Nyamara Abanyarwanda barashonje

25 December 2016. | Opinion | 11 Ibitekerezo | Nsanzimana Ernest
  • Nyamara Abanyarwanda barashonje

Mu turere hafi ya twose tw’ u Rwanda, icyo Abanyarwanda bahurizaho ni uko umutekano w’ ibiribwa utifashe neza. Leta y’ u Rwanda isa n’ itemereranya n’ abaturage bavuga ko bafite inzara gusa nayo yemera ko habayeho kugabanyuka kw’ ibiribwa. Nta gushudikanya ko iri gabanyuka ry’ ibiribwa na Leta yemera ariryo ryatumye imyaka ihenda. Uku kugabanyuka kw’ ibiribwa kwatunye no kwishimira iminsi mikuru ya Noheli n’ ubunani bigabanyuka.

Mu gihe byari bimenyerewe ko mu minsi mikuru ya Noheli n’ ubunani Abanyarwanda bishima bagasangira, bagasabana, kuri ubu abenshi baravuga ko iyi minsi mikuru batazayizihiza neza bitewe n’ ukene bafite.

Hambere abanyarwanda bari batunzwe n’ ubuhinzi budateye imbere, aho wasangaga bahinga ibihingwa ngandura rugo birimo ibishimbo, amasaka, imyumbati, ibijumba…. Umusaruro wakomokaga kuri ibi bihingwa ninawo wabafasha kwimira iminsi mikuru y’ impera z’ umwaka. Muri iyi minsi mikuru ahenshi baguraga ibiryo badasanzwe barya nk’ umuceri, imyama n’ ibindi. Abaturage benshi mu baganiriye n’ itangazamakuru muri izi mpera z’ umwaka bavuga uko biteguye iyi minsi mikuru bahuriza kukuba muri iyi minsi mikuru uretse n’ amafunguro yihariye nk’ umuceri n’ inyama ngo n’ ibishyimbo n’ ibijumba nabyo kubibona ni hamana.

Iyi nzara yatewe ni iki?

Mu mezi yashyize mu Rwanda humvikanye abaturage bavuga ko bafite inzara, abumvikanye cyane ni abo mu turere tw’ intara y’ iburasirazuba turimo Nyagatare na Kayonza. Iyi nzara aba baturage batatse yatewe n’ izuba ryabaye ryinshi imyaka yabo ikuma, aha ni naho Leta yahereye ivuga ko nta nzara yabayeho ahubwo ari amapfa.

Uretse ikibazo cy’ izuba ryabaye ryinshi ‘Guhuza ubutaka’, ‘gutinda no kubura kw’ imbuto’, nabyo byabaye intandaro yo kugabanyuka kw’ ibiribwa. Abaturage bari bamenyereye ko umurima umwe hahingwamo imyaka itandukanye. Umuturage yafataga umurima umwe akawuhingamo ibishyimbo, imyumbati n’ ibijumba n’ amateke, ibi byatumaga iyo kimwe muri ibi bihingwa cyarumbaga umuturage aramura ibindi. Aho gahunda yo guhuza ubutaka iziye abaturage basabwa guhinga igihingwa kimwe mu murima, iyo icyo gihingwa kirumbye birumvikana ko ntacyo umuturage aramura.

Gahuza ubutaka hagamijwe guhinga igihingwa kimwe ni gahunda isobanurwa ko byabihingwa bindi umuturage yajyaga ahinga mu murima umwe azagurisha umusaruro yabonye akabigura. Kugeza ubu umusaruro uva mu guhinga igihingwa kimwe uracyari muke ku buryo umuturage bimugora kuba agurisha umusaruro yabonye ngo agure ibyo yari kuba yarahinze muri uwo murima.

Gutinda no kubura kw’ imbuto, mu gihe abaturage bari bamenyereye ko imbuto bazahinga bagomba kuyikura mu musaruro babonye, kuri ubu imbuto abaturage bahinga ni iyo Leta ibaha. Ni kenshi abaturage bavuga ko imbuto yatinze kubageraho. Bitewe n’ uko ibihe byo mu Rwanda imvura n’ izuba bisimburana iyo imvura iguye abahinzi bagatinda kubona imbuto izuba ryongera kuva ya myaka bahinze itarera bigatuma umusaruro bagombaga kuzabona ugabanyuka.

