Kigali

Uko warera umwana wawe akazakurana umutima w’ impuhwe

Opinion   Yanditswe na: Nsanzimana Ernest 27 October 2018 Yasuwe: 1892

Kugira umutima ufasha abari mu kaga , umutima w’ impuhwe n’ ibambe ni byiza kuri nyirawo kuko bituma yumva abohotse muri we ariko ninabyiza kuri bagenzi be kuko babyungukiramo cyane abababaye kurusha abandi. Hari uburyo bune warera umwana wawe akazakurana umutima nk’ uyu cyane ko ubushakashatsi bwerekanye ko kwiga kugira impuhwe ukuze bigorana iyo utabitojwe ukiri muto.

1. Kumubera ikitegererezo

Umwana wawe nakubona usangira ibyo ufite n’ abaturanyi, ugasura abarwayi kwa muganga babuze ubagemurira, ugahagara mu nzira ugasuhuza abakene, ukamwisanzuraho mugakina bizatuma akurana umutima wa kimuntu, umutima wo gufasha.

2. Kutamuhisha ko mu isi hari abababaye

Niba byagushobokera umwana wawe uge umutembereza mu bigo by’ amashuri ahiga abana b’ abakene cyangwa ahandi yabona abantu batabayeho neza ariko batarabyiteye. Nugerayo mwifotozanye, yandike ibyo yabonye n’ uko yiyumvaga igihe yari nkumwe nabo. Izo nyandiko n’ amafoto ubibike uge ubimwereka nyuma y’ igihe runaka bizatuma akurana umutima w’ impuhwe.

3.Kumwereka ko gufasha ari byiza

Umwana wawe nakora igikorwa cy’ ubumuntu, urugero umwana bari kumwe asitaye ‘ukumva’ umwana wawe aravuze ngo pole! Uzamushimire, nabona mu rumunawe hari ikintu ashaka gufata ariko bikaba byamunaniye kuko atagishyikira ukabona aribwirije arakimuhereje uzamushyimire. Ibi bizatuma abona ko kugira impuhwe ari byiza kuko umuntu wese aho ava akagera akunda gushimwa no kugaragara neza mu bandi.

4. Kubimutoza akiri muto

Muri kamere, muntu avukana umutima wo kwikunda no kwirebaho we ubwe gusa, ariko iyo umwana wawe ugiye umwereka ko kurya wenyine atari byiza, ko kwambara wenyine abandi bambaye ubusa atari byiza, kumujyana aharabera igikorwarusange cyo gufasha abatishoboye nko kubasanira inzu, gukusanya ibiribwa n’ imyambaro bigenewe abatishoboye byose bizatuma uzamubona yarakuze avuga ati “uyu muntu yararezwe!


Uyu ni gitifu w’ umurenge wa Rurembo, mu karere ka Rubavu: Ndandu Marcel yafotowe yakiriye inkwi umukecuru

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ibi nibyo umuhanga w’umunyarwanda muri Science avuga kuri MUKOROGO birimo no...

Mu Rwanda no mu bihugu bitandukanye by’abirabura hakomeje kuvugwa amavuta...
27 November 2018 Yasuwe: 5048 0

Malariya yariyongereye, abakene ntibari guhabwa inzitiramubu gusa, bari...

Ifoto y’uko baryama mu nzitirmubu / Imvahonshya OMS yatangaje ko u Rwanda...
26 November 2018 Yasuwe: 815 1

Inama ku bakobwa bashaka kwibagisha igitsina kikagira imimerere n’imiterere...

Mu bice bitandukanye by’Isi cyane mu Burayi na Amerika, hari abakobwa...
21 November 2018 Yasuwe: 2174 0

Umwarimu yapfukamishije umunyeshuri kugera ubwo acika ibisebe amuziza...

Mu gihugu cya Ghana haravugwa inkuru y’umunyeshuri wapfukamishijwe...
3 November 2018 Yasuwe: 2487 0

Nyamirambo: Camera zahinduye ubuzima bw’abakobwa bakora akazi k’uburaya i...

Camera zishyirwa ku mihanda ibarizwa I Nyamirambo ahazwi nk’ I Matimba ngo...
1 November 2018 Yasuwe: 2777 1

Uko warera umwana wawe akazakurana umutima w’ impuhwe

Kugira umutima ufasha abari mu kaga , umutima w’ impuhwe n’ ibambe ni byiza...
27 October 2018 Yasuwe: 1892 0