Kigali

Ubuhamya: Nyamuneka bakobwa muritonde!irebere ubuhamya bw’ibyo uyu mukobwa w’umunyarwandakazi yahuye nabyo

Opinion   Yanditswe na: 15 July 2018 Yasuwe: 23778

Nifuzaga kubagezaho ubuhamya bwanjye kuko nzi ko wenda bwagira abo bufasha.

Nitwa Bella mfite imyaka 27, nakundanye n’umusore dukundana cyane ndetse mu mezi ya mbere numvaga ndi igitangaza (la fille la plus heureuse du monde).

Uwo musore twasaga n’aho tungana,twembi twari abakozi twararangije kaminuza.Nyuma y’amezi 10 yaje kuntera inda noneho ansaba kuyikuramo kubera ko tutumvaga twiteguye guhita dukora ubukwe.

Mu buzima sinigeze numva nshobora kuba nakuramo inda, ndetse sinumvaga n’ukuntu abandi bakobwa bajya bakuramo inda kuko numvaga ari amahano.

Tumaze guta umutwe twembi yanyumvishije ukuntu ngomba kuyikuramo, atangira kunyumvisha ko atari ukwica umwana kuko yari imaze nk’ukwezi kumwe gusa ubundi anyumvisha ko mu myaka 2 twaba twariteguye tukabasha gukora ubukwe(Iryo niryo sezerano yampaga)

Naramukundaga bidasubirwaho kuburyo numvaga nta wundi umeze nkawe, nkumva nta kintu namuhakanira.N’ubwo nitwaga umu kristu narabyemeye kandi nzi neza ko ngiye kwiyicira umwana kandi nahoraga numva nta kintu nakwishimira nko kubyara umwana.

Nyuma y’iminsi mike nawe yatangiye kwicuza impamvu twabikoze ndetse bikamutera agahinda kenshi akanarira, atangira kumbaza impamvu nabyemeye ndetse ambwira ko nikunda ntashatse kwitangira ikibondo cyacu.

Ariko mbere hose tugitangira gukunda hari agatotsi kajyaga kaza mu rukundo rwacu gatewe n’ibyo umuntu aba yaranyuzemo mbere, kuri we ngo yumvaga bimugoye kubana nabyo.

Rero naje gutungurwa nyuma y’amezi abiri gusa maze gukuramo inda, ambwira ko ibyanjye nawe bigomba kurangira kuko adashobora kubyakira kuko ngo byahora ari nk’inzitizi y’urukundo rwacu ariko akambwira ko ankunda cyane.

Ntabwo nabashije kubyakira kuko iryo joro ryose naraye ndira mbyuka amaso yabyimbye kuburyo buri wese yahitaga abibona.

Nyuma nakomeje kumwoherereza za sms mwibutsa rya sezerano yampaye, mwereka ukuntu agahinda kagiye kuzanyica nibwo nyuma y’iminsi nk’itatu twahuye twongera gusubirana, ariko nabonye ko ibyo yabikoze kubera ko yabonaga mbabaye cyane.

Twarakomeje rwose nk’ibisanzwe ariko urukundo rugenda rwongera gukonja, nanone nyuma y’amezi 4 twarasubiranye yongera kumbwira ko bishize.

Icyo gihe nabwo ntibyari binyoroheye ariko sinongeye kuvuga kuri rya sezerano.Kubera ukuntu twakomeje tubanye njye naboga bisa nk’aho bitashize kandi kuri we byari byararangiye ndetse yabibwiraga na bagenzi be.

Muranyihanganira ni birebire gusa nashakaga kubwira abakobwa bagenzi banjye ko mbere yo gukora ikintu ujye ubanza witekerezeho, urebe n’ingaruka byakuzanira kuko we umunsi azashaka kukureka ntabwo azibuka ibyakubayeho ngo yumve ko ari abifitemo uruhare.

Gusa hagati aho uwo turacyari inshuti cyane ariko byarananiye kumureka urukundo mukunda sinzi ko hari undi naruha n’ubwo we mbona uko tubanye ari nko kugirango gusa atambabaza.