Akarere ka Ruhago niko karere kazwiho kweza imyumbati cyane kuburyo ari nako ahanini kari gatunze igihugu mu bijyanye n’ imyumbati n’ ibiyikomokaho. Muri iki gihe abatuye aka karere nabo barashonje bitewe n’ uko imyumbati bahingaga yafashwe n’ uburwayi bakabura imbuto.

Ibi byatumye imyumbati iba mikeya mu gihugu, Abanyarwanda batangira gutungwa n’ imyumbati iva muri Tanzania arinayo ntandaro yo kuba ikilo kimwe cy’ ubugali buciriritse cyaravuye ku mafaranga 200 uku kikaba kigura 600.

Si ubugali gusa bwahenze ahubwo n’ ibindi myaka yarahenze ahenshi igitebo cy’ ibijumba cyavuye mu 1500 , ubu kiragura 4500, mu gihe ibishimbo mu gihe cy’ itera bitarenzaga amafaranga 600, dufashe urugero nko mu karere ka Rulindo ingemeri y’ ibishyimbo yaguze amafaranga 1000.

Umuntu ashobora kwibwira ko ubwo ibishyimbo bigiye kwera abaturage nibura bagiye kubona ibishyimbo bibatunga, ahenshi siko biri kuko abenshi iyo uganiriye nabo bakubwira ko batazabona ibyo bahunika kuko batangiye kubisoroma bikiri mu mirima.

Ese iyi nzara ivugwa mu Rwanda yaba iri mu nzira zo kurangira cyangwa irimo kwiyongera?

Nta gikozwe iyi nzara abaturage bataka yakomeza ikiyongera aho kugabanyuka. Gusa Leta yafashe ingamba zitanga icyizere igihe zashyirwa mu bikorwa uko bikwiye. Ni ingamba zirimo gushyiraho uburyo buhamye bwo kuhira imyaka y’ abaturage(Umwanzuro wa 7 umushyikirano wa 14), Ikibazo cy’ ibura n’ itinda ry’ imbuto Perezida Kagame yasabye ko ababishinzwe bajya bazikorera mu Rwanda aho kuzitumiza hanze y’ igihugu nk’ uko byari bisanzwe.

Guhuza ubutaka hagamijwe guhinga igihingwa ni gahunda itaratanga umusaruro Abanyarwanda bayitezeho bivuze ko Leta ikwiye gushyiramo izindi mbaraga.

Ibitekerezo
  • MyPassion

    bikaba
    5 January 2017 - Musubize

    Politiki y’ubuhinzi igomba gusubirwamo. Icyemezo cyo kubuza abaturage guhinga ibihingwa ngandurarugo kandi birwanya inzara kigomba kuvaho. Abayobobozi barandura ibihingwa abaturage baba bahinze kandi bibafitiye akamaro bagomba kwamaganwa byaba ngombwa bakanahana. Abaturage nabo ariko bakwiye kwihagararaho ntibareke ngo barandurirwe imyaka ku maherere.

  • MyPassion

    amen
    28 December 2016 - Musubize

    ahaa ntawamenya aho ukuri kuri kko muri Kigali imiturirwa izamurwa buri munsi kdi ihenze cyane mu gihe umuturage wo hasi abwirirwa akaburara kdi agomba no gutanga umusoro. leta ikwiye kubanza kureba abaturage mbere yibyo bita iterambere ryo guhuma isi amaso. ngo u Rwanda ruratera imbere kdi ari inzira ya crise economic ninzara idashira

  • MyPassion


    28 December 2016 - Musubize

    iby’Urwanda rwacu byo birasekeje.Igihugu ngo gifte ubukungu buzamuka burimwaka arko ifaranga ry’icyo gihugu rita agaciro burimwaka.Comvetion irubakwa mumyenda n’imisoro ihanitse ituma umuturage(umucuruzi)wo hasi adatera imbere,nawe mukwirengera akongeza ibiciro?none ko tuzi akazikacu mugihugu uko kangana bazakurahe frw yokugura ibihenze?nako TUYOBOWE NEZA BY’IGITANGAZA NTAKOSA NAMBA KURI LETA? gusa icyombona KAGAME ntako atagize arko abobakorana baramubeshya kubera kumutinya,ibipfuye babishakira ibisobanuro aho kubishakira umuti mukwirinda gutamazwa imbere y’imbaga.yes baramubeshya byabaye system.gusa baribeshya imyaka irashiraa...nubwo umuturage wo hasi ahora abigenderamo arko iyo birangiye agaruka ahoyavuye gusa mwe uzacunge ntawusubira ahoyari,amahirwe amwe aba ayoguhunga bitaba ibyo umunyururu ukakubona,iri niryo herezo ritegereje bamwe

