skol
startimes

Abemerewe gukora ubukwe ku mpamvu zihariye bahawe amabwiriza bagomba kubahiriza

Ubuzima   Yanditswe na: Dusingizimana Remy 21 December 2020 Yasuwe: 4582

Minisiteri y’Ubutegetsi bw’Igihugu,MINALOC,yatangaje ko abemererwa gukora ubukwe ku mpamvu zidasanzwe hari ibyo bategetswe kubahiriza birimo kubanza kwipimisha,kutarenza abantu 10,no kwirinda gukora ibirori nyuma y’aho.


Minisitiri w’Ubutegetsi bw’Igihugu,Prof. Shyaka Anastase,aherutse gutangaza ko nubwo ubukwe butemewe muri iki gihe ariko abafite impamvu zumvikana zirimo kuba hari abantu baturutse hanze y’u Rwanda baje gukora ubukwe kandi bagomba gusubirayo babisaba bagahabwa serivisi yihariye.

Mu kiganiro n’itangazamakuru gisobanura imyanzuro yafashwe n’Inama y’Abaminisitiri yateranye ku wa 14 Ukuboza 2020 cyabereye ku Biro bya Minisitiri w’Intebe Kuwa 16 Ukuboza 2020,Minisitiri w’ubutegetsi bw’Igihugu,Prof.Shyaka Anastase,yabwiye abari bafite ubukwe mu mpera z’uyu mwaka ko bagomba kubuhagarika bakazabusubukura mu kwezi kwa mbere ibintu byagiye ku murongo.

Icyakora,yavuze ko hari abantu bashobora kuba bafite impamvu zumvikana aho yatanze urugero rw’abashobora kuba bavuye hanze baje gushyingiranwa hanyuma iki cyemezo kikabagonga kandi bagomba gusubirayo.

Yagize ati “Imihango yose y’bukwe iri mu bikorwa byahagaritswe.Turagira inama abari babufite kubusubika.Niba wari wateguye ibirori byiza cyane muri abantu barenga 200,300,ijana na mirongo ingahe,nyabuneka bisubike bijye mu kwa mbere n’abo wari kuzabikorera bazagufashe,ubahe akanya nimubyukanaho bazaguhereho.

Ariko ntabwo twirengagije ko hari igihe bishoboka ko umukwe n’umugeni bashobora kuba nta yandi maburaburizo bafite.Ntanze nk’urugero hari ibyagiye bigaragara mu nzego zibanze ugasanga abantu bavuye hanze umukwe,umugeni bavuye hanze cyangwa se umwe yavuye hanze aricyo kimuzanye kandi agomba gusubirayo.

Aho rero bimaze gusuzumwa no kuganirwaho,icyerekezo cyari uko bisubikwa ariko igihe bimeze bityo nta yandi maburaburizo,abo twabasaba ko bakwegera ubuyobozi bw’umurenge cyangwa ubw’inzego zibanze ariko nabwo ntabwo tubigira ibirori.Ni serivisi kuko Umurenge urakora,kuwa mbere kugeza kuwa Gatanu.Ujya gushaka icyemezo cy’ubutaka ukakibona n’izindi serivisi.

Turakora uko itegeko ribigena mu ngingo yaryo ya 177 iteganya iyo serivisi ivuga ko umugeni aherekezwa n’abantu 2.Uwo mu muryango we n’uwamwambariye [Parain cyangwa Maraine].Tuzabikurikirana twe n’inzego dufatanyije zirimo polisi n’izindi, kugira ngo na nyuma y’aho batagira ibindi birori bajyamo.

Minisitiri Shyaka yavuze ko iyi serivisi yihariye izahabwa abashyingirwa,bazashyiraho izindi nzego kugira ngo umuyobozi w’umurenge atariwe ufata icyemezo wenyine kuri iyo serivisi.

Bimwe mu byasabwe abemerewe gukora ubukwe muri iki gihe bibujijwe harimo:

Kutarenza abantu 10
Kwipimisha Covid-19 bakabona n’ibisubizo ko batarwaye
Kwirinda kwiyakira no gukora ibirori nyuma

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Za mpanga zavutse zifatanye zimaze kumenyera ubuzima bwo mu mujyi wa...

Impanga zifatanye byari byitezwe ko zipfa nyuma y’iminsi zivutse ubu ziri...
5 January 2021 Yasuwe: 5810 0

Ivan Rakitic yahishuye inzira ikomeye yanyuzemo kugira ngo umugore we...

Umukinnyi Ivan Rakitic ukinira Sevilla FC ariko waherukaga gukinira FC...
4 January 2021 Yasuwe: 6746 0

Meddy n’umukunzi we batangiye 2021 bakorana siporo [AMAFOTO]

Umuhanzi Meddy n’umukunzi we Mimi Mehfira bitegura kurushinga bashyize hanze...
2 January 2021 Yasuwe: 7478 0

RIB yataye muri yombi Gitifu w’Umurenge ushinjwa gukubita umwana w’imyaka 15...

RIB yataye muri yombi Tumusifu Jerome, Umunyamabanga Nshingwabikorwa...
28 December 2020 Yasuwe: 4528 1

Uko hirya no hino ku isi bizihije Noheli [AMAFOTO]

Abantu hirya no hino ku isi bari kwizihiza umunsi mukuru wa Noheli usanzwe...
25 December 2020 Yasuwe: 5156 0

Neymar Jr yatwawe umutima n’ikizungerezi cyasajije benshi ku mbuga...

Rutahizamu Neymar Jr w’ikipe ya PSG mu Bufaransa ari kuvugwa mu rukundo...
24 December 2020 Yasuwe: 6933 0