Ubu nibaza ninkundana n’undi musore ukuntu nzamubwira ko nigeze gukuramo inda, ikiri ukuri cyo ni uko yahita anyanga kandi birumvikana.Kutabimubwira nabyo numva kwaba ari ukwikoraho kuko abimenye nyuma nibyo byaba ikibazo kurushaho.

Ndongera kwisabira abakobwa bagenzi banjye, niba wakoze icyaha cy’ubusambanyi ugatwita ntuzagerekeho n’icyo kubuza ubuzima akaremwa k’Imana kuko ni ikintu uzabana nacyo ubuzima bwose.Njye bimbamo mpora ndira ijoro n’amanywa nibuka umwana wanjye ntashobora kugarura.

Muzirinde icyabatera kwicuza ubuzima bwanyu bwose.Njye Imana yonyine niyo ishobora kumpindurira ubuzima ikambabarira nkongera nkiyakira.Murakoze.

Nawe niba ufite ubuhamya ushaka kugeza ku basomyi ba umuryango.rw, twandikire kuri e-mail:umuryangomwiza@gmail.com

Ibitecyerezo

  • Log in

    Amategeko n'amabwiriza birkurikizwa


  • chat_bubble Nteziyaremye THEOGENE

    Senga Imana ijya ibabarira abayisabye imbabazi ikibi nukongera gukora icyaha ukundi

    3 months ago
  • chat_bubble

    yooo!!!ihangane disi ndumva warakubititsd peee.nuwomusore mawe n’iyihangane ntagusige mufatanye mugahinda. arik imana ntiyababarira.thx

    26 April
  • chat_bubble Diane

    sha nanjye byambayeho nkibyo neza Umusore iyo abonye umukunda cyane akwigirizaho nkana gusa uzajye kwicuza kuko imana ntacyaha itababarira gusa bihita bitwigisha

    25 April
  • chat_bubble Emmanuel

    Nina warabikoze utarakira Yesu wari mu bujiji.ubu usabwa kwihana ukakira Yesu ukababarirwa.utangire urugendo rushya.uzampamagare kuri 0788592666 nkugire inama yicyo wakora.Banza wikiranure n’Imana naho uwo musore nubwo mwabana ugifite kwishinja icyo cyaha ntacyo byagufasha.

    25 April
  • chat_bubble uwase delphine

    ikindi usabye Imana imbabazi ikibabaje nuko nubwo busambanyi atabuvamo, ngo yihane avuge ati nababaje Imana yajye none mbababarira noneho nicyo cyaha yakoze cyo gusambana ntagisubiremo ukundi. Sinibazako Imana yakwanga kumubabarira rwose.

    June 2017
  • chat_bubble akariza

    ndashakako mungira inama ndumukobwa wimyaka 25 nakunze umusore kuva tukiri abana nkagirango nibyabato bizashira ariko aho gushira bikiyongera nyuma yigihe kitari gito twaje guhura anyaka numero ndayimuha ariko amvugisha rimwe ntiyongera ariko kuko narimfite indi nshuti ntago nabigize ikibazo kuba atamvugisha kuko natinyaga ko byatuma ntandukana nuwo twakundanaga. uwo musore nakunze kuva mubuto umuryangowe wari wifashije bigatuma numva mutinye nubwo namukundaga cyane nyuma naje gutana nuwo twakundanaga ariwe biturutseho(uwo twakundanaga) maze nza kongera guhura numwewantwaye umutima nkiri muto maze numva ndushisheho kumukunda natangiye mwandikira msg akansubiza biza kuvamo urukundo

    nyuma yiminsi mike dukundanye yansabyeko twaryamana mubwirako bitashoboka doreko mbere we yari yarigeze kugira kwiruka mubakobwa cyane atiko yarambwiyeko ntanyungu yabikuyemo bituma yiyemeza kubireka burundu.

    mubwiyeko tutakorana imibonano yambwiyeko bizamubangamira ariko akabyihanganira kuko ngo yifuzaga ko twazabana none yatangiye kugendaagabanya kumpamagara akabwirako arumwanya abura nkamubwirako bimbangamira mbona ntacyo abihinduraho.

    namusabye ko twahagarika ibyurukundo rwacu ngirango ndebeko yanyizeza ko ahindutse nyamara we ambwirako ntacyo yakora gusa nyuma yiminsi2yarampamagaye mbona yisubiyeho none ubu ntagio muhanagara ngo anyitabe niyo tuvuganye musabako yansura ntaze kandi ndamukunda numutima wange wose none mungire inama mureke burundu ngerageze kumwiyibagiza cg azashyira angarukire mungire inama.