  • MyPassion


    28 December 2016 - Musubize

    iby’Urwanda rwacu byo birasekeje.Igihugu ngo gifte ubukungu buzamuka burimwaka arko ifaranga ry’icyo gihugu rita agaciro burimwaka.Comvetion irubakwa mumyenda n’imisoro ihanitse ituma umuturage(umucuruzi)wo hasi adatera imbere,nawe mukwirengera akongeza ibiciro?none ko tuzi akazikacu mugihugu uko kangana bazakurahe frw yokugura ibihenze?nako TUYOBOWE NEZA BY’IGITANGAZA NTAKOSA NAMBA KURI LETA? gusa icyombona KAGAME ntako atagize arko abobakorana baramubeshya kubera kumutinya,ibipfuye babishakira ibisobanuro aho kubishakira umuti mukwirinda gutamazwa imbere y’imbaga.yes baramubeshya byabaye system.gusa baribeshya imyaka irashiraa...nubwo umuturage wo hasi ahora abigenderamo arko iyo birangiye agaruka ahoyavuye gusa mwe uzacunge ntawusubira ahoyari,amahirwe amwe aba ayoguhunga bitaba ibyo umunyururu ukakubona,iri niryo herezo ritegereje bamwe

  • MyPassion

    Umusomyi Sarah
    27 December 2016 - Musubize

    Ndabona kugirango iyi nzara bise Nzaramba, warwaye ryari, menyuwawe.... kugirango izashire ari uko bareka abaturage bagahinga ibijumba n’ibishyimbo mu mibande wenda umuceli ukazaba uhingwa nyuma kuko ntacyo ukora kuri iyi nzara. Leta nayo ikwiye gushaka uburyo bwihuse bwo kugaburira abaturage kuko mu minsi iri imbere baraba batangiye gupfa, kandi ibi ntabwo abayobozi babibona kuko baba bibereye mu mijyi, noneho abayobozi b’ibanze nabo bagatinya gutanga raporo.

  • MyPassion

    umusomyi
    27 December 2016 - Musubize

    Muransetsa iyo muvuga ngo Abanyarwanda barakennye n’ imiturirwaizamuka buri munsi muri Kigali. Mu Rda ibintu birahari ahubwo n’ uko byiharirwa na hamwe abandi bicira isazi mu jisho

  • MyPassion

    Mukwiye Frodourd
    26 December 2016 - Musubize

    Ikibazo tureke kukiyirira politiki mbi y’ubuhinzi kireberwe mu ibihe bitabaye byiza. Izuba ryaviriye ikitari igihe riba ryinshi turahinga imyaka iruma. Nsubiye inyuma gato, twese turibuka ko mu mwaka wa 2014 ibigori twejeje byinshi bigera aho ikilo kimwe kigura mu nsi ya 100FRW, icyo gihe gahunda yo guhuza ubutaka yari yaratangiye. Core jye aho mbona ikibazo kiri:
    1. Imbuto kudatangirwa igihe;
    2. Gahunda yo kuhira irahenze mu kuyishyira mu bikorwa kurusha ibikoresho; 3. Umuhinzi kutagira uruhare mu gushyiraho ibiciro by’ibyo yejeje;
    4 Ibikorwa remezo bidahagije.
    * Nta mibare mfite yemeza ibyo mvuga, gusa ngenekereje imvura igwa mu burasirazuba muri iyo imyaka 2 ishize yabaye nke, kudatangira imbuto (inyongeramusaruro) igihe bituma abahinzi batera imbuto batinze imvura yaba nke abatinze gutera ntibeze. Aho hakwiriye gusuzumwa byaba ngombwa hagakosorwa.
    * Kuhira byakabaye ibisubizo ariko bihenze mu buryo bubiri: a) ibikoresho birahenze nkunganire ntituma bidahenda. Nifasheho urugero inyigo RAB yankoreye nasabwaga kwishyura 1660000FRW.
    * Abahinzi kutagira uruhare mu ishyirwaho by’ibiciro by’ibyo bejeje hari igihe ku gihingwa runaka kera umuhinzi akagurisha ahendwa agacika intege ibihingwa bimwe bakareka kubihinga cg bagahinga ibyo kubatunga gusa.
    * Kutagira imihanda ikoze, bica intege abacuruzi bakanga kugera ahantu runaka bejeje, utinyutse kuhajya yitwaza ububi bw’umuhanda agahenda abahinzi noneho no kutagira umuriro w’amashanyarazi bikazitira abakabaye bubaka inganda zitunganya wa musaruro utashoboye kugera ku isoko. Uzi ngingo 4 ngaragaje zizweho byavugurura nyinshi mu buhinzi umusaruro ukiyongera, nkaba ntemeranya n"abavuga ko guhinga igihingwa kimwe no guhuza ubutaka biri mu byateye amapfa

