Kigali

Ibyo abasazi 2 bari bahagararanye umwe afite itoroshi barimo baganira...Hahaha

Opinion   Yanditswe na: Martin Munezero 15 August 2018 Yasuwe: 2708

Ubundi ubusanzwe bavuga ko guseka byongera amahirwe yo kuramba ari nayo mpamvu uyu munsi twifuje gusetsa abasomyi b’Ikinyamakuru Umuryango.rw tubinyujije mu inzenya zigera kuri enye.

1.Abasazi babiri bari bahagararanye baganira, umwe afite itoroshi. Nuko arayicana ayitunga mu kirere, maze abaza mugenzi we ati:”Umva ko ujya unyirariraho ngo uri umugabo! Ngaho urira uru rumuri urugere mu bushorishori!”

Undi ati:”Ariko uzi ko uzi ubwenge nyabu! Uragira ngo nurire maze nubona njyeze hejuru uzimye mpite mpanuka?!!!”

2.Umusazi yuriye igiti, ageze hejuru agashami yari akandagiye karavunika arahanuka yitura hasi.

Areguka vuba vuba arongera arurira, ageze hejuru abura aho akandangira noneho aranyerera arongera arahubuka no hasi ngo piiii!!!

Aricara gato arangije aravuga ati:”Ariko Imana irankunda! Ubu se koko iyo ntigira inama ngo mpite mpaguruka vuba vuba ubwa mbere ngwa, ubu simba mpanutse nkigwa hejuru nkivunagura?!!! Reka nigendere!!!”

3.Joriji yinjiye mu kabari arabaza ati “nta muntu wataye amafaranga menshi afungishijwe akagozi?”. Nuko umugabo wari uri aho arahaguruka ati “ni njye”. Joriji aramubwira ati “nimwakire ntoraguye aka kagozi.”

umugabo ati “Nonese amafaranga ari he?”

Joriji ati “Natoye akagozi konyine wa mugabo we!”

umugabo ati “Wabwiwe n’iki ko kari kaziritse amafaranga?”

Joriji “Ni uko tuno tugozi duhambira amafaranga cyangwa imisatsi y’abakobwa.”

4.Umugabo yagiye muri hoteri asangamo mudasobwa, ahita yihutira kwandikira umugore we yari yasize mu rugo ubwo yajyaga mu ruzinduko rw’akazi. Agiye kohereza urwo rwandiko yibeshyaho gato e-mail y’umugore we ayohereza ku mugore wari wapfushije umugabo uwo munsi.

Uwo mugore wari wapfushije umugabo yabaye akiva gushyingura umugabo we, yihutira kujya kuri mudasobwa yibwira ko hari abo mu muryango we baba bamwandikiye bamwihangananisha, ariko akimara gusoma ibaruwa ya mbere ahita yikubita hasi. Maze umuhungu we aje amukurikiye asanga kuri mudasobwa hariho ibaruwa igira iti

Ku mugore wanjye nkunda cyane,

Ndabizi biragutangaje kubona iyi baruwa kuko utacyekaga ko nabona uko nkwandikira ariko nasanze ino na ho basigaye bafite za mudasobwa, kandi bemerera abantu kwandikira abakunzi babo. Ubu tuvugana maze akanya gato ngezeyo, banyeretse icyumba nzabamo, gusa irungu riranyishe ngiye kukwitegura na we ejo uzaze. Ndizera ko uzabona abaguherekeza nk’uko nanjye mwamperekeje, bizu ni ah’ejo. Uzagire urugendo rwiza!”

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Utu ni utuntu 12 dutangaje utari uzi kandi nyamara dufite icyo tumaze ku...

Nyamara hari ibindi bintu binyuranye ushobora gusanga utari uzi kandi...
23 December 2018 Yasuwe: 4205 0

Uyu mubyeyi aratabariza umwana we Nsabimana ufite imyenge 2 ku...

Umubyeyi witwa Nzamukosha Assoumpa utuye mu kagari ka Kinyinya Umurenge wa...
16 December 2018 Yasuwe: 2460 0

Ibi nibyo umuhanga w’umunyarwanda muri Science avuga kuri MUKOROGO birimo no...

Mu Rwanda no mu bihugu bitandukanye by’abirabura hakomeje kuvugwa amavuta...
27 November 2018 Yasuwe: 5822 0

Malariya yariyongereye, abakene ntibari guhabwa inzitiramubu gusa, bari...

Ifoto y’uko baryama mu nzitirmubu / Imvahonshya OMS yatangaje ko u Rwanda...
26 November 2018 Yasuwe: 978 1

Inama ku bakobwa bashaka kwibagisha igitsina kikagira imimerere n’imiterere...

Mu bice bitandukanye by’Isi cyane mu Burayi na Amerika, hari abakobwa...
21 November 2018 Yasuwe: 2664 0

Umwarimu yapfukamishije umunyeshuri kugera ubwo acika ibisebe amuziza...

Mu gihugu cya Ghana haravugwa inkuru y’umunyeshuri wapfukamishijwe...
3 November 2018 Yasuwe: 2673 0