Kigali

Dore inama 6 z’ingenzi zagufasha kubabarira ndetse no kumenya niba koko uwo muntu wamusubiza n’icyizere

Opinion   Yanditswe na: 3 May 2017 Yasuwe: 667

Ubundi mu isi y’ibiremwa nta muntu udakosa yewe ntihajya habura n’amakimbirane hagati y’abantu runaka,ndetse no mu nshuti magara,gusa nubwo ibyo biba byose ntihaba habuze icyabiteye,ari nayo mpamvu twabahitiyemo kubasangiza zimwe mu nama zagufasha kubabarira ndetse no gusubiza icyizere uwaguhemukiye ndetse ukanamenya niba koko wamusubiza n’icyizere wamugiriraga mbere.

1.Ese umubano wawe nawe ufite agaciro gakomeye mu buzima bwawe?

Kubabarira uwaguhemukiye ni ngombwa kugirango nawe uruhuke ku mutima ariko mbere yo kongera kumwizera no kumugarura mu buzima bwawe ukwiriye kubanza kwibaza niba uwo muntu afite agaciro cyane mu buzima bwawe ku buryo umubano wanyu usubiye inyuma waba uhombye ikintu kinini. Ukwiriye kandi kwibaza niba atari ubwa mbere aguhemukiye, usanze yarabigize akamenyero ugomba guhagarika uwo mubano wanyu.

2.Kuvugisha ukuri kugahinda byaguteye

Igihe umuntu yaguhemukiye akagusaba imbabazi ni ngombwa ko umubwiza ukuri ukamubwira icyakubabaje icyaricyo cyangwa icyakurakaje kuko ashobora no kuba yarakubabaje atabigambiriye akaba atumva aho yahemutse ahariho. Igihe kandi wiyemeje kubabarira no kongera gusubukura umubano wanyu ntukajye umucyurira. Ibyabaye byarabaye nta mpamvu yo guhora ubigarura.

3. Kwakira urukundo n’imbabazi usabwa

Iyo umuntu yagukoshereje nawe ubwe ntaba atuje. Niba rero yagusabye imbabazi akagerageza kongera kugushimisha byaba byiza nawe ugiye wakira ibyo agukorera utamucyurira.

4.Kumenya ko abantu ari abantu

Umuntu aho ava akagera arakosa, nta mumalayika mu bantu. Yego amakosa ashobora gutandukana ariko nawe ubwawe hari abo wababaje. Icyo ni ikintu ugomba kuzirikana ukirinda gufata abantu nk’utumana duto. Ugomba kumenya ko hari n’ubwo umuntu aba agukunda ariko akagukomeretsa atabishaka.

5. Uruhare wabigizemo

Ese wowe nta ruhare wabigizemo? Ese wamubaniye neza araguhemukira cyangwa nawe hari inshingano wirengagije kuzuza.

6. Kubiha igihe

kongera kwizera umuntu waguhemukiye bifata igihe. Ni ngombwa ko ugenda uko umutima wawe ukuyoboye. Nta mpamvu yo kwirukankira kongera kwizera umuntu. Genda gacye icyizere kizagenda kigaruka hagati yanyu buhoro buhoro.

Martin MUNEZERO

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ese abakobwa beza nka Mariya baracyabaho?

Mariya yari umukobwa mwiza ufite uburanga bwiza cyane, kandi yubahaga Imana...
22 May 2018 Yasuwe: 1260 1

Menya impamvu utari uzi ngo zaba arizo zituma abakobwa b’iki gihe bikundira...

Urukundo ni ikintu kigira aho kiva ndetse n’icyatumye kibaho cyane cyane...
21 May 2018 Yasuwe: 1129 0

Pasteri Robert Kayanja ngo yaba ari umutinganyi, dore urutonde rw’abandi...

Muri Uganda kimwe no mu bindi bihugu bituyemo abantu bakurikiranira hafi...
19 May 2018 Yasuwe: 8915 1

Mu mafoto reba urutonde rw’ibintu bigaragara nk’aho bitangaje ugereranyije...

Ibintu bigaragara nk’aho bitangaje ugereranyije n’imitekerereze ya muntu...
18 May 2018 Yasuwe: 5583 0

Ikintu cyose umuntu ashobora gutekereza no kugikora yabishobora...

Abahanga mu by’ imitekererezo ya muntu bemeza ko mu bahanga bose babayeho...
15 May 2018 Yasuwe: 1241 0

Birababaje: Abatumirwa 3 bapfiriye mu mpanuka baherekeje abageni mu bukwe...

Muri Nigeria haravugwa inkuru y’impanuka yahitanye abatumirwa batatu bari...
15 May 2018 Yasuwe: 4586 0