  • MyPassion

    Inama Conseil
    25 December 2016 - Musubize

    Muraho basomyi?

    Ubundi kera bavugaga ko "Ushaka gukira indwara ayirata" none uwo mugani ntukibaho. Ubu imfura ishinjagira ishira, intore ntiganya, imfurara ipfira mu mfuruka .... nizo ndangagaciro twigishwa. Sinzanze ariko zihishe uburyarya no kwihagararaho kudafite ishingiro.

    Niba iburasirazuba nta bishyimbo, urutoki rwarumye, batagihinga amasaka kandi barayahinganga saison zombi (Icyi n’urugaryi ariyo twitaga amashegeri), amajyaruguru n’uburengerazuba bw’amajyarugury bakaba nta birayi bakigira, ... mwibwira ko iyo nzara izashira? Ubutaka buhingwa butakigenerwa kurazwa ngo bwisubize nabwo bwabaye ikibazo kuko bwaragundutse ....

    Leta nifate umwanya ifatire ingamba zifatika ibibazo bitatu:
    - Ubuhinzi ni buvugururwe bemerere abaturage bongere bahinge ibihingwa ngobokamuryango.
    - Bimaze kugaragara ko uburezi kuva kubwa Mudidi kugeza ubu kubwa Musafiri babwangije. Bakore restore bagaruke mbere ya Mudidi niba bashaka koko ko turera.
    - Ubuvuzi rwose burimo gusubira inyuma bigaragara. Ubonye ngo Hongere kuvugwa Malaliya mu rwanda? Ibi bifitanye isano n’abaganga badahabwa ubumenyi buhagije kuko uburezi bwacu bwangiritse.

    Murakoze.

  • MyPassion

    Gashumba
    25 December 2016 - Musubize

    Ibi byerekana ko usomera atamenya urumanga.Inzara yarinze kwitwa amazina leta ikiyihakana none iyogoje igihugu...ngiryo iterambere amahanga abeshywa...riri Kigali gusa igihugu gihungabana.Watera imbere ute...ubukungu bwazamuka gute igihugu gishonje?Iri tekinika rya leta itwica rirakabije

  • MyPassion

    fkaa
    25 December 2016 - Musubize

    reta iyabaga yabonagako iki aricyo kibazo gikomeye ntikomeze kwihagararaho ahubwo igashaka umuti ariko abayozi bacu nugutekinika ubu kujyeza igihe muzehe wacu azabigiramo tu

  • MyPassion

    SEBAHINZI
    25 December 2016 - Musubize

    BIGOMBA GUHENDA.(LOI DE L’OFFRE ET DE DEMANDE).IBIRIBWA NIBIKE ABABISHAKA NIBENSHI.ABIYITA ABAHINZI SABUMWUGA, UMUHINZI WUMWUKA AKORA BURI MUNSI,NAHO ABANDI BAHINGA AKURIKIJE SAISON,CYANGWA UKUMURIMA WE UNGANA,YA WUHINGA NICYUMWERU KIMWE MU MWAKA UBUNDI AKIBERA MURUGO.ABENSHI NABATAGIRA NAHO HOGUHINGA.INZARA IRASANZWE NUKO BITAVUGWA.HAZABE INYIGO YU BUSHAKASHATSI BURI WESE YO KWIYITA UMUHINZI KUKO ATUYE MUCYARO.

Tanga Igitekerezo