Kigali

Oprah ari i Kigali mu muhango wo gushyingura Katauti

Opinion   Yanditswe na: Iyamuremye Janvier 15 November 2017 Yasuwe: 6288

Irene Pancras Uwoya wamenyakanye nka Oprah muri filime yahuriyemo na Kanumba yageze mu Rwanda mu mujyi wa Kigali mu masaha ya mugitondo kuri uyu wa 15 Ugushyingo 2017 aje kwifatanya n’umuryango wa Ndikumana wahoze ari umugabo we ariko bakaza gutandukana.

Inkuru y’incamugongo y’uko Ndikumana Hamad Katauti wari umutoza wungirije wa Rayon Sports yitabye Imana yamenyekanye mu gitondo cyo kuri uyu wa Gatatu tariki ya 14 Ugushyingo 2017.

Umwe mu muryango wa Ndikumana Katauti yabwiye IGIHE ducyesha iyi nkuru ko Irene Uwoya yageze i Kigali aherekejwe na bake mu nshuti ze bari banasanzwe bagenderera urugo rwabo akiri umugore wa Katauti.

Kugeza ubu, Oprah nta kintu arandika ku mbuga nkoranyambaga zose akoresha cyangwa se ngo avugane n’itangazamakuru ry’iwabo muri Tanzania.

Biteganyijwe ko Ndikumana Katauti ashyingurwa ku isaha ya saa cyenda n’igice[15h30] mu irimbi ry’i Nyamirambo ahitwa mu Gatare.

Oprah yageze i Kigali

Ndikumana Hamad Katauti wamamaye muri ruhago mu Rwanda yari aherutse kubwira Radio Rwanda ko afite urwibutso rukomeye ku mugore we Oprah wamaze gutandukana nawe , ngo mu gitondo yibuka ko yajyaga ahabwa icyayi n’umugore we akiri mu buriri.

Muri Gashyantare 2017 nibwo Katauti yemeje ko yatandukanye burundu n’umugore we Irene Uwoya[Oprah], inkuru y’isenyuka ry’uru rugo yaherukaga kumvikana muri Nyakanga 2016.

Kuwa gatandatu tariki ya 29 Nyakanga 2017, katauti yahamije ko hari ibitibagira yasigaranye nyuma yo gutandukana n’umugore we. Katauti yagize ati “Ibyo ntazapfa nibagiwe ni nk’ukuntu yamfataga buri gitondo; yanzaniraga icyayi nyiryamye hanyuma akambyutsa, mbese icyayi nagifatiraga mu buriri [Mu gitanda].Ni kimwe mu bintu ntazapfa nibagiwe uwari umugore wanjye yakundaga kunkorera.”

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Utu ni utuntu 12 dutangaje utari uzi kandi nyamara dufite icyo tumaze ku...

Nyamara hari ibindi bintu binyuranye ushobora gusanga utari uzi kandi...
23 December 2018 Yasuwe: 4186 0

Uyu mubyeyi aratabariza umwana we Nsabimana ufite imyenge 2 ku...

Umubyeyi witwa Nzamukosha Assoumpa utuye mu kagari ka Kinyinya Umurenge wa...
16 December 2018 Yasuwe: 2450 0

Ibi nibyo umuhanga w’umunyarwanda muri Science avuga kuri MUKOROGO birimo no...

Mu Rwanda no mu bihugu bitandukanye by’abirabura hakomeje kuvugwa amavuta...
27 November 2018 Yasuwe: 5805 0

Malariya yariyongereye, abakene ntibari guhabwa inzitiramubu gusa, bari...

Ifoto y’uko baryama mu nzitirmubu / Imvahonshya OMS yatangaje ko u Rwanda...
26 November 2018 Yasuwe: 976 1

Inama ku bakobwa bashaka kwibagisha igitsina kikagira imimerere n’imiterere...

Mu bice bitandukanye by’Isi cyane mu Burayi na Amerika, hari abakobwa...
21 November 2018 Yasuwe: 2660 0

Umwarimu yapfukamishije umunyeshuri kugera ubwo acika ibisebe amuziza...

Mu gihugu cya Ghana haravugwa inkuru y’umunyeshuri wapfukamishijwe...
3 November 2018 Yasuwe: 2668 0