Frank Habineza akurahe icyizere cyo gutsinda Perezida Kagame mu matora y’ umukuru w’ igihugu?

19 December 2016. | Opinion | 7 Ibitekerezo | Nsanzimana Ernest
  • Frank Habineza akurahe icyizere cyo gutsinda Perezida Kagame mu matora y’ umukuru w’ igihugu?

Mu gihe hasigaye amezi atandatu gusa, ngo abifuza guhatanira intebe y’ umukuru w’ igihugu cy’ u Rwanda batange kandidatire zabo, ishyaka rimwe rukumbi mu mashyaka 11 yemewe hano mu Rwanda niryo rimaze gutangaza ko rizatanga umukandida mu matora ya Perezida wa Repubulika ateganyijwe tariki 4 Kanama 2017.

Iryo shyaka ni Democratic Green Party of Rwanda (DGPR), ishyaka riharanira demukarasi no kurengera ibidukikije mu Rwanda. Tariki 17 Ukuboza 2016 nibwo DGPR ryatangaje ko rizatanga umukandida mu matora ataha y’ umukuru w’ igihugu. Iri shyaka rivuga ko Frank Habineza, Umuyobozi waryo ariwe uzahatana n’ abandi bakandida bataramenyekana.

Akimara kugirirwa icyizere n’ abayoboke b’ ishyaka Frank Habineza yavuze ko yiteguye guhatana n’ abandi bakandida barimo na Perezida Kagame yizeza abayoboke ba DGPR ko azatsinda amatora y’ umukuru w’ igihugu.

Frank Habineza afite icyizere cyo gutsinda amatora y’ umukuru w’ igihugu mu gihe guhera mu kwezi kwa gatanu kwa 2015, Abanyarwanda batangiye kwandikira Inteko Ishingamategeko basaba ko Itegeko Nshinga rivugururwa mu ngingo yaryo y ’ 101.

Ubusabe bw’ Abanyarwanda bifuza ko iyi ngingo ivugururwa kugira ngo Perezida Kagame yemerwe kongera kwiyamamariza kuyobora u Rwanda nibwo bwaganishije kuri referandumu yo ku wa 18 Nzeli 2015.

Muri iyi referendumu abanyarwanda bangana na 6 157 922 batoye bemeza ko Itegeko Nshinga rivugururwa bituma ‘Yego’ itorwa ku kigero cya 98,3%.

Tariki ya mbere Mutarama 2016, mu ijambo Perezida Kagame yagejeje ku banyarwanda abifuriza umwaka mushya wa 2016, yavuze ko akurikije uburemere n’ imyumvikanire bahaye ubusabe bwo kuvugurura Itegeko Nshinga atabangira kongera kwiyamamaza. Ibi bivuze ko nubwo ishyaka FPR inkontanyi riri ku butegetsi ritaratangaza ku mugaragaro ko rizatanga Perezida Kagame nk’ umukandida mu matora ataha y’ uyu mukuru w’ igihugu amahirwe menshi ari uko ariwe rizatanga.

Miliyoni 6 z’ Abanyarwanda basabye ko Perezida Kagame azakomeza kubayobora, none Frank Habineza afite icyizere cyo gutsinda amatora y’ umukuru w’ igihugu.

Frank Habineza akurahe icyizere cyo gutsinda Perezida Kagame mu matora y’ umukuru w’ igihuhu?

Mu kiganiro Frank Habineza yahaye abanyamakuru tariki 17 Ukuboza 2016, yavuze ko kuba Abanyarwanda baratoye bemeza ko Itegeko Nshinga rihinduka kugira Perezida Kagame azongere yiyamamaze bidakuraho ko hagomba kubaho guhatana.

Yagize ati “Bamwe mu bazanaga uduseke mu nteko basaba ko Itegeko Nshinga rihinduka twaraganiriye batubwira ko bitabaga bibavuye ku mutima ahubwo babaga babihatiriwe. Ikindi kuba Itegeko Nshinga ryaratowe ntabwo bikuraho ko hagomba kubaho guhatana”

Muri iki kiganiro DGPR yavuze ko ifite abayihagarariye mu turere twose tw’ u Rwanda uko ari 30 , ngo igihe cyo kwiyamamaza nikigera izamamaza umukandida wayo kandi ngo yizeye ko izabona Abanyarwanda bayijya inyuma bagatora Frank Habineza.

