skol
Kigali
startimes

Reba uburyo busanzwe ushobora kumenya igitsina cy’umwana utwite mbere yo kubibwirwa n’abaganga

Opinion   Yanditswe na: Martin Munezero 7 February 2021 Yasuwe: 7319

Kumenya igitsina cy’umwana utegereje kwibaruka ni ingenzi cyane mu rwego rwo gutegura ibyo azakenera byose yaba ari mu mibereho ndetse n’ibyo azambara.


Kwa muganga hari uburyo bukoreshwa bwa ultrasound ukaba wamenya igitsina cy’umwana uzabyara, hagati y’ibyumweru 16 na 20 kwa muganga bashobora gukoresha ibyuma byabugenewe bakamenya neza igitsina uzabyara, iyo bitagaragara neza bisaba kongera nyuma y’ibyumweru bicye.

Uburyo busanzwe ushobora kumenya igitsina uzabyara mbere y’uko muganga abikubwira

Ntitwavuga ko ubu buryo bwizewe ijana ku ijana. Gusa ku bantu bitegura umwana, amatsiko aba ari menshi bashaka kumenya igitsina bazabyara.

Uburyo tugiye kubagezaho ni ukugerageza gusa, bishobora kuba byo cg ntibibe byo, uburyo bwizewe bupimirwa kwa muganga gusa.

Kwanga ibiryo

Niba ujya wibaza impamvu abagore bamwe bifuza ibiryo runaka abandi bagahurwa byose, bifitanye isano n’igitsina baba batwite. Ubushakashatsi bwakozwe bwerekana ko abagore bakunze kwanga ibiryo cyane cg se nyuma yo kurya bakagira iseseme cyane, bakunze kubyara abahungu.

Impamvu ni uko umubiri w’umugore uba ufite akazi kenshi ko kurinda ingobyi y’umwana w’umuhungu kurusha umukobwa, kuko iy’umuhungu yangirika byoroshye kurusha umukobwa.

Imihindagurikire y’amabere

Amabere ari mu bice bya mbere bihinduka cyane mu gihe umugore atwite. Niba amabere yawe aba manini kandi agakomera kurusha ibisanzwe, akenshi uba utwite umukobwa, naho mu gihe amabere yawe atahindutse cyane, ushobora kuba utwite umuhungu.

Uko ugenda uhindura mood

Ubushakashatsi bwakozwe bwerekana ko abagore bakunze kurwaragurika no kwanga ibintu byinshi mu bihembwe 2 bya mbere byo gutwita bakunze kubyara abahungu ugereranyije n’abagore badakunze kugira ibi bibazo mu gihe batwite.

Ubwoko bw’ibiryo ukunda

Ubwoko bw’ibiryo umugore utwite yibandaho cyane bishobora kukwereka igitsina atwite. Niba umugore yikundiye ibiryohera n’ibirimo isukari cyane, akenshi aba atwite umukobwa. Niba umugore akunda ibiryo birimo urusenda biba byerekana ko umuhungu ari hafi kuza.

Uko umeze mu maso

Niba ufite ibiheri mu maso, ukaba ugenda wirabura kurusha ibisanzwe cg uri gucikagurika imisatsi, bishobora kwerekana ko uri hafi kwibaruka umwana w’umukobwa, ibi ahanini bivugwa ko umwana w’umukobwa aba ari gufata ku bwiza bwawe. Niba umeze neza, ukaba ufite imisatsi yawe myiza nk’ibisanzwe, ushobora kuba ugiye kwibaruka umuhungu.

Uburyo umwana ateragura imigeri mu nda

Ibi akenshi ntibirebana n’inshuro umwana ateragura imigeri, ahubwo aho ayitera. Bivugwa ko iyo umwana atera imigeri hejuru gato nko mu mbavu, aba ari umukobwa. Niba uyumvira hasi mu nda, byerekana ko ari umuhungu.

Umuvuduko w’amaraso

Ubushakashatsi buheruka gukorwa n’abahanga bo muri Canada, bwerekanye ko umuvuduko w’amaraso nko guhera ku byumweru 26 ushobora kukwereka niba uzabyara umuhungu cg umukobwa.

Iyo umuvuduko w’amaraso uri hejuru biba byerekana ko uzabyara umuhungu naho mu gihe uri hasi byakwereka ko uzabyara umukobwa.

Mu gusoza, tubibutse ko iri atari ihame ko ibi tuvuze bizakwereka neza 100% igitsina uzabyara. Buri mugore utwite ashobora kugira ibimenyetso bitandukanye n’iby’undi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Wari uzi ko ingano y’amacandwe umuntu afite asobanura byinshi ku mibereho...

Urubuga healthline ruvuga ko burya ingano y’amacandwe umuntu afite bifite...
23 February 2021 Yasuwe: 7130 0

Umuhungu yatereye Ivi umukobwa bamaze imyaka 3 bakundana umukobwa...

Uganda mugace kitwa Mbale umuhungu azwe n’isoni k’umunsi wahariwe abakundana...
15 February 2021 Yasuwe: 6214 0

Ibyiza byo kunywa amazi y’akazuyazi n’akamaro kayo mu mubiri wawe

Abantu benshi bavuga ko kunywa amazi ari ikintu cyiza kuko afite akamaro...
11 February 2021 Yasuwe: 6510 0

Reba amakosa 7 ashobora guteza ibibazo abagabo bakora imibonano bakoresha...

Abahanga basobanura ko gukoresha agakingirizo ari ingenzi mu gihe umuntu...
10 February 2021 Yasuwe: 5614 0

Kugira mu nda zero, amabere mato, ikibuno kinini, ibiba ku mitima y’abakobwa...

Kugira amabere mato, mu nda zeru, ikibuno kinini ni ibintu biba ku mitima...
8 February 2021 Yasuwe: 5572 0

Reba uburyo busanzwe ushobora kumenya igitsina cy’umwana utwite mbere yo...

Kumenya igitsina cy’umwana utegereje kwibaruka ni ingenzi cyane mu rwego rwo...
7 February 2021 Yasuwe: 7319 0