Imyumvire mishya ku bijyanye n’isanzure yaje muntangiriro z’ikinyejana cya 19 mu mateka y’isi azanywe na muntu. Gallille, Umutaliyani watangaje bwa mbere ko Isi izenguruka Izuba, ibintu byari bihabanye cyane n’imyumvire yari isanzweho kandi yanditse muri Bibiliya yemeza neza ko izuba ariryo rizenguruka Isi.
Ibi uyu mutaliyani yaje no kubizira dore ko yapfuye ashinjwa kuvuguruza igitabo gitagatifu cya Bibiliya, yicwa n’ubutegetsi bwa Vatican ibintu Leta yaje no gusabira imbabazi hashize gihe uyu (...)

Sponsored Ad

Imyumvire mishya ku bijyanye n’isanzure yaje muntangiriro z’ikinyejana cya 19 mu mateka y’isi azanywe na muntu. Gallille, Umutaliyani watangaje bwa mbere ko Isi izenguruka Izuba, ibintu byari bihabanye cyane n’imyumvire yari isanzweho kandi yanditse muri Bibiliya yemeza neza ko izuba ariryo rizenguruka Isi.

Ibi uyu mutaliyani yaje no kubizira dore ko yapfuye ashinjwa kuvuguruza igitabo gitagatifu cya Bibiliya, yicwa n’ubutegetsi bwa Vatican ibintu Leta yaje no gusabira imbabazi hashize gihe uyu munyabwenge yishwe.

Guhera icyo gihe kugeza ubu abashakatsi ntibahwemye kugenda bakomeza gushakashaka mu kirere bavumbura byinshi bitandukanye bitari bizwi na muntu, ariko hari na byinshi byakomeje kuboyobera mwene Adamu kugera nubu.

Umwe avuga ibye undi ibye, mbese ntiwapfa kumenye neza ukuri nyako bitewe n’impamvu nyinshi ndetse n’iza politike zitaburamo. Kuri iyi nshuro ikinyamakuru cyacu kirabatohoreza byinshi utaruzi cyangwa se wahishwe ku bivejuru (les extra terrestres cyangwa se aliens) mu ndimi z’amahanga.

Ariko mbere gato reka tubanze tukubwire ku bumenyi rusange bw’isanzure benshi bazi nka Univers mu ndimi za bagashakabuhake.

Isi ni umwe mu mibumbe myinshi izenguruka kandi igaragiye izuba mu cyo abahanga benshi bise Galaxy Solaire cyangwa se uruhurirane rw’inyenyeri rugaragiye izuba. Ugendeye ku bunini bw’iyi Galaxy ndetse n’uburyo isi iba igaragara nk’akadomo gato cyane muri uru ruhurirane, benshi mushobora kwibeshya ko nta kintu kiruta iyi Galaxy.

Ibyo siko biri kuko Galaxy Solaire nayo ari kamwe mu gace gato cyane kagize isanzure ry’ikirere cyose. Urugero: Nkuko izuba rifite imigabane myinshi cyane irigaragiye ndetse ari naho isi iherereye, hari n’indi mibumbe minini twagereranya nk’amazuba yandi nayo afite imibumbe myinshi cyane ayagaragiye. Iyo ibyo twagereranya n’amazuba ndetse n’imibumbe iyigaragiye byifatanyije na Galaxy Solaire, nibyo bibyara ikitwa isanzure.

Kuri ubu dukurikije ubushakashatsi bwakozwe n’abanyamerika biga ku bijyanye n’isanzure bo muri Leta ya Pennsylvania, ngo haba habarwa Galaxy zigera kuri Miliyoni zisaga 100 zose kandi hari n’amahirwe ko zaba zirenga bitewe n’ubushobozi bw’ibyuma bya Muntu.

Isanzure rituwe n’ibinyabuzima birenze kure mu bwenge muntu, Wabyita Extra Terrestre cyangwa se Aliens, njye mu Kinyarwanda reka mbyite ibivejuru, ibiremwa kugeza nubu bitavugwaho rumwe na benshi.

Ubundi ijambo extraterrestre biva ku ijambo ry’ikilatini; extra rishatse kuvuga ikintu tutari tumenyereye. Naho ijambo terrestre byo bikavuga ikintu kiba ku isi.
Bishatse kuvuga ko byombi twavuga ko bivuga ibidasanzwe ku isi ya muntu.Dukurikije ibyo abahanga bavumbuye kubyerekeye uko ubuzima bugenda bubaho buzwi cyane nka evolution

geochimique et biochimique aho bivugwako umuntu yaturutse ku turemangingo na particules duto cyane, hari amahirwe ko hari ahandi hari ubuzima hatari ku isi ya Rurema.