DGPR niryo shyaka rukumbi ryagaragaraje ko ridashyigikiye ko Itegeko Nshinga rivugururwa. Rimaze gutorwa nabwo DGPR yagejeje ikirego mu nkiko ivuga ko itemeranya n’ ivugururwa ry’ Itegeko Nshinga, urukiko rutesha agaciro ikirego cya DGPR ruvuga ko ntashingiro gifite.

Amatora y’ umukuru y’ igihugu ateganyijwe tariki 4 Kanama 2017, naho gutanga kandindatire ni 5-14 Kamena 2017.

Ibitekerezo
  • MyPassion

    ntamuhanga
    21 December 2016 - Musubize

    Nonse se ko mbona mumunenga, muragirango azareke kwiyamamaza? Kuvugirura itegekonshinga no gutora Prezida ni ibintu 2 bitandukanye.

    Abayoye yego, ntabwo batoye umukandida. Habineza aziyamamaza avuge ibyo azageza kubanyarwanda, nibumva bibanogeye bazamutora. PK nawe ni uko, campagne ntiziraba, sinzi aho mukura ko uyu n’uyu azatsinda.

  • MyPassion

    ntamuhanga
    21 December 2016 - Musubize

    Nonse se ko mbona mumunenga, muragirango azareke kwiyamamaza? Kuvugirura itegekonshinga no gutora Prezida ni ibintu 2 bitandukanye.

    Abayoye yego, ntabwo batoye umukandida. Habineza aziyamamaza avuge ibyo azageza kubanyarwanda, nibumva bibanogeye bazamutora. PK nawe ni uko, campagne ntiziraba, sinzi aho mukura ko uyu n’uyu azatsinda.

  • MyPassion

    niyongabo jean baptiste
    20 December 2016 - Musubize

    Andika Igitekerezo Hano tuzamutora kbs niba urubyiruko haricyo azatugezaho mwiterambere turamushyigikiye frank oye amahirwe masa

  • MyPassion

    mugiraneza. didier
    19 December 2016 - Musubize

    ESE. AZIKO YATSINDA. KAGAME ESE. NIMUMUBWIRAK. YAYOBYE

  • MyPassion

    mugiraneza. didier
    19 December 2016 - Musubize

    ESE. AZIKO YATSINDA. KAGAME ESE. NIMUMUBWIRAK. YAYOBYE

  • MyPassion

    lg
    19 December 2016 - Musubize

    ubwo uwo nawarage ntakintu nakimwe gikowa muliki gihugu yemera navugeko a Linda ye ituma atabonibyabandi babona arekekunenga ibyabanyarwanda bitoreyentawamugize umuvugizi wabo ,nategereze padri nah0 uwavuga namuturekere

  • MyPassion

    Amani
    19 December 2016 - Musubize

    Ahubwo ubaye mu isi ukamenya ibikwerekeyeho gusa waba nta bwenge ugira; keretse nta maso ugira, utabana, utamenya uko abandi babaho, utagira sosiyete. Mbese umeze nk’uba ku karwa. Mbese ko utari inyoni kuki umenya uko zikora ngo zubake icyari? Ko ushobora kuba utari umubyeyi ariko ukamenya uko umubyeyi yakagomye kugenza, cyangwa ko umubyeyi avunika abyara, arera....? "Ubwenge" ni icyo bivuga! Kutagira ijisho rigarukira aho uhagaze! Burya abahanga bavuga ko ikigira umuntu umunyabwenge kurusha abandi ari ukumenya ibirenze ibisanzwe bimugaragiye no gutekereza kure. Naho tuvuga ibyacu gusa ntitumenye ibibangamiye abandi cyangwa ibyo bifuza twaba .....

Tanga Igitekerezo