    June 2017
  • chat_bubble BAGOSORA Bertin

    Umva nkubwire wikeiyumvishako nta wundi wabona ahubwo icyo usabwa uzagerageze nubona undi uzamubwire ukuri kose! Humura nyuma yibyo uzakundwa kandi unakunde.

    June 2017
  • chat_bubble fabien.

    Urababariwe, ariko uzakira igikomere ari uko ugiye muruhango kwa yezu nyirimpuhwe.

    June 2017
  • chat_bubble alice

    Uzabanze wihane

    June 2017
  • chat_bubble ALICE

    ihangane nshuti. Nanjye byambayeho nanubu ndicuz icyanteye kubikora kuko numva n’Imana itambabarira kuko nakoze icyaha cyo kwica nabigambiriye. nkaba mfite nubwoba ko ntazabona undi mwana.

    June 2017
  • chat_bubble Fils

    Ntakundi wikwicuza tekereza ahubutaha gs wihane Imana lkubabarire

    June 2017
  • chat_bubble KWIZERA Lambert

    ariko mwarasaze

    June 2017
  • chat_bubble Munyetwari

    Yewemu zajyamwicuza iminsiyose gusanuwomusorenumu gome nibayaragushutsengu yikuremo next akakwihinduka nigute ucyumvako akiruwigikundiro iruhanderwawe tekerezaka (2) mbereyuko uba ikigoryika(2)

    June 2017
  • chat_bubble jeanpierre

    senga imn imn igufasha ibundi witurize
    í ½íµœí ½í´Â

    June 2017
  • chat_bubble james

    Imana yakubabariye ugisangiza ubu ubutumwa abakobwa bagenzi bawe ndetse nabahungu gusa harabura kwihana ko utazabisubira kugirango uwo muvumo ukuveho ukakira yesu numukiza muri wowe, ikindi mubuzima bwawe ntuzigere ushingira kumuntu uwo ariwe wese uzashingire kuri wowe ubwawe I mean mindset yawe ibyo bizagufasha kudatekererezwa

    June 2017
  • 1 | 2

Inzindi nkuru

Ibi nibyo bintu bitangaje biza ku isonga mu bitera abantu ubwoba muri iyi...

Ubwoba bushobora gutuma umuntu agana mu icuraburindi bitewe no kwihutira...
22 October 2018 Yasuwe: 1978 0

Nawe ihere ijisho ibintu 10 byerekana itandukaniro riri hagati y’abakene...

Ibitekerezo by’abahanga byemeza ko abantu bagira imitekerereze itandukanye....
22 October 2018 Yasuwe: 2628 1

Ibi nibyo ibintu 10 buri wese akwiye kumenya byamufasha mu gihe ahuye...

Mu buzima tunjya duhura n’ibibazo bitandukanye, rimwe na rimwe ingaruka...
21 October 2018 Yasuwe: 2857 0

Ibi bintu 10 ugiye ubikora wahora usobanutse ku buryo buri wese yazanjya...

Ibi bishobora kuvuga ko byagusaba gusubira ishuri, kuzuza akabati kawe...
21 October 2018 Yasuwe: 4664 0

Reba ubuzima bubabaje umunyarwanda waciwe urutoki n’amaguru yombi abayemo...

Avuga ko se ari Umunyarwanda naho nyina akaba akomoka muri Senegal *Yari...
15 October 2018 Yasuwe: 6880 2

Mu mafoto ihere ijisho uduce two mu mujyi wa Kigali tuberamo amahano...

Umujyi wa Kigali muri rusange urangwamo ituze, abageze mu mahanga cyane...
15 October 2018 Yasuwe: 6199 0