Ibi abahanga benshi cyane batangiye kubivuga ndetse na mbere y’ivuka rya Yezu Kristu. Nk’urugero aho uwitwa Lucrece yanditse mu gitabo cye de natura rerum ko haba habaho ubundi buzima ahandi.

Guhera kera na kare abatuye isi bakomeje gukora ubushakashatsi bw’ibigize isanzure ndetse n’imba koko nta handi haba hagaragara ubuzima hakaba hatuye ibinyabuzima nko ku Isi benshi bakemeza ko yahanzwe na Rurema.

Abashakashatsi bagiye biga umugabane umwe ku wundi bahereye kuwo hejuru wa Venus kugera kuri Pluton ariko nanone bakiri muri Galaxy Solaire dore ko izindi nta bushobizi bwo gushakashakayo muntu yari yageraho.

Umubumbe wakomeje gushyirwa mu majwi ko haba haba ibinyabuzima ni Mars ahanini benshi bitwajeko waba uherereye ahegeranye n’Isi. Ubushakashatsi bwinshi bwarakozwe, bohereza ibyogajuru utabara ku mubumbe wa Mars ariko nubundi birangira nta kanunu k’ikinyabuzima na kimwe cyaba gitamba kuri uwomubumbe.

Mu mwaka wa 2013, Isi yabaye nk’ikangarana ubwo ubushakashatsi bw’ikigo cy’abanyamerika kiga ku by’Isanzure (NASA) bwerekanye ko munsi y’ubutaka bwa Mars hagaragaye ko haba hari amazi nk’ikimenyetso ko higeze gutura ibinyabuzima.
Ibi byasobanuye ko kuri Mars mbere hari hatuwe n’ibinyabuzima nkuko isi kuri ubu imeze, nyuma kubera uko ibihe byagiye bihindagurika, ibinyabuzima byose birapfa birashira.

Ibi kubyumva byakugora ariko ufashe akagero gato ku biba ku isi nawe wabyumva. Nk’urugero mu myaka 50 iri imbere ubushyuhe bw’isi buzaba bwarazamutse cyane mu bihugu bimwe na bimwe ku buryo umuntu udafite ama climatiseur(ibyongera umuyaga) atazabaho.

Nko mu myaka 200 iri imbere, kubera ubushyuhe abashakashatsi bemeje ko hazaba hariho ibinyabuzima mbarwa. Bishatse kuvugako no ku isi hazamera nka Mars,
ikinyabuzima cyose kigatsembwa. Ubushakashatsi buherutse gukorwa natelevisiyo yo muri Amerika bwemeje ko 30% by’abanyamerika bose bemera ko ibivejuru bibaho.

Umunyakanada wabaye minisitiri w’ingabo muri icyo gihugu mu gihe cy’intambara y’isi ya kabiri nawe aherutse kwemeza ko yiboneye ibikorwa by’ibivejuru mu gihe cy’iyo ntambara.

Havuzwe kandi ibivejuru byinshi cyane byagiye bigwa muri Russia, Mexico ndetse n’ahandi henshi cyane ku Isi.

Kuri ubu niba utemera ibivejuru si inzi icyo waba wemera. Benshi bagiye kandi bahuza igaragara ry’ibyogajuru n’impamvu za Politike. Mu mwaka 1954 havuzwe urugendo rwa Prezida wa Amerika Eisenhowe waburiwe irengero mu gihe cy’amasaha 24 ndetse n’abamurindaga batazi iyo aherereye. Benshi bemeje ko yari yagiye guhura n’ibivejuru byifuzaga gukorana na USA ndetse na Prezida akabyemera.

Nubwo ibyari bikubiye muri iyo kontaro kabuhariwe hagati y’abana b’abantu n’ibivejuru bitamenyekanye byose, benshi bemeje ko ibivejuru byemereye Amerika kuyifasha mu ikoranabuhanga nayo igatanga abantu bo gukoreraho ubushakashatsi.

Uwahoze akora muri Ministeri y’ingabo ya Amerika izwi nka Pentagon yemeje ko uyu mu Prezida yaba yarakoranye n’ibivejuru inama 3 z’ibanga. President Dwight D. Eisenhower, bivugwako yakoranye Inama n’ibivejuru inshuro 3. Uwavuga ibyaba bwakwira bugacya.