Kigali

NYANZA:Abayobozi ba hoteli batawe muri yombi kubera urupfu rw’abanyeshuri

Opinion   Yanditswe na: Martin Munezero 25 July 2017 Yasuwe: 1043

Ku mugoroba wo kuri uyu wa Mbere tariki ya 24 Nyakanga 2017 nibwo hamenyakanye amakuru y’uko abana babiri b’abanyeshuri biga mu mwaka wa gatatu mu ishuri ryisumbuye rya Tekiniki rya St Peter Gihozo bitabye Imana barohamye muri piscine ya Hotel Dayenu Nyanza.

Abo banyeshuri babiri umwe ufite imyaka 14 witwa Bryan Rwabukayire n’undi witwa Yves Ngirinshuti w’imyaka 15 y’amavuko bari basanzwe biga kuri Ecole Technique Saint Peter’s Secondary School “Igihozo”, rihereye mu mugi wa Nyanza, amakuru akaba avuga ko bari bagiye koga muri Piscine ya Hotel Dayenu baza guhura n’impanuka bitaba Imana.

Umuvugizi wa Polisi mu Ntara y’Amajyepfo, IP Emmanuel Kayigi, yatangarije IGIHE ko abagabo babiri barimo nyiri Hotel Dayenu ndetse n’umucungamutungo (Manager)
batawe muri yombi bakurikiranyweho uburangare bwateye urupfu, akomeza avuga ko hagishakishwa umukozi ushinzwe gufasha abantu koga kuko yaburiwe irengero.

IP Kayigi ati “Byabaye uyu munsi ku isaha ya saa cyenda n’igice zishyira saa kumi, abo bana babiri b’abanyeshuri bizanye koga bisanzwe, ngo bari basanzwe bamenyereye aho hantu. Twafashe nyiri hoteli na ’Manager’, baravuga ko ushinzwe gufasha abantu koga yari arangaye ari mu bindi, ariko bakavuga ngo yahise atoroka ariko ari gushakishwa.

IP Kayigi yasobanuye ko impamvu nyiri Hotel na Manager batawe muri yombi ari uko bigaragara ko habayeho uburangare kugeza igihe abana barohamye bagapfa, avuga ko ari imicungire mibi y’ibyo bashinzwe.

Aganira na Igihe,Yagize ati “Impamvu hagomba gufatwa nyiri Hoteli n’uwo ’Manager’ ni uko habayeho imicungire itameze neza, niba uwo muntu ufasha abantu koga anahari bamukoresha indi mirimo, abo bana bagiye koga bose bakagwamo, buriya ni nka kwa kundi bavuga ngo ‘imbwa zifashe umuntu noneho undi yajya kumutabara akamunanira’ bose bagaheramo”.

Yakomeje avuga ko abo bana bari bararangije ibizamini bari mu karuhuko gato bakaba bagiye koga n’ubuyobozi bw’ikigo bigamo butabizi, ariko hakaba habaye ikosa kuba hoteli yabemereye koga ntiyabakurikirana bibaviramo urupfu.

Kugeza ubu imirambo y’abo bana yajyanwe ku bitaro by’akarere ka Nyanza gukorerwa isuzuma no kugira ngo muganga yemeze icyaba cyabishe, ndetse n’imiryango yabo yamaze kubimenyeshwa.

Abatawe muri yombi bafungiye kuri sitasiyo ya Polisi ya Busasamana mu karere ka Nyanza.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Oprah ari i Kigali mu muhango wo gushyingura Katauti

Irene Pancras Uwoya wamenyakanye nka Oprah muri filime yahuriyemo na...
15 November 2017 Yasuwe: 6049 0

Byinshi ku ndwara yo gushaka imibonano mpuzabitsina mu buryo bukabije...

Ibitera indwara ya Nymphomanie Ese gushaka gukora imibonano mpuzabitsina...
15 November 2017 Yasuwe: 1566 0

Menya imiterere yawe n’imitekerereze bikuranga bitewe n’uburyo uryamamo-REBA...

Buri muntu usanga hari imyitwarire imuranga adaha agaciro yewe...
10 November 2017 Yasuwe: 4560 0

Urutonde rw’ibihugu 10 bifite igisirikare kirimo abakobwa beza b’ikimero...

Muri iki gihe usanga ibihugu byinshi bitandukanye byo ku Isi...
8 November 2017 Yasuwe: 8845 1

Nyuma yo kumenya ko abura igihe gito ngo apfe,umwana w’imyaka 9 yatangiye...

Umwana w’imyaka 9 y’amavuko Jacob Thompson nyuma yo kubwirwa n’abaganga ko...
4 November 2017 Yasuwe: 4115 6

Top 10 : Ibihugu bikennye cyane kurusha ibindi muri Afurika,u Burundi ku...

Afurika ni umwe mu migabane minini ku isi, Ugizwe n’ibihugu 54 ariko...
4 November 2017 Yasuwe: 3798 0