skol
Kigali
startimes

Umwihariko w’inyama y’umwijima

Opinion   Yanditswe na: Martin Munezero 7 October 2020 Yasuwe: 2394

Inyama y’umwijima iri mu nyama zitavugwaho rumwe dore ko hari n’abavuga ko umurwayi w’umwijima aba atemerewe kurya iyi nyama. Nyamara kandi mu 1934, abaganga batatu aribo George Whipple, George Minot, na William P. Murphy bahawe igihembo cyitiriwe Nobel mu buvuzi kubwo kuvumbura ko iyi nyama ivura indwara yo kubura amaraso izwi nka pernicious anemia ikaba iterwa nuko umubiri utari kubasha kwinjiza vitamin B12.


Muri iyi nkuru tugiye kurebera hamwe ibigize iyi nyama biyigira umwihariko ariko turanavuga kubyo kwitondera kuri yo.

Akamaro k’inyama y’umwijima

Intungamubiri

Muri 100g z’iyi nyama dusangamo 162 calories, tugasangamo 24.7g za poroteyine izi zikaba zingana na 50% by’izo umuntu akeneye ku munsi. Harimo kandi 4.5g z’ibinure bihagije ku byo ukeneye ku munsi. Gusa habamo 337mg za cholesterol, izi zikaba zirenze izo umubiri ukeneye ku munsi dore ko ku munsi tutagakwiye kurenza 300mg.

Vitamini

Inyama y’umwijima ni isoko ya vitamin A, izwiho gufasha amaso, uruhu n’ubudahangarwa bw’umubiri. Muri 100g harimo hafi 700% za vitamin A ikenewe ku munsi. Harimo kandi hafi kimwe cya kabiri cya vitamin B9, B6 na B12 ukeneye ku munsi. Vitamin B9 ni ingenzi ku bagore batwite kuko irinda ko abana bazavukana ubumuga. Vitamin B6 ifasha mu ikorwa rya serotonin ukaba umusemburo ufasha mu byiyumviro, amarangamutima no gusinzira naho vitamin B12 ikaba ingenzi mu gufasha imikaya n’insoro zitukura ari naho igira akamaro mu kuvura ya ndwara yo kubura amaraso.

Imyunyungugu

Inyama y’umwijima izwiho kuba isoko y’ubutare aho kuri 100g dusangamo 31% z’ubukenewe ku bagore na 70% z’ubukenewe ku bagabo (abagore bakenera bwinshi ugereranyije n’abagabo). Ubutare kandi bufasha insoro zitukura gutwara umwuka wa oxygen mu mubiri. Sibwo gusa dsangamo kuko hanabonekamo Zinc, izwiho gufasha ubudahangarwa no kugena ibyerekeye DNA.

Icyitonderwa

Inyama y’umwijima harimo vitamin A nyinshi cyane ndetse na cholesterol nyinshi. Niyo mpamvu ari byiza kutazirya buri gihe ahubwo inshuro zitarenze 2 mu cyumweru zirahagije.

Mu kuzitegura banza uzinike mu mazi akonje noneho nyuma y’iminota byibuze 30 uzikuremo zumuke.

Ubone kuziteka kandi wirinde kuziteka igihe kinini kuko zakumagara.

Kandi urebe niba zasuzumwe na muganga w’amatungo wemewe kuko iri mu nyama zishobora kubamo inzoka n’izindi ndiririzi

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba abanyabwenge b’Abirabura bakiri bato cyane bafite IQ iri hejuru cyane...

Isi yabonye abanyabwenge bacye nyabo mu gihe cyagiye gihita. Bamwe mu...
22 November 2020 Yasuwe: 4021 0

Reba imyaka abagore/abakobwa baryoherwamo no gutera akabariro

Abantu benshi bibwira ko ubuzima bw’imyororokere no gukora imibonano...
22 November 2020 Yasuwe: 5842 0

Reba impamvu 8 abagabo batanga zituma bikundira abagore bafite ibibuno...

Ni byo koko hari byinshi bigenda bivugwa ku bijyanye n’imiterere y’igitsina...
22 November 2020 Yasuwe: 3289 0

Reba ibintu 4 bituma abagore n’abakobwa bagira ikibuno kinini

Abantu batandukanye batangazwa no kubona hari abakobwa bamwe na bamwe...
21 November 2020 Yasuwe: 9934 1

Imbwa isa n’umuntu yaciye ibintu hose[AMAFOTO]

Imbwa yitwa Nori ikomeje gutangarirwa cyane n’abayibonye bose kubera...
21 November 2020 Yasuwe: 2934 0

Dore abagore 5 bagize uruhare mu iterambere ry’umugabane wa Afurika[AMAFOTO]

Bamwe mu bayobozi beza Afurika yagize ni abagore, ku mugabane wiganjemo...
20 November 2020 Yasuwe: 2354 0