Ikipe ya Chelsea yasabye umutoza Antonio Conte ko yifuza kumugarura kuyitoza,nkuko ibinyamakuru bitandukanye bibitangaza.

Sponsored Ad

Uyu mutaliyani w’imyaka 54, yirukanwe na the Blues mu mpeshyi ya 2018 nyuma y’imyaka ibiri ayitoza.

Kuva icyo gihe Conte yagiye gutoza mukeba wayo ukomeye i London Tottenham,nayo imwirukana muri Werurwe umwaka ushize nyuma yo kutitwara neza

Nk’uko ikinyamakuru cyo mu Butaliyani cyitwa La Repubblica kibitangaza ngo mu minsi yashize Chelsea "yavuganye cyane" n’uyu wahoze ari umutoza wabo.

Bongeraho ko Conte yatoranyijwe nk’umutoza ukomeyewasimbura Mauricio Pochettino witwaye nabi cyane muri uyu mwaka w’imikino.

Uyu munya Argentine w’imyaka 52, azaba asigaje umwaka mu masezerano ye na The Blues ubwo umwaka w’imikino uzaba urangiye.

Chelsea igomba guhangana n’andi makipe akomeye kugira ngo isinyishe umutoza Conte.

Uyu wahoze ari umutoza w’Ubutaliyani arifuzwa kandi na AC Milan na Napoli zo mu gihugu cye.

Conte yageze bwa mbere kuri Stamford Bridge mu mwaka wa 2016, nyuma yo kwitwara neza muri Juventus no mu butaliyani.