire mu bana b’u Rwanda, aho batojwe ko nta sano bafitanye, agaruka ku bukana bukabije Jenoside yakorewe Abatutsi yateguranywe ari nabyo byabaye impamvu y’urupfu rwahitanye benshi kandi mu gihe gito

Yahumurije abarokotse Jenoside anabasaba gukomeza gutwaza gitwari.

Muhumure, mufite igihugu kibakunda, cyiteguye kubarinda no kubarengera. Jenoside ntizongera kubaho ukundi.”.

UNILAK yifatanyije n’Abanyarwanda kwibuka Abazize Jenoside yakorewe Abatutsi
Ni umuhango waranzwe n’urugendo rwo kwibuka (walk to remember) rwatangiriye ku cyicaro cya UNILAK- BRALIRWA- SONATUBE- UNILAK. Nyuma y’urugendo hakaba hacanywe urumuri rw’icyizere hanatangwa ubutumwa bw’icyizere.

Aha ikaze abitabiriye uwo muhango wo kwibuka, umuyobozi wa Kaminuza ya UNILAK Dr. Ngamije Jean yibukije abanyeshuri ko ari urumuri rugomba kumurika no kwamagana ikibi icyo aricyo cyose.

Ati “Mwibuke ko muri urumuri, kandi akamaro karwo ni ukumurika. Muri intore kandi intore ntimwara. Mwige mumenye amateka y’icyateye ikibi mumenye n’uko mwagikumira. Muharanire kubaka igihugu no gusigasira ibyagezweho,”

Dr Gasanabo Jean Damascene, Umuyobozi muri Komisiyo ishinzwe kurwanya Jenoside yagaragarije Abanyeshuri ba UNILAK, bo Rwanda rw’ejo ibimenyetso bigaragaza ko ingengabitekerezo ya Jenoside ikiriho ndetse anabaha ubutumwa bwo gukomeza kuyirwanya no kuyitunga agatoki kugira ngo abo igaragayeho bahanwe haba ku ishuri ndetse no mu miryango bakomokamo.

Yagize ati “Intego yanyu ibe ko Jenoside itazongera kubaho ukundi mukiri kuri iyi si. Mwunge muryo Nyakubahwa Perezida wa Republika Paul Kagame yavuze ko Jenoside idashobora kongera kubaho ukundi akiri muri ubu buzima,”

UNILAK yashinzwe mu mwaka w’1997 nyuma gato ya Jenoside yakorewe Abatutsi. N’Ubwo nta bakozi cyangwa abanyeshuri bayo bayiguyemo mu gihe cya Jenoside, biri mu muco wayo ko buri mwaka yifatanya n’abanyarwanda kwibuka Jenoside yakorewe Abatutsi.



Dr Ngamije Jean, umuyobozi wa UNILAK

Dr Gasanabo Jean Damascene, Umuyobozi muri CNLG


Senateri Tito Rutaremara

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kirehe: Gisimba yariye imitima y’ abatutsi ashyira amaraso yabo mu muvure...

Umugabo witwa Gisimba wo mu karere Kirehe avugwaho kuba muri Jenoside...
20 May 2018 Yasuwe: 4189 0

Ikipe ya Rayon Sports iribuka abazize Jenoside yakorewe abatutsi

Nkuko iyi kipe ya Rayon Sports isanzwe ibikora kuri iki cyumweru taliki ya...
2 July 2017 Yasuwe: 617 0

Byinshi ukwiye kumenya ku gikombe cya FIFA Confederations Cup gitangira...

Mu gihe dusigaje amezi 12 kugira ngo twihere ijisho igikombe cy’isi kizabera...
16 June 2017 Yasuwe: 1357 0

GAERG igiye Kwibuka Imiryango 886 yazimye muri Nyabihu, Rubavu na...

Kuri uyu wa Gatandatu tariki ya 27 Gicurasi 2017, Umuryango w’Abacitse ku...
26 May 2017 Yasuwe: 308 2

“Muhumure, mufite igihugu kibakunda, cyiteguye kubarinda no kubarengera”...

Senateri Tito Rutaremara yatanze ubumwa bw’ ihumure ku barokotse jenoside...
1 May 2017 Yasuwe: 1139 0

“Biragayitse kubona muri Jenoside umuganga yarafatanyije n’ abandi mu kwica”...

Minisiteri y’ ubuzima ifatanyije n’ ikigo cy’ igihugu cyita ku buzima RBC...
21 April 2017 Yasuwe: 